-
Pregunta 13: ¿Jas kubʼij ri Biblia chrij ri chak?Jujun chke ri jastaq che kʼo pa ri Utzij ri Dios
-
-
PREGUNTA 13
¿Jas kubʼij ri Biblia chrij ri chak?
«Jachin ri utz ubʼanik ri uchak kubʼano, kʼo ri che kipatanixik taq ri ajawinelabʼ man kʼu chke ta apachike winaq.»
(Proverbios 22:29)
«Ri kelaqʼanik, melaqʼan chik xaneʼ chukojoʼ uchuqʼabʼ che kibʼanik utzalaj taq chak kukʼ ri uqʼabʼ, rech kʼo kuyaʼ chke ri kʼo kirajawaxik.»
(Efesios 4:28)
«We kʼu kujwaʼik kujukʼiʼanik xuqujeʼ kaqil uwach ri kuyaʼ ri qachak chqe, rumal kʼu rech chi areʼ ri Dios yowinaq chqe.»
(Eclesiastés 3:13)
-
-
Pregunta 14: ¿Jas kqabʼano rech utz ukojik ri pwaq kqabʼano?Jujun chke ri jastaq che kʼo pa ri Utzij ri Dios
-
-
PREGUNTA 14
¿Jas kqabʼano rech utz ukojik ri pwaq kqabʼano?
«Ri kujach ribʼ che ri ukikotisaxik ribʼ, ri uwaʼl uva xuqujeʼ taq ri kʼokʼal, kekʼis na pa ri mebʼayil.»
(Proverbios 21:17)
«Ri winaq che kuta pwaq pa kʼas, ajpataninel riʼ chrech ri kyaʼow ri qajomal.»
(Proverbios 22:7, TW)
«¿La kʼo lo jun chiwe, we karaj kuyak jun takʼatikalaj ja, ri ma ta nabʼe ktʼuyiʼ na che rajilaxik joropaʼ ri kusach na, we kubʼanaʼ ri pwaq ri kʼo rukʼ che ukʼisik ri takʼatikalaj ja? We man jeriʼ, aretaq uchapom chik uyakik ri takʼatikalaj ja, we man kakuʼin che ukʼisik, konojel ri keʼilowik xaq kaketzʼbʼej uwach, kakibʼij: ‹We achi riʼ xuchaplej uyakik jun ja, man xkuʼin ta kʼu che ukʼisik›.»
«Aretaq xenojik, xubʼij ri Jesús chke ri utijoxelabʼ: ‹Chimulij ri chʼaqataq kaxlanwa ri xetoʼtajik, rech man kʼo ta katzaqik›.»
-
-
Pregunta 15: ¿Jas kqabʼano rech kqariq kikotemal?Jujun chke ri jastaq che kʼo pa ri Utzij ri Dios
-
-
PREGUNTA 15
¿Jas kqabʼano rech kqariq kikotemal?
«Utz na utijik ichaj rukʼ loqʼoqʼebʼal kʼuxaj, che ukʼexwach utijik tiʼj wakax rukʼ oyowarem.»
(Proverbios 15:17)
«In ri Ajawaxel ri aDios ri kinkʼut chawach jachike ri utz chawe, in kinkʼam abʼe pa ri bʼe ri rajawaxik kataqej.»
(Isaías 48:17)
«Utz ke ri kakichʼobʼo chi kajwataj ri Dios chke, kakechbʼej kʼut ri rajawibal ri Dios.»
«Chaloqʼoqʼej ri awajil atzʼaqat je jas ri uloqʼoqʼexik awibʼ chbʼil awibʼ.»
«Jas ri kiwaj chi kakibʼan ri winaq chiwe, je xuqujeʼ chibʼanaʼ ix chke.»
«Are kikotemal chke ri kakitatabʼej ri utzij ri Dios, kakinimaj kʼut.»
«Puneʼ e kʼo kʼi jastaq re jun winaq, man are ta riʼ ri kayoʼw ri ukʼaslemal.»
«We kʼu kʼo ri qawa ri qatzʼiʼaq chujkikot che waʼ.»
(1 Timoteo 6:8)
«Areʼ sibʼalaj utz na re ri kayanik chuwach ri kakʼamowik.»
-
-
Pregunta 16: ¿Jas kojkunik kqabʼan chuwach ri kʼax?Jujun chke ri jastaq che kʼo pa ri Utzij ri Dios
-
-
PREGUNTA 16
¿Jas kojkunik kqabʼan chuwach ri kʼax?
«Chayaʼ kan ronojel ri abʼis pa ukʼabʼ ri Ajawaxel, katutoqʼej kʼu na; mawi kʼu jumul kuyaʼ bʼe chi katzaq ri winaq ri kaniman che.»
(Salmo 55:22)
«Ri chomanik taq ri utz kichomaxik utz kebʼel na; ri xaq aninaq kibʼanik kakikʼam uloq etzelatajik.»
(Proverbios 21:5)
«Man kaxeʼj ta awibʼ, in kʼo kʼu ne awukʼ maxibʼij awibʼ, in kʼut in aDios. In kinyoʼw achuqʼabʼ, in katintoʼ, katintoqʼej rukʼ ri kolomalaj nuqʼabʼ.»
(Isaías 41:10)
«Jachin ta jun chiwe puneʼ ta sibʼalaj kok il, ¿jas ta lo ri kubʼano che utikik nikʼaj bʼaraʼ che ri raqan?»
«Je kʼu riʼ, mixok il che ri qʼij re chweq; ri qʼij kʼut re chweq kukʼam na uloq ri rokem il. Ri retzelal ri jun qʼij chubʼanaʼ waʼ che.»
«Jeriʼ kixkuʼin che uchʼobʼik jas ri qas utz na ubʼanik.»
(Filipenses 1:10)
«Kʼo jun jasach mixok wi il, xaneʼ chiyaʼ ronojel chuwach ri Dios pa chʼawem rukʼ Dios; chixtzʼonom che, chiyaʼ kʼu maltyoxinik che xuqujeʼ. Are kʼu ri ujamaril ri Dios, ri nim na chuwach ronojel noʼj, kachajin na ri iwanimaʼ xuqujeʼ ri ichʼobʼobʼal pa ri Cristo Jesús.»
(Filipenses 4:6, 7)
-
-
Pregunta 17: ¿Jas kbʼanik rech kʼo kikotemal pa ri familia?Jujun chke ri jastaq che kʼo pa ri Utzij ri Dios
-
-
PREGUNTA 17
¿Jas kbʼanik rech kʼo kikotemal pa ri familia?
ACHI IXOQ/NAN TAT
«Ri achi rajawaxik kuloqʼoqʼej ri rixoqil, jas ri uloqʼoqʼexik ri ucuerpo ri areʼ chbʼil ribʼ. Apachin ri kuloqʼoqʼej ri rixoqil, kuloqʼoqʼej ribʼ riʼ. Man kʼo ta jun karetzelaj uwach ri ucuerpo chbʼil ribʼ, xaneʼ kutzuqu, kuchajij.» «Ri ix kʼut chijujunal chi loqʼoqʼej ri iwixoqil jas ri uloqʼoqʼexik iwibʼ.»
(Efesios 5:28, 29, 33)
«Ri ix kʼut tataxelabʼ, miyak koyowal ri e iwalkʼuʼal, xaneʼ chebʼikʼiyisaj rukʼ pixbʼenik, chebʼitijoj che ri utzij ri Ajawaxel.»
(Efesios 6:4)
IXOQIBʼ
«Ri ixoq xuqujeʼ rajawaxik nim karil wi ri rachajil.»
(Efesios 5:33)
«Ix ixoqibʼ ri ix kʼulanik, chixniman chke ri iwachajil. Are waʼ ri rajawaxik kibʼano pa ri ikojonik che ri Ajawaxel.»
(Colosenses 3:18)
ALKʼWALABʼ
«Alkʼuʼalaxelabʼ [...], chebʼinimaj ri itat inan. Are kʼu waʼ ri sukʼ. Are waʼ nabʼe taqomal ri rachilam jun chiʼnik: ‹Nim chawilaʼ wi ri atat xuqujeʼ ri anan, rech utz katelik, naj kʼut katkʼasiʼ na cho ri uwach ulew›.»
(Efesios 6:1-3)
«Alkʼuʼalaxelabʼ, chebʼinimaj ri itat inan pa ronojel. Are kʼu waʼ ri kaqaj chuwach ri Ajawaxel.»
(Colosenses 3:20)
-