PREGUNTA 6
¿Jas ubʼim kan ri Biblia chrij ri Mesías?
BʼIM KANOQ
«Are kʼu ri at Belén Efrata [...], chawe at kel wi na jun taqanel ri kataqan na puwiʼ ri Israel.»
(Miqueas 5:2)
CHIʼ XBʼANIK
«Aretaq xalax ri Jesús pa Belén re Judea, pa taq ri uqʼijol ri ajawinel Herodes, xebʼopan pa Jerusalén jujun ajnoʼjabʼ ri kipetik pa elebʼal qʼij.»
BʼIM KANOQ
«Kijachom ri watzʼiʼaq chkiwach, xetaqlebʼen kʼu chrij.»
(Salmo 22:18)
CHIʼ XBʼANIK
«Ri ajchʼojabʼ, aretaq kiripom chik ri Jesús, xekikʼam ri ratzʼiʼaq, kiʼejebʼ xkibʼan wi [...]. Xkikʼam xuqujeʼ ri upam ratzʼiʼaq. Are kʼu ri upam ratzʼiʼaq man kʼo ta utʼisel, xa jun ukemik bʼanom ajsik kʼa ikim. Ri ajchʼojabʼ xkibʼilaʼ kʼut chkibʼil taq kibʼ: ‹Maqajixo, xaneʼ chujtaqlebʼenoq, rech kaqilo jachin kechbʼenik›.»
BʼIM KANOQ
«[Dios] kebʼuchʼuq konojel ri ubʼaqil, mawi ta ne xa jun kaqʼajisax ta na.»
(Salmo 34:20)
CHIʼ XBʼANIK
«Aretaq xebʼopan kʼu rukʼ ri Jesús, xkilo chi kaminaq chik, man xekiqʼajisaj ta ri e uchʼek.»
BʼIM KANOQ
«Xsok kimak kech ri e qakʼulelanik.»
(Isaías 53:5)
CHIʼ XBʼANIK
«Jun kʼut chke ri ajchʼojabʼ xujut bʼik ri utzʼimaj chʼichʼ pa ri ukʼalkʼaʼx, chanim xel uloq kikʼ rukʼ jaʼ.»
BʼIM KANOQ
«Juwinaq lajuj raqan saq pwaq xkitojbʼej wech.»
(Zacarías 11:12, 13)
CHIʼ XBʼANIK
«Jun kʼut chke ri kabʼlajuj, Judas Iscariote ubʼiʼ, xbʼe kukʼ ri e kinimaqil ri e kojol taq tabʼal toqʼobʼ. Xubʼij kʼut: ‹¿Joropaʼ kayaʼ alaq chwe kinjach kʼu ri Jesús pa qʼabʼ alaq?› Ri e are xkipaj juwinaq lajuj (30) raqan saq pwaq che.»