Ri Jesús kejel chrij jun bʼur y tajin kyaʼ uqʼij kumal ri winaq pa Jerusalén

¿La qas kuya ubʼixik ri profecías re ri Biblia che Jesús are ri Mesías?

Ri kuya ubʼixik ri Biblia

Jeʼ kuya ubʼixik. Are chiʼ ri Jesús xkʼojiʼ cho ri uwach Ulew xtzʼaqatisax kʼi profecías chrij ri Mesías, che keʼukol konojel ri winaq cho ri uwach Ulew (Daniel 9:25; 1 Juan 4:14). Xuqujeʼ are chiʼ kaminaq chik xtzʼaqat chi nikʼaj profecías chrij ri Mesías (Salmo 110:1; Hechos 2:34-36).

**¿Jas kraj kubʼij ri título Mesías?**

Ri título hebreo Maschíaj (Mesías) y ri Kjristós (Cristo) che kʼo pa ri chʼabʼal griego kraj kubʼij «chaʼom». Rumal laʼ Jesucristo kraj kubʼij «Jesús ri chaʼom» o «Jesús ri Mesías».

Ojer kanoq ktix aceite pa ujolom jun winaq rech kchaʼik o kyaʼ jun nimalaj eqelen che (Levítico 8:12; 1 Samuel 16:13). Ri Dios xuchaʼ ri Jesús rech kux ri Mesías, che are jun nimalaj eqelen (Hechos 2:36). Are kʼu, ri Dios are xukoj ri ruxlabʼixel che uchaʼik ri Jesús man are ta xukoj ri aceite (Mateo 3:16).

¿La kkun jun chi winaq kutzʼaqatisaj ri profecías che xbʼix kan chrij ri Mesías?

No. Wariʼ kjunamataj rukʼ jun huella digital che xaq xiw che ri winaq kʼo wi, ri profecías che kʼo pa ri Biblia xaq xiw chrij jun Mesías o Cristo kchʼaw wi. Y ri Biblia kubʼij: «Kepe kʼu na winaq ri kkijaluj kibʼ chi e Cristo. Kepe na ri kkijaluj kibʼ chi e qʼaxal taq tzij. Kekibʼan na nimaʼq taq etal xuqujeʼ mayibʼal che kisubʼik we ta kbʼantajik xuqujeʼ ne ri e chaʼom qas rumal ri Dios» (Mateo 24:24).

¿La kʼa majaʼ kpe ri Mesías cho ri uwach Ulew?

No. Ri Biblia kubʼij che ri Mesías petinaq pa ri ufamilia ri David, jun chke ri qʼatal taq tzij rech Israel (Salmo 89:3, 4). Xuqujeʼ ri wuj che kyaʼ wi ubʼixik ri kibʼiʼ ri ufamilia ri qʼatal tzij David xsach uwach. Weneʼ xsach uwach are chiʼ ri romanos xeʼopan pa Jerusalén pa ri junabʼ 70.a Rumal laʼ nijun winaq retaʼm jachin e petinaq pa ri ufamilia ri David. Are kʼu pa taq ri uqʼij ri Jesús kʼa e kʼo na ri e wuj riʼ, y nijun chke ri ukʼulel xkibʼij che petinaq ta pa ri ufamilia ri David (Mateo 22:41-46).

¿Jampaʼ profecías rech ri Mesías kʼo pa ri Biblia?

Kojkun taj kqabʼij jampaʼ qas profecías rech ri Mesías kʼo pa ri Biblia. Rumal che amaqʼel kkʼextaj ri ajilabʼal chrij ri profecías rech ri Mesías paneʼ are tajin kchʼaw chrij pa ri Biblia. Jun kʼutbʼal, pa Isaías 53:2-7 kuya ubʼixik kʼi taq profecías rech ri Mesías. E kʼi winaq kkichomaj che ri kyaʼ ubʼixik pa ri textos riʼ are xa jun profecía, y nikʼaj chik kkichomaj che kʼi profecías kʼo pa ri versículos riʼ.

Jujun taq profecías che kchʼaw chrij ri Mesías xtzʼaqatik chiʼ xkʼojiʼ ri Jesús cho ri uwach Ulew

Ri xbʼantajik	Profecía	Chiʼ xtzʼaqatik
Rijaʼlil ri Abrahán	Génesis 22:17, 18	Mateo 1:1
Rijaʼlil ri Isaac, ri ralkʼwal ri Abrahán	Génesis 17:19	Mateo 1:2
Petinaq pa ri tribu re Judá	Génesis 49:10	Mateo 1:1, 3
Petinaq pa ri ufamilia ri David	Isaías 9:7	Mateo 1:1
Ral jun qʼapoj ali	Isaías 7:14	Mateo 1:18, 22, 23
Xkʼojiʼ pa Belén	Miqueas 5:2	Mateo 2:1, 5, 6
Kbʼix Emmanuel cheb	Isaías 7:14	Mateo 1:21-23
Ri xalax wi y ri xkoj chrij	Isaías 53:2	Lucas 2:7
Xekamisax akʼalabʼ are chiʼ xkʼojiʼk	Jeremías 31:15	Mateo 2:16-18
Xbʼe pa Egipto	Oseas 11:1	Mateo 2:13-15
Xalaxik junam rukʼ jun Nazareoc	Isaías 11:1	Mateo 2:23
Xyaʼ lo ubʼixik rumal jun profeta are chiʼ majaʼ kkʼojiʼk	Malaquías 3:1	Mateo 11:7-10
Xux Mesías pa ri junabʼ 29d	Daniel 9:25	Mateo 3:13-17
Ri Dios xuya ubʼixik che are ralkʼwal	Salmo 2:7	Hechos 13:33, 34
Nim xril wi ri rachoch ri Dios	Salmo 69:9	Juan 2:13-17
Xutzijoj utz taq tzij	Isaías 61:1	Lucas 4:16-21
Ri xutzijoj pa Galilea xjunamataj rukʼ jun luz	Isaías 9:1, 2	Mateo 4:13-16
Junam rukʼ ri Moisés xubʼan milagros	Deuteronomio 18:15	Hechos 2:22
Junam rukʼ ri xubʼan ri Moisés, xuqʼaxej ri utzij ri Dios	Deuteronomio 18:18, 19	Juan 12:49
Xeʼukunaj kʼi yawabʼibʼ	Isaías 53:4	Mateo 8:16, 17
Xubʼan taj che nim kil wi	Isaías 42:2	Mateo 12:17, 19
Xel ukʼuʼx chke ri kkiriq kʼax	Isaías 42:3	Mateo 12:9-20; Marcos 6:34
Xutzijoj ri usukʼilal ri Dios	Isaías 42:1, 4	Mateo 12:17-20
Maravilloso Consejero	Isaías 9:6, 7	Juan 6:68
Xuqʼalajisaj ri ubʼiʼ ri Jehová	Salmo 22:22	Juan 17:6
Xukoj utz taq kʼutbʼal	Salmo 78:2	Mateo 13:34, 35
Kʼamal bʼe	Daniel 9:25	Mateo 23:10
E kʼi xekojon ta chrij	Isaías 53:1	Juan 12:37, 38
Jun tzaqibʼal	Isaías 8:14, 15	Mateo 21:42-44
Xxutuxik	Salmo 118:22, 23	Hechos 4:10, 11
Itzel xilik	Salmo 69:4	Juan 15:24, 25
Xyaʼ uqʼij are chiʼ xok bʼi pa Jerusalén kejenaq bʼi chrij jun bʼur	Zacarías 9:9	Mateo 21:4-9
Xya uqʼij kumal ri akʼalabʼ	Salmo 8:2	Mateo 21:15, 16
Xpe pa ri ubʼiʼ ri Jehová	Salmo 118:26	Juan 12:12, 13
Xkʼayix rumal jun rachiʼl	Salmo 41:9	Juan 13:18
Xkʼayix che 30 monedas de platae	Zacarías 11:12, 13	Mateo 26:14-16; 27:3-10
Xwonobʼax kan kumal ri rachiʼl	Zacarías 13:7	Mateo 26:31, 56
Xbʼix molom taq tzij chrij kumal jujun winaq	Salmo 35:11	Mateo 26:59-61
Xchʼaw ta chkiwach ri winaq che xkimol tzij chrij	Isaías 53:7	Mateo 27:12-14
Xchubʼaxik	Isaías 50:6	Mateo 26:67; 27:27, 30
Xchʼay che ri ujolom	Miqueas 5:1	Marcos 15:19
Xchʼayik	Isaías 50:6	Juan 19:1
Xutoʼ ta ribʼ are chiʼ xchʼayik	Isaías 50:6	Juan 18:22, 23
Xewalij ri qʼatal taq tzij chrij	Salmo 2:2	Lucas 23:10-12
Xkoj lawux chke ri raqan y ri e uqʼabʼ cho jun cheʼ	Salmo 22:16	Mateo 27:35; Juan 20:25
Xekijach ri ratzʼyaq	Salmo 22:18	Juan 19:23, 24
Xbʼixik che are jun ajmak	Isaías 53:12	Mateo 27:38
Xyoqʼik, itzel xilik	Salmo 22:7, 8	Mateo 27:39-43
Xuchʼij ri kʼax kumal ri ajmakibʼ	Isaías 53:5, 6	1 Pedro 2:23-25
Xilitajik che jetaneʼ xwonobʼax kan rumal ri Dios	Salmo 22:1	Marcos 15:34
Xyaʼ vinagre che rukʼ hiel rech kutijo	Salmo 69:21	Mateo 27:34
Xchaqij uchiʼ are chiʼ xa jubʼiqʼ chi kraj kkamik	Salmo 22:15	Juan 19:28, 29
Xuya ri ukʼaslemal pa uqʼabʼ ri Dios	Salmo 31:5	Lucas 23:46
Xuya ri ukʼaslemal	Isaías 53:12	Marcos 15:37
Xuya ri tojbʼal rech ksach ri makaj	Isaías 53:12	Mateo 20:28
Kʼo ta xqʼaj chke ri ubʼaq	Salmo 34:20	Juan 19:31-33, 36
Xchʼik jun chʼichʼ che	Zacarías 12:10	Juan 19:33-35, 37
Xmuq kukʼ ri qʼinomabʼ	Isaías 53:9	Mateo 27:57-60
Xkʼastajisaxik	Salmo 16:10	Hechos 2:29-31
Xtzukux ukʼaxel ri xkʼayinik	Salmo 109:8	Hechos 1:15-20
Tʼuyul pa uwikiqʼabʼ ri Dios	Salmo 110:1	Hechos 2:34-36

a Ri Cyclopedia de McClintock y Strong kubʼij: «Qas qetaʼm che ri e wuj ri kyaʼ wi ubʼixik ri tribus y ri familias judías xsach uwach are chiʼ xchʼak Jerusalén, y are ta xsach uwach nabʼe kanoq».

b Ri bʼiʼaj hebreo Emmanuel, che kraj kubʼij «Kʼo ri Dios qukʼ», kuya ubʼixik ri chak che kubʼan ri Jesús che are ri Mesías. Ri xubʼan cho ri uwach Ulew kukʼutu che ri Dios kʼo kukʼ ri keqʼijilan che (Lucas 2:27-32; 7:12-16).

c Ri tzij Nazareno weneʼ pa ri chʼabʼal hebreo kpe wi che are nétser, che kraj kubʼij «utux».

d We kawaj kawetaʼmaj más chrij ri cronología che kubʼij che ri Mesías kkʼutun pa ri junabʼ 29, chawilaʼ ri wuj «Ri Daniel xuqʼaxej ubʼixik che kpe ri Mesías».

e Wajun profecía riʼ kʼo chupam ri wuj re Zacarías, are kʼu ri Mateo xubʼij che wariʼ tzijom kan rumal ri profeta Jeremías (Mateo 27:9). Weneʼ jujun taq mul ri wuj re Jeremías are nabʼe kʼo chuwach ri sección re ri Biblia che kbʼix «los profetas» che (Lucas 24:44). Weneʼ Mateo xukoj «Jeremías» rech xchʼaw chrij wajun sección riʼ, che xuqujeʼ kʼo ri wuj re Zacarías chupam.