RI ALABʼOM ALITOMABʼ KKITAʼ
¿Jas kubʼan ri Biblia che qatoʼik? Nabʼe uchʼaqapil: Chatzukuj jeʼlalaj taq pixabʼ pa ri Biblia
«¡Kwaj kinsikʼij ri Biblia are kʼu kwilo che sibʼalaj nim!» (Briana, che kʼo 15 ujunabʼ).
¿La akʼulmam wariʼ? We jeʼ wajun kʼutunem ri katutoʼo.
¿Jasche rajawaxik kasikʼix ri Biblia?
¿Jas kachomaj la kʼax usikʼixik ri Biblia? Weneʼ qastzij weneʼ kachomaj che ri Biblia kjunamataj rukʼ jun wuj che kʼo 1000 uxaq che xaq nitzʼaq taq letras kʼo chuwach y che kʼo ta wachbʼal. ¡Xaq ta junam rukʼ ri kil pa ri televisión y pa taq ri videos!
Chachomaj wariʼ: we kariq jun kaxon che qʼeʼl chik y che kʼo qʼinomal chupam, ¿la mat qastzij che kawaj katoro?
Ri Biblia kajunamataj rukʼ wajun kaxon riʼ. Che kʼo qʼinomal chupam kariq jeʼlalaj taq pixabʼ chupam che katutoʼo rech:
Utz kabʼan che uchaʼik ri jastaq.
Kkʼojiʼ jamaril kukʼ ri anan atat.
Keʼariq utz taq awachiʼl.
Katutoʼ chuwach ri estrés.
¿La kʼo kojutoʼ wi oj wajun wuj che ojer chi kʼolik? Kʼolik, rumal che «ronojel ri tzʼibʼatalik petinaq rukʼ ri Dios» (2 Timoteo 3:16). Wariʼ kraj kubʼij che ronojel ri pixabʼ che kʼo pa ri Biblia petinaq rukʼ ri winaq che sibʼalaj nim ubʼanik pa ri kajulew.
Ri Biblia kjunamataj rukʼ jun qʼeʼl kaxon che kʼo jeʼlalaj pixabʼ chupam.
Ri kbʼan che usikʼixik ri Biblia
Ri nabʼe che katkunik kabʼano are usikʼixik ronojel ri Biblia. Ubʼanik wariʼ katutoʼo rech kawetaʼmaj jas chrij kchʼaw wi ri Biblia. Kʼo kebʼ katkunik kabʼano:
Katkunik kasikʼij ri 66 wuj che kʼo pa ri Biblia kamaj pa Génesis kakʼisa pa Apocalipsis.
Katkunik kasikʼij ri Biblia pa orden cronológico kraj kubʼij che katerenej usikʼixik ronojel ri xkʼulmatajik.
Ri katkunik kabʼano: Pa ri sección 4-A re ri folleto Tobʼanik rech ketaʼmax chrij ri Utzij ri Dios kariq jun lista cronológico chrij ronojel ri xkʼulmataj pa ri ukʼaslemal ri Jesús cho ri uwach Ulew.
Ri ukabʼ che katkunik kabʼano are uchaʼik jun bʼantajik che katutoʼ chuwach jun kʼax. Jun kʼutbʼal:
¿La kawaj kekʼojiʼ awachiʼl che katkunik kakubʼsaj akʼuʼx chkij? We jeʼ chasikʼij ri xkikʼulmaj ri David rukʼ Jonatán (1 Samuel, capítulos 18-20). Tekʼuriʼ chabʼanaʼ wariʼ «Cómo encontrar amigos de verdad» rech kʼo kawetaʼmaj.
¿La kawaj kkʼojiʼ achuqʼabʼ che kixutuxik ri itzel taq jastaq? Katkunik kasikʼij ri bʼantajik re ri José rech kawetaʼmaj jas xubʼan chuwach ri kʼax (Génesis, capítulo 39). Tekʼuriʼ chabʼanaʼ wariʼ «Cómo resistir las tentaciones» y «Acusado falsamente», che kukʼut utz taq pixabʼ chawach.
¿La kawaj kawetaʼmaj Jas kubʼan ri chʼawem che atoʼik? Chasikʼij ri xkʼulmataj rukʼ Nehemías. (Nehemías, capítulo 2). Tekʼuriʼ chabʼanaʼ wariʼ «Jehová contestó su oración», chilaʼ kʼo kawetaʼmaj.
Ri katkunik kabʼano: Are chiʼ kawaj kasikʼij ri Biblia chatzukuj jun lugar che kʼo ta wi buya kbʼanik y che katkunik katchoman chrij ri kasikʼij uwach.
Ri urox che katkunik kabʼano are uchaʼik jun bʼantajik o jun salmo kasikʼij uwach tekʼuriʼ katchoman chrij jas tobʼanik kuya chawe. Are chiʼ kasikʼitaj awumal chabʼanaʼ ri preguntas riʼ:
¿Jasche ri Jehová xubʼano che e kʼo ri e tzij riʼ pa ri Biblia?
¿Jas kkʼut chnuwach chrij ri Jehová xuqujeʼ chrij ri kubʼan che kibʼanik ri e jastaq?
¿Jas kinuto wi wariʼ pa nukʼaslemal?
Ri katkunik kabʼano: Chakojoʼ jun ameta. Katkunik katzʼibʼaj jun fecha rech kamajij usikʼixik ri Biblia y chakojoʼ ri «Programa re usikʼixik uwach ri Biblia» che kariq pa ri qakʼolbʼal pa Internet.