¿Jas kubʼan ri Biblia che nutoʼik? Ukabʼ uchʼaqapil: Chawetaʼmaj usikʼixik ri Biblia

«Weneʼ kachomaj che kʼax usikʼixik ri Biblia y kachʼobʼ ta ri kubʼij. Are kʼu wariʼ kkʼulmatajik are chiʼ awetaʼm ta ri kabʼan che usikʼixik», kchaʼ jun ala ubʼiʼ Will.

¿La kawaj kawetaʼmaj ri kabʼano rech utz kanaʼ usikʼixik ri Biblia? Wajun kʼutunem ri katutoʼ.

• Chabʼanaʼ che jetaneʼ at kʼo kukʼ ri winaq che kasikʼij pa ri Biblia

• Chatzukuj más información

• Ri kkichomaj jujun taq alabʼom alitomabʼ

Chabʼanaʼ che jetaneʼ at kʼo kukʼ ri winaq che kasikʼij pa ri Biblia

Chabʼanaʼ wariʼ rech más utz kanaʼ usikʼixik ri Biblia:

1. Chachaʼ jun bʼantajik re ri Biblia che kawaj kanikʼoj uwach. Weneʼ jun bʼantajik che xkʼulmataj kan ojer, jun chʼaqapil re jun Evangelio o jun bʼantajik dramatizadas che kʼo pa jw.org.

2. Chasikʼij ri bʼantajik. Katkunik kasikʼij atukel o kukʼ ri afamilia o kukʼ ri awachiʼl rukʼ ko chʼabʼal. Jun chke kkunik kubʼan narrador y ri nikʼaj chik kkisikʼij ri kkibʼan ri personajes.

3. Xuqujeʼ chabʼanaʼ wariʼ:

   • Chabʼanaʼ jujun wachbʼal che kuqʼalajisaj ri qas xkʼulmatajik. Chatzʼibʼaj jujun taq tzij che kubʼij ri tajin kbʼanik.

   • Chabʼanaʼ jun esquema. Jun kʼutbʼal, are chiʼ kasikʼij chrij ri ukʼaslemal jun personaje che xux sukʼ, chajunamaj ri xubʼano y ri utz taq ubʼantajik rukʼ ri tewchibʼal che xuriqo.

   • Chabʼanaʼ che ri bʼantajik jetaneʼ jun reportaje. Kʼi chabʼanaʼ che uqʼalajisaxik ri xkʼulmatajik y chabʼanaʼ «entrevistar» ri winaq che xasikʼij uwach xuqujeʼ ri nikʼaj chik che xeʼilowik.

   • We jun chke ri personajes utz ta ri xuchaʼ ubʼanik, chachomaj ri kukʼulmaj na. Jun kʼutbʼal, chatchoman chrij ri Pedro, chi xuxutuj ri Jesús (Marcos 14:66-​72). ¿Jas ta xubʼan riʼ ri Pedro chuwach wariʼ?

   • We qas utz xawil ri xasikʼij uwach, chabʼanaʼ jun bʼantajik che awech at rukʼ ri xasikʼij uwach pa ri Biblia. Xuqujeʼ chatzʼibʼaj ri xawetaʼmaj (Romanos 15:4).

     

Chatzukuj más información

We qas kanikʼoj ri bʼantajik che kʼo pa ri Biblia, kariq jeʼlalaj taq pixabʼ. Jujun taq mul weneʼ jun o kebʼ tzij kuya kʼi información che nim ubʼanik.

Jun kʼutbʼal, chajunamaj Mateo 28:7 rukʼ Marcos 16:7.

• ¿Jasche pa ri wuj re Marcos kubʼij che ri Jesús kukʼut na ribʼ chkiwach ri utijoxelabʼ «y chuwach Pedro»?

• Jun tobʼanik: Marcos kʼo ta chilaʼ; are Pedro xbʼin che ri xkʼulmatajik.

• Jeʼlalaj pixabʼ: ¿Jasche xkubʼiʼ ukʼuʼx ri Pedro are chiʼ xretaʼmaj che ri Jesús kraj kril chi jumul uwach? (Marcos 14:66-72). ¿Jas xubʼan Jesús che ukʼutik che areʼ jun utzalaj achiʼl? ¿Jas kabʼan che resaxik uwach ri Jesús we kawaj katux jun utzalaj achiʼl?

Are chiʼ kabʼano che jetaneʼ at kʼo chkixoʼl ri winaq ri kasikʼij uwach pa ri Biblia xuqujeʼ katzukuj más información, más utz kanaʼ usikʼixik ri Biblia.