¿Jas kinbʼan che uyaʼik kan rilik ri pornografía?

Ri katkunik kabʼano

Chachʼobʼoʼ ri kʼo chrij ri pornografía. Ri qastzij, ri pornografía kubʼan tzʼil che ri relaciones sexuales, che kʼo jun rumal che ri Dios xubʼano. Uchʼobʼik ri jun jastaq riʼ katutoʼ rech itzel kawil ri man utz taj (Salmo 97:10).

Chatchoman chrij ri kʼax kuya. Ri pornografía kresaj kikʼixbʼal ri keqʼalajin chupam xuqujeʼ ri keʼilowik. Ri Biblia qas kubʼij che ri winaq kchomanik are «kril ri sayowem kel kʼu chuwach» (Proverbios 22:3).

Chachaʼ rukʼ kowil ri kachaʼo. Chabʼanaʼ awe junam rukʼ ri sukʼalaj Job, che xubʼij: «Xibʼan jun kʼulwachinik rukʼ ri e nubʼaqʼwach: che kinwil ta jun qʼapoj ali rukʼ rayinik» (Job 31:1, La Palabra de Dios para Todos). ¿La kʼo jun «kʼulwachinik», o kaya atzij, che katkunik kabʼano? Waral kqaya kʼi taq pixabʼ chawe:

• Katok ta pa Internet are chiʼ xaq atukel at kʼolik.

• Chanim katzʼapij jun página o jun anuncio are chiʼ kqʼalajin wachbʼal che kuya itzel taq chomanik chawe.

• Katchʼaw rukʼ jun winaq che kakubʼsaj akʼuʼx chrij are chiʼ kawil chi jumul.

Chayaʼ ubʼixik pa ri achʼawem. Jun chke ri xetzʼibʼan ri Salmos xutaʼ che ri Jehová Dios: «Mayaʼ la che kbʼe nuwach chke taq ri diosibʼ ri e subʼunelabʼ» (Salmo 119:37). Dios kraj katutoʼ, we kabʼan achʼawem che, kuya ri chuqʼabʼ che kajwataj chawe (Filipenses 4:13).

Chayaʼ ubʼixik che jun winaq. Jun chi jastaq che kkunik katutoʼ rech kaqʼaxej ri jun kʼax riʼ are chiʼ katzijoj che jun awachiʼl che qas kʼo chi uchomanik (Proverbios 17:17).

Chnaʼtaj chawe: are chiʼ kaxutuj tzʼil taq wachbʼal, kachʼak jun chʼoj. Chayaʼ ubʼixik pa achʼawem are chiʼ kaxutuj jun tzʼil wachbʼal xuqujeʼ chamaltyoxij che ri Jehová Dios rumal che xatutoʼ. Chatchoman chrij ri kikotemal kaya che are chiʼ kawil ta chi pornografía (Proverbios 27:11).