Miércoles 3 re septiembre
Ri José [...], xubʼano jas ri xtaq wi rumal ri taqoʼn aj kaj re ri Ajawaxel. Xukʼam ri María che rixoqil (Mat. 1:24).
Ri José amaqʼel xunimaj ri utaqanik ri Jehová y wariʼ xtobʼanik rech xux jun utzalaj achajil. Oxibʼ mul ri Jehová xubʼij che ri rajawaxik kubʼano rech kuchajij ri ufamilia, y aninaq xubʼano (Mat. 1:20; 2:13-15, 19-21). Rumal che amaqʼel xunimaj ri Jehová, xkunik xuchajij ri María. Rumal laʼ, xloqʼoqʼex rumal ri María y nim xil wi. Achajilaxelabʼ kixkunik kibʼan iwe junam rukʼ ri José. Chitzukuj pixabʼ pa ri Biblia che kixutoʼ che uchajixik ri ifamilia. We kinimaj ri kubʼij ri Biblia kikʼutu che nim kiwil wi ri iwixoqil y wariʼ kubʼano che kʼo loqʼoqʼenik chixoʼl. Jun qachalal che kel pa Vanuatu che más che 20 junabʼ chik kʼulanik kubʼij: «Nim kwil wi ri wachajil are chiʼ kwilo che kutzukuj ri utobʼanik ri Jehová y kunimaj. Y kinkubʼsaj más nukʼuʼx chrij». w23.05 21 párr. 5
Jueves 4 re septiembre
Kkʼojiʼ na jun bʼe, ri kbʼinax na «ri bʼe ri tastalik». Ri man e chʼajchʼoj taj man kuya ta kkibʼinibʼej (Is. 35:8).
Rajawaxik che ri judíos e «tastal [...] che upatanixik ri Ajawaxel» (Deut. 7:6). ¿La kraj kubʼij che ri judíos e tastalik? Je taj. Xaneʼ rajawaxik xkikʼex jujun jastaq pa ri kikʼaslemal rech xeqaj chuwach ri Jehová. E kʼi judíos kʼateʼ xekʼojiʼ pa Babilonia, rumal laʼ kkibʼan ke jas kkibʼan e areʼ. Y are chiʼ xopan ri Nehemías xrilo che ri kalkʼwal ri e judíos riʼ ketaʼm taj kechʼaw pa hebreo (Deut. 6:6, 7; Neh. 13:23, 24). Rumal laʼ, ¿jas kkibʼan che uloqʼoqʼexik o retaʼmaxik uwach ri Dios we ketaʼm ta ri chʼabʼal ri tzʼibʼam wi ri uTzij? (Esd. 10:3, 44). Rajawaxik kʼi kkikʼex ri e judíos riʼ pa ri kikʼaslemal, are kʼu xaq xiw kekunik kkibʼan wariʼ we kekʼojiʼ kan pa Israel rumal che chilaʼ tajin kqʼijilax wi ri Jehová (Neh. 8:8, 9). w23.05 15 párrs. 6, 7
Viernes 5 re septiembre
Ri Ajawaxel keʼutoqʼej ri ketzaqlobʼik, keʼuwalijisaj ri ketuqarik (Sal. 145:14).
Paneʼ kqaj kqabʼan jun qameta, are kʼu weneʼ xaq kʼateʼ kqakʼulmaj jun kʼax che kubʼano che kʼo ta chi qatiempo che ubʼanik (Ecl. 9:11). Xuqujeʼ e kʼo chi nikʼaj kʼax che kresaj qachuqʼabʼ (Prov. 24:10). Y rumal che xa oj ajmakibʼ, weneʼ kqabʼan jun jastaq che utz ta kel chqawach rumal laʼ kqabʼan ta chi ri qameta (Rom. 7:23). O weneʼ rumal che oj kosinaq (Mat. 26:43). ¿Jas kojtoʼwik rech kqaya ta kan ubʼanik jun qameta? Kaya ta bʼe che ri kʼax katuqʼatej che ubʼanik ri ameta. Ri Biblia kubʼij che weneʼ jujun taq mul kojqʼax pa kʼax. Are kʼu xuqujeʼ ubʼim chqe che kojkunik kqabʼan ri qameta rukʼ ri utobʼanik ri Jehová. Rumal laʼ, we kqaya ta kan ubʼanik ri qameta paneʼ kqariq kʼax, kqakʼutu che kqaloqʼoqʼej ri Jehová. Chatchoman chrij ri kikotemal che kunaʼ ri Jehová are chiʼ kakoj achuqʼabʼ che ubʼanik ri ameta. w23.05 30 párrs. 14, 15