Ri kichak ajitz (magia) xuqujeʼ kichak ri ajqʼij e utz täj

Ri Satanás kraj che kqabʼan itzinem. Sibʼalaj kʼi täq winaq kketaʼ toqʼobʼ chike ri täq uxlabʼal xuqujeʼ chike ri kitiʼt kimam rech kkebʼan ta kʼäx chike. Kkebʼan wariʼ rumal che kkexibʼij kibʼ chike ri kichoqʼabʼ ri täq uxlabʼal. Wanikʼaj winaq kkekoj täq mulqʼabʼ (anillos) xuqujeʼ qulqʼabʼ (pulseras) che kʼo itzinem che. Kketij täq kunabʼal (jelaʼ kkebʼij), che petinäq kukʼ ajqʼij xuqujeʼ kkekoj chikij. Nikʼaj chik winaq kkekʼol jas täq pa kichoch wene kkemuq pa ulew rumal che kkechomaj che kʼo kichoqʼabʼ rech keʼuchajej. Kkekoj täq kunabʼal petinäq kukʼ ajqʼij rumal che kkechomaj che keʼutoʼ pa täq kikʼay, xuqujeʼ rech kketzukuj kikʼulaj xuqujeʼ rech utz kiwäch.

Rech qas kqatoʼ qibʼ che ri Itzel Satanás, rajawaxik kqabʼan urachiʼl ri Jehová. Ri Ajawaxel Jehová rukʼ ri täq utaqoʼxel ajkaj sibʼalaj nim kichuqʼabʼ che kiwäch ri Satanás rukʼ ri itzel täq uxlabʼal (Santiago 2:19; Apocalipsis 12:9). Ri Jehová sibʼalaj nim ukʼuʼx rech kukoj uchoqʼabʼ che ketoʼik jachin kekachilaj areʼ, ri nikʼaj che sibʼalaj kkenimaj areʼ (2 Crónicas 16:9).

Utzij ri Ajawaxel kubʼij: «Mibʼan subʼunik [kichak ajitz kukʼ ajqʼij]». Ri Jehová, itzel kril ri kichak ri ajqʼij xuqujeʼ ri itzinem, rumal che we bʼantajik riʼ kojuyaʼ pa ri uqʼabʼ ri Itzel Satanás (Levítico 19:26).