Chqesaj uwach ri Jesús

CHQATOQʼOBʼISAJ WACHAJ

Ri Jesús are tzʼaqat, rumal laʼ xunaʼ ta ronojel ri kqanaʼo oj are chiʼ kqariq kʼax pa ri qakʼaslemal. Paneʼ je wariʼ ri areʼ xukʼutu che qastzij kel ukʼuʼx chke ri winaq y xukoj uchuqʼabʼ che kitoʼik. Ri toqʼobʼisabʼal wachaj xubʼano che ri areʼ xeʼutoʼ ri nikʼaj chik. Kojkunik kqil jujun taq kʼutbʼal pa ri e kʼutunem 32, 37, 57 y 99.

CHQABʼANAʼ CHE RI NIKʼAJ KKIXEʼJ TA KIBʼ KETZIJON QUKʼ

Konojel ri winaq xkixeʼj ta kibʼ xeqebʼ rukʼ ri Jesús y xetzijon rukʼ, rumal che ri Jesús xukʼutu che kraj ktzijon kukʼ ri winaq y xubʼan ta nim che ribʼ. Are chiʼ ri winaq xkil wariʼ konojel xkaj xekʼojiʼ rukʼ y xetzijon rukʼ. Chqilaʼ jas xubʼan che ubʼanik wariʼ pa ri e kʼutunem 25, 27 y 95.

AMAQʼEL CHQABʼANAʼ QACHʼAWEM

Ri Jesús amaqʼel xubʼan uchʼawem, are chiʼ xaq utukel o chiʼ kʼo kukʼ nikʼaj chik che kkiqʼijilaj ri Dios. Amaqʼel xubʼan uchʼawem xaq xiw ta xubʼano are chiʼ xwaʼik. Pa ri chʼawem che xubʼano, xmaltyoxin che ri Dios, xuya uqʼij y xutaʼ tobʼanik rech utz kubʼan che uchaʼik jujun taq jastaq che nim ubʼanik. Chqilaʼ jujun chke wariʼ pa ri e kʼutunem 24, 34, 91, 122 y 123.

CHEL QAKʼUʼX CHKE NIKʼAJ CHIK

Jujun taq mul ri Jesús xraj xuxlanik are kʼu xuya ri utiempo che kitoʼik ri winaq. Xaq xiw ta xchoman chrij chbʼil ribʼ. Ri xubʼano kukʼut chqawach che rajawaxik kqabʼan qe. Chqilaʼ jas xubʼan che ukʼutik wariʼ pa ri e kʼutunem 19, 41 y 52.

CHQAKUYU MAKAJ

Ri Jesús xaq xiw ta xubʼij che kqakuy makaj, xaneʼ xukʼut chqawach ri rajawaxik kqabʼano chiʼ xukuy kimak ri utijoxelabʼ y nikʼaj chi winaq. Chqilaʼ jas xubʼan che ubʼanik pa ri e kʼutunem 26, 40, 64, 85 y 131.

CHQAPATANIJ RI DIOS RUKʼ RONOJEL QANIMAʼ

Ri profecías xukʼut kanoq che kʼi judíos itzel kkil ri Mesías y che ri e ukʼulel kkikamisaj na. Are kʼu ri Jesús xuxeʼj ta ribʼ, xaneʼ xukoj uchuqʼabʼ che ukʼutik ri qastzij qʼijilanik. Rukʼ wariʼ xuya jun kʼutbʼal chqe ri oj upatanelabʼ che kojkunik kqesaj uwach ri ukʼutbʼal are chiʼ kqariq kʼax. Chojchoman chrij ri kkiya ubʼixik ri e kʼutunem 16, 72 y 103.

CHQAKʼUTU MACHʼACHʼEM

Ri Jesús más nim na ubʼanik chkiwach ri winaq, jun kʼutbʼal, ri areʼ más kʼo unojibʼal. Tzʼaqat ri ucuerpo y ri uchomanik. Rumal laʼ kʼo ta jun kkunik kujunamaj ribʼ rukʼ, are kʼu xumachʼ ribʼ y xeʼupatanij ri nikʼaj chik. Kojkunik kqil ri machʼachʼem che xukʼutu pa ri e kʼutunem 10, 62, 66, 94 y 116.

CHKʼOL QAPACIENCIA

Ri Jesús amaqʼel xukʼut paciencia are chiʼ ri apóstoles y nikʼaj chi winaq xkibʼan ta ri xubʼij chke. Rukʼ paciencia xukamulij ubʼixik chke ri rajawaxik kkibʼano rech keqebʼ rukʼ ri Jehová. Chqilaʼ ri xubʼan ri Jesús che ukʼutik paciencia pa ri e kʼutunem 74, 98, 118 y 135.