• Qas chqabʼij utz täq tzij
    «Chichajij iwibʼ pa ri loqʼoqʼebʼal ukʼuʼx ri Dios»

    • ¿JASCHE RAJAWAXIK KQAJIKʼ RI QAQʼ?

      4, 5. ¿Jas kkibʼij kʼi proverbios rech ri Loqʼalaj Pixabʼ chirij ri kubʼan ri tzij chike nikʼaj chik?

      4 Ri nabʼe rumal che kqanaʼ na ri kqabʼij are che kʼo kubʼan chike nikʼaj chik winaq. Wariʼ are kubʼij ri Loqʼalaj Pixabʼ: «Ri chʼuchʼujalaj aqʼ, jun cheʼ che kuya kʼaslemal, ri kumatzalaj aqʼ, kurachʼaqij ri ranimaʼ ri winaq» (Proverbios 15:4, TW).a Ri utz täq tzij are sibʼalaj kjororik junam rukʼ ri raxqʼabʼ xuqujeʼ sibʼalaj utz junam rukʼ jun kunabʼal. Are kʼu ri itzel täq tzij kubʼan kʼäx chike ri nikʼaj chik. Rukʼ wariʼ, kqilo che ri tzij kkunik kubʼan kʼäx o kuya utzilal (Proverbios 18:21).