PREGUNTA 11
¿Jas kqakʼulmaj chiʼ kojkamik?
«Kachʼak na ri awa rukʼ ri ukʼatanal ri apalaj, kʼa kattzelej na pa ri ulew ri xatesax wiʼ, at kʼu yaʼ ulew katux chi kʼu na ulew.»
(Génesis 3:19)
«Ri e kʼaslik ketaʼm chi kebʼekamoq, are kʼu ri kaminaqibʼ mawi kʼo ketaʼm [...]. Ronojel kʼut ri kʼo pa aqʼabʼ che ubʼanik, chabʼanaʼ rukʼ ronojel chuqʼabʼ, rumal rech chi pa ri muqubʼal, ri katetakʼal wi na, ma kʼo ta jas kbʼanik mawi kʼo jas kchomax chik, mawi kʼo chik etaʼmanik mawi noʼj.»
(Eclesiastés 9:5, 10)
«[Jesús] xubʼij chke: ‹Ri qachiʼl Lázaro kwarik. Kinbʼe bʼa che ukʼasuxik che ri uwaram›. Ri Jesús are xutzijoj ri ukamikal. Ri e utijoxelabʼ kʼut xkichomaj chi are kutzijoj ri uxlanem re ri waram. Kʼateʼ riʼ ri Jesús xubʼij chke chi saqil: ‹Ri Lázaro kaminaq chik›.»