Chqetaʼmaj jun jastaq che kʼi ta ketaʼm

¿La bʼim jun jastaq pa axikin rumal che kajwax taj che nikʼaj chik kketaʼmaj?...a Rumal che wajun jastaq riʼ kʼi ta winaq ketaʼm. Ri Utzij ri Dios kchʼaw chrij jun che nim ubʼanik che «man etaʼmatal taj nabʼe kanoq». Ojer kʼot nijun winaq retaʼm. Ri e ángeles xuqujeʼ kkaj kketaʼmaj. ¿La kawaj at kawetaʼmaj?...

Ojer, ri Dios xubʼan ri nabʼe achi xuqujeʼ ri nabʼe ixoq. ¿Jas kibʼiʼ?... Ri achi ubʼiʼ Adán ri ixoq ubʼiʼ Eva. E areʼ xekʼojiʼ pa ri Edén. Ri Edén are jun kʼolbʼal che sibʼalaj jeʼlik, che are ri Dios xbʼanowik rech kekʼojiʼ chuwach. Ri Dios xraj che e areʼ xuqujeʼ ri kalkʼwal kkibʼan jeʼlik che ronojel ri uwach Ulew, junam rukʼ ri Edén. Kraj che kekʼojiʼ chilaʼ rukʼ jun kʼaslemal che kʼot ukʼisik. Are kʼu je ta waʼ ri xbʼantajik. ¿Jasche je ta xbʼantajik?

Rumal che ri Adán xuqujeʼ ri Eva xeniman ta che ri Dios, rumal laʼ kimik oj kʼo ta pa jun utz uwach Ulew. Are kʼu ri Dios ubʼim che kubʼan chi na utz che ri uwach Ulew. Konojel ri winaq kkiriq kikotemal xuqujeʼ jun kʼaslemal che kʼot ukʼisik. ¿Jas kubʼan ri Dios che ubʼanik? Ojer kʼot nijun winaq retaʼm. ¡Rumal che kʼutalik!

Are kʼu chnojimal xchʼobʼotajik. Chiʼ xpe ri Jesús pa ri uwach Ulew xukʼut chkiwach ri winaq ri ubʼanik wajun jastaq riʼ. Xukʼut jas riʼ ri Rajawbʼal ri Dios. Chiʼ xubʼan jun chʼawem che ri Dios, xubʼij: «Chpet ri ajawbʼal la». ¿Jasche xutaʼ waʼ? Rumal che ri Rajawbʼal ri Dios kubʼan na utz che ri uwach Ulew.

¿La kawaj at katkʼojiʼ pa ri jeʼlalaj uwach Ulew?... Masach chawe che xaq xiw ri kkinimaj ri Dios kekʼojiʼ pa ri jeʼlalaj Ulew. Ri Biblia kchʼaw chkij achijabʼ xuqujeʼ ixoqibʼ che xkinimaj ri Jehová. Pa wajun wuj riʼ kqetaʼmaj chkij e jachinoq xuqujeʼ jas kqabʼano rech kqabʼan qe ri xkibʼano. ¿La kawaj kawetaʼmaj chkij?...