¿La xukoj ri Dios ri evolución che ubʼanik ri jalajoj kiwach kʼaslemal che kʼolik?

Ri kuya ubʼixik ri Biblia

No. Ri Biblia kubʼij che ri Dios xeʼubʼan ri winaq xuqujeʼ jalajoj kiwach chikop y qʼayes (Génesis 1:12, 21, 25, 27; Apocalipsis 4:11). Ri Biblia kubʼij che ri nabʼe taq qatat qanan are ri Adán y Eva. Y kumal ri areʼ xojkʼojiʼ qonojel ri oj winaq (Génesis 3:20; 4:1). Ri Biblia kubʼij taj che ri Dios xukoj ri evolución rech xubʼan jalajoj taq kiwach kʼaslemal. Ri Biblia kubʼij che kʼo kʼi kʼaslemal chupam jun género junam rukʼ ri kubʼij ri ciencia.a

• ¿Jas kkichomaj jujun winaq?

• ¿La junam ri kuya ubʼixik ri evolución rukʼ ri Biblia?

• Are chiʼ jun kʼaslemal kukʼam uwach pa jun chi lugar, ¿la kraj kubʼij che are evolución?

¿Jas kkichomaj jujun winaq?

Ri winaq che kkichomaj che ri Dios xukoj ri evolución che ubʼanik ri kʼaslemal, kʼo jalajoj kichomanik chrij wariʼ. Jun Encyclopædia Britannica, kuya ubʼixik che ri Dios kukoj ri jastaq che kkikʼex kibʼ rech kubʼan chi nikʼaj kʼaslemal.

Ri winaq riʼ xuqujeʼ kkichomaj wariʼ:

• Ronojel uwach kʼaslemal che kilitajik xekʼojiʼ ojer pa jun chi kʼaslemal.

• Jun uwach kʼaslemal kkunik kukʼex ribʼ rech kux jun chikop o jun chi kʼaslemal. Wariʼ kbʼix macroevolución che.

• Ri Dios are kbʼanow ronojel wariʼ.

¿La junam ri kuya ubʼixik ri evolución rukʼ ri Biblia?

We ri Dios kukoj ri evolución che ubʼanik nikʼaj chi kʼaslemal qas ta bʼaʼ tzʼaqat riʼ ri kuya ubʼixik ri wuj re Génesis. Are kʼu, ri Jesús xubʼij che qastzij ri kyaʼ ubʼixik pa ri wuj re Génesis (Génesis 1:26, 27; 2:18-24; Mateo 19:4-6). Ri Biblia kubʼij che ri Jesús kʼo pa ri kaj are chiʼ majaʼ kpe cho ri uwach Ulew y xutoʼ ri Dios che ubʼanik konojel ri jastaq (Juan 1:3). Rumal laʼ, ri Biblia kubʼij taj che ri Dios xukoj ri evolución che ubʼanik nikʼaj chi kʼaslemal.

Are chiʼ jun kʼaslemal kukʼam uwach pa jun chi lugar, ¿la kraj kubʼij che are evolución?

Ri Biblia kuya ta ubʼixik ronojel ri kkʼextaj pa jun kʼaslemal. Rumal che qas qetaʼm che kʼo kkʼextaj pa ri kikʼaslemal ri awajibʼ, ri cheʼ o ri qʼayes che Dios ubʼanom rumal che kekunik kukʼam kiwach pa ri lugar che kekʼojiʼ wi. Weneʼ qastzij che kʼo kkʼex pa ri kikʼaslemal, are kʼu kux ta jun chi kʼaslemal junam rukʼ ri kkichomaj ri winaq.