¿Jawchiʼ kekikʼama wi ri testigos rech Jehová ri pwaq che kkikojo?

Oj kunaq che ubʼanik ri qachak xa rumal ri kuchuj che kkiya ri testigos rech Jehová.a Ri e kuchuj riʼ keya pa taq kaxon che e kʼo pa taq ri lugares che kbʼan wi ri riqbʼal ibʼ xuqujeʼ pa ri página jw.org kyaʼ ubʼixik jas kbʼan che uyaʼik kuchuj. Are ri winaq kchowik jawchiʼ kraj kuya wi ri ukuchuj we pa ri chak che kbʼan cho ronojel ri uwach Ulew, pa ri gastos che kbʼan pa jun Ja rech Ajawbʼal o kuya pa ri kebʼ.

Nijun testigo rech Jehová kbʼix che jampaʼ pwaq rajawaxik kuyaʼo. Ktaʼ ta ri diezmo che y nikʼaj chi jastaq che kuchʼako (2 Corintios 9:7). Pa ri e qariqbʼal ibʼ kmol ta pwaq y ktoj ta ri okibʼal. Ketoj ta ri kʼamal taq bʼe che kkibʼan qasanjaʼ, kkiya jun chʼabʼal chiʼ kkamik jun winaq, pa jun kʼulanem o jun chi uwach jastaq che kbʼan pa ri kikojonik. Kqakʼayij ta wa ni nikʼaj chi jastaq rech kqamulij pwaq xuqujeʼ kqataʼ ta pwaq chke ri winaq. Xuqujeʼ kqabʼan ta loterías, rifas, nimaqʼij o jun chi uwach jastaq rech kqachʼak más pwaq. Y kqaya ta ubʼixik ri ubʼiʼ ri winaq che xuya jun kuchuj (Mateo 6:2-4). Xuqujeʼ pa ri qapágina rech Internet kyaʼ ta anuncios chupam rech kʼayij.

Pa ronojel taq ikʼ pa taq ri congregaciones kech ri testigos rech Jehová kyaʼ ubʼixik pa taq ri riqbʼal ibʼ, jampaʼ pwaq xmulix pa jun ikʼ. Amaqʼel kilik jampaʼ pwaq kmulixik rech utz kbʼan che ukojik (2 Corintios 8:20, 21).

¿Jas kbʼan che uyaʼik ri kuchuj?

• Kaxon re kuchuj: Katkunik kaya ri akuchuj o cheques pa taq ri Ja rech Ajawbʼal o pa ri kʼolbʼal che kbʼan wi ri nimaʼq taq riqbʼal ibʼ.

• Kuchuj che kyaʼ pa Internet: Pa jujun taq tinamit ri winaq kekunik kkikoj ri página «Kuchuj che kyaʼ chke ri testigos rech Jehová» y kekunik kkiya kikuchuj rukʼ tarjeta de crédito o débito, kkibʼan transferencias o kkikoj nikʼaj chik.b E jujun kkitas jubʼiqʼ kipwaq ronojel taq ikʼ rech kekunik kkiya ri kikuchuj (1 Corintios 16:2).

  

• Kuchuj che kchomax uyaʼik: E jujun taq kuchuj rajawaxik kichomaxik y tobʼanik. Wariʼ kubʼano che ri winaq kukoj ri tobʼanik che kyaʼ pa ri utinamit. E kʼi kilom che uyoʼm tobʼanik chke kketaʼmaj jas kkibʼan che uyaʼik ri kikuchuj are chiʼ kʼa e kʼas na xuqujeʼ ri kkibʼan rukʼ are chiʼ kekamik. Kekunik ketzijon rukʼ ri sucursal kech ri testigos rech Jehová che kʼo naqaj chke rech kketaʼmaj jas kbʼan che uyaʼik ri taq kuchuj riʼ:

  • cuentas bancarias

  • seguros y planes de jubilación

  • bienes raíces

  • acciones y bonos

  • testamentos y fideicomisos

We kawaj kawetaʼmaj más chrij ri rajawaxik kbʼanik rech katkunik kaya akuchuj, chawilaʼ ri página re Internet «Kuchuj che kyaʼ chke ri testigos rech Jehová».