Chqabʼanaʼ sibʼalaj utz che ri qachak: pa taq kʼaybʼal

¿Jasche rajawaxik? Rumal che kʼi chke winaq kechakun kʼi horas che ri qʼij, rumal laʼ rajawaxik kqatzijoj ri Ajawbʼal pa kichak. Ri utzijoxik ri utzij ri Dios pa taq chak sibʼalaj kuya kikotemal xuqujeʼ kʼi winaq kkitatabʼej ri kqabʼij chke, amaqʼel keqariq ri winaq xuqujeʼ, rumal che, ri kechakun chilaʼ kkaj ketzijon qukʼ rumal che e areʼ kkichomaj che weneʼ kqaloqʼ ri jastaq. Rech utz kel ri utzijoxik ri utzij ri Dios pa taq ri lugares riʼ, ri qachalal rajawaxik che utz ri kinoʼj rukʼ ri katzʼyaq xuqujeʼ rukʼ ri kkibʼan che usukʼumaxik kibʼ (2 Cor. 6:3). Ri ajkʼamal bʼe che kril ri kbʼan che ubʼixik ri utzij ri Dios rajawaxik krilo we amaqʼel kesolix ri e kʼaybʼal xuqujeʼ ri kesolinik.

Ri kqabʼano:

Chachomaj ri kabʼij, utz we xa kebʼ oxibʼ tzij. Rumal che we naj kattzijon rukʼ jun ajchak, weneʼ kubʼano che pa jun qʼij chik kojutatabʼej ta chik.
Utz che kasolij ri kʼaybʼal are chiʼ e kʼo ta más winaq, jun kʼutbʼal, weneʼ chiʼ qas kmajtaj ri chak.
Utz che nabʼe kattzijon rukʼ ri ajchaqʼe ri chak xuqujeʼ che at utz rukʼ. Kuya kabʼij wariʼ che: «Tajin keqasolij ri winaq pa kichak rumal che xaq xiw pa kichak keqariq wi». Xa pa kebʼ oxibʼ minutos, chakʼutuʼ jun alaj wuj, ri revistas o jun chik wuj. Utz che kojchʼaw ta chrij ri kuchuj xaq xiw we ri winaq kutaʼ chqe ri kqabʼan che utojik ri e qawuj, rumal che kqaj taj che kkibʼij che xa oj ajkʼayibʼ.
We utz ri ajchaqʼe ri chak, chabʼij che, che kawaj katchʼaw jubʼiqʼ kukʼ ri ajchakibʼ. Pa jujun taq lugar jachiʼ kechakun wi ri winaq kʼo ja jachiʼ keʼuxlan wi ri ajchakibʼ, utz kqataʼ chke we kkaj kqaya kan wuj chilaʼ.
Qas chqakojoʼ ri qachomanik xuqujeʼ chqilaʼ we kojkunik kojtzijonik. Jun kʼutbʼal, we ri ajkʼay tajin kchʼaw rukʼ jun winaq o kʼo tajin kubʼano, are utz che kqeyej na che ktoʼtajik tekʼuriʼ kqachʼabʼej.

Chabʼanaʼ waʼ pa jun ikʼ:

Pa ri Qʼijilanik pa ri familia, chitijoj iwibʼ che ri kibʼan che kitzijobʼexik ri winaq pa ri kʼaybʼal we kʼo kʼaybʼal pa ri territorio.