Ri misioneros keʼopan «pa taq ri tinamit ri sibʼalaj naj e kʼo wi cho ronojel ri uwach Ulew»

Ri Jesús xubʼij chke ri utijoxelabʼ: Kixux nutestigos «cho ronojel ri uwach Ulew» (Hechos 1:8). Ri testigos rech Jehová rukʼ kikotemal kkibʼan wajun chak riʼ. Paneʼ je wariʼ, oj kunaq ta che utzijoxik ri utzij ri Dios pa ronojel lugar, jun kʼutbʼal, kʼo jujun taq lugar ri oj opanaq ta wi che e kʼo kʼi winaq chilaʼ, xuqujeʼ pa jujun taq tinamit e kʼo ta más testigos (Mateo 9:37, 38). ¿Jas tajin kqabʼano rech keqariq más winaq?

Rech kojkunik kqabʼan wajun chak riʼ che xuya kan ri Jesús, ri Comité rech Servicio re ri jikalaj pataninel e utaqom bʼi misioneros pa taq lugar ri kajwataj wi tobʼanik, kimik e kʼo 3.090 misioneros che tajin kkiya kitobʼanik cho ronojel ri uwach Ulew.a Kʼi chke xetijox pa taq escuelas bíblicas, junam rukʼ ri Tijobʼal che kyaʼ chke ri kkiya ubʼixik ri Ajawbʼal. Ri e misioneros riʼ kiyaʼom kan kachoch, kifamilia rech kebʼe pa jun chi tinamit. Rukʼ ri ketaʼmam y ronojel ri kʼutum chkiwach e kunaq che utzijoxik ri utzij ri Dios, y kiyaʼom jun utz kʼutbʼal chkiwach nikʼaj chik.

Uyaʼik tobʼanik chke ri misioneros keʼutoʼ nikʼaj chik

Pa ronojel ri sucursales, ri Sección de Ministros del Campo del Departamento de Servicio kchakun rukʼ ri Comité de Sucursal rech kyaʼ ri kajwataj chke ri misioneros. Ktzukux jun lugar ri kekanaj wi kanoq, kechajixik rech keyawaj taj, xuqujeʼ kyaʼ jubʼiqʼ pwaq chke rech kʼo ri kajwataj chke. Pa ri chak rech ri junabʼ 2020, ri testigos rech Jehová xa jubʼiqʼ kraj che 27 millones de dólares kisachom chkij ri misioneros. Rukʼ wa jun tobʼanik riʼ, ri misioneros are más kkilij ri utzijoxik ri utzij ri Dios xuqujeʼ kekitoʼ ri e kʼo pa ri congregaciones.

¿Jas tobʼanik kkiya ri misioneros che utzijoxik ri utzij ri Dios? Frank Madsen, che are kʼo pa ri Comité rech ri Sucursal pa Malaui, kubʼij: «Rukʼ ri kitobʼanik ri misioneros, ri e congregaciones kimajim utzijoxik ri utzij ri Dios pa taq lugares che naj e kʼo wi, y che kʼax utzijoxik ri utzij ri Dios chilaʼ, xuqujeʼ ri lugares riʼ ri winaq ketzijon pa jun chi chʼabʼal, kkiya jun utzalaj kʼutbʼal are chiʼ kkikoj kichuqʼabʼ rech kukʼam kiwach pa ri lugar xuqujeʼ are chiʼ kkikoj kichuqʼabʼ che retaʼmaxik ri chʼabʼal che ktzijox chilaʼ. Xuqujeʼ qas kkiya tobʼanik chke ri alabʼom alitomabʼ rech kkimajij upatanexik ri Jehová pa tiempo completo. Rajawaxik kqamaltyoxij che ri Jehová rumal che e kʼo ri misioneros».

Jun chke ri Comité che kʼo pa ri Sucursal rech jun chi tinamit kubʼij: «Ri misioneros are jun kʼutbʼal che ri oj testigos rech Jehová oj ko pa junamil y oj kʼo cho ronojel ri uwach ulew. Xuqujeʼ ri e winaq che e testigos taj kkilo che kʼo ta jun jastaq kujach qawach. Ri kqetaʼmaj pa ri Biblia kubʼano che kqaj qibʼ qonojel junam rukʼ jun familia».

¿Y jas tobʼanik kkiya ri misioneros chke ri publicadores che e kʼo pa ri kicongregación? Paulo, che kel pa Timor Oriental, sibʼalaj kumaltyoxij ri chak che kibʼanom ri misioneros pa ri ucongregación. Ri areʼ kubʼij: «Pa taqʼaj oj kʼo wi. Y, paneʼ ri misioneros kepe pa jun lugar che sibʼalaj kʼo tew, areʼ kʼu kkiya taj che wariʼ keʼuqʼatej che ubʼanik ri kichak. Amaqʼel kekʼojiʼ pa ri riqbʼal ibʼ re utzijoxik ri utzij ri Dios, y jujun taq mul kekanaj na kan che ubʼanik revisitas are chiʼ sibʼalaj kʼo qʼaqʼ xuqujeʼ kkitzijoj ri utzij ri Dios bʼenaqʼij. E kʼi winaq e kitoʼm che uchʼobʼik ri qastzij xuqujeʼ xinkitoʼ in. Rukʼ kikotemal kkipatanij ri Jehová y wariʼ kubʼano che ronojel ri congregación xuqujeʼ kkaj kkibʼan ke».

Ketti, jun precursora regular che kʼo pa Malaui, kubʼij ri xkibʼan jun kʼulaj che utoʼik ri ufamilia: «Are chiʼ xetaq lo pa ri qacongregación xaq xiw riʼ in, in Testigo pa ri nufamilia. Sibʼalaj xkiya tobʼanik chwe, xeʼux utz taq qachiʼl pa ri qafamilia. Ri e wal xketaʼmaj che upatanexik ri Jehová are más kuya kikotemal. Rukʼ ri kitobʼanik, ri oxibʼ wal alitomabʼ kimik e precursoras regular chik y ri wachajil xumaj bʼenam pa ri e riqbʼal ibʼ».

¿Y jawchiʼ kpe wi ri pwaq che kkoj che kitoʼik ri misioneros? Kpe pa ri kuchuj che kyaʼ che ri obra mundial. Jujun taq mul ri kuchuj riʼ kyaʼ pa donate.jw.org. Sibʼalaj kqamaltyoxij ri ikuchuj che kiyaʼo.