Ri chakubʼal che rajawaxik rech kqaya tijonik
1. ¿Jas kejunamataj wi ri cristianos kukʼ ri ajchakibʼ?
1 Ri ajchakibʼ kʼo kʼi kichakubʼal. Jujun xaq xiw kkikoj che jun chak che nim upatan, nikʼaj chik amaqʼel kkikojo. Ri kʼi chi tiempo tajin kechakunik amaqʼel kʼo jun ukʼolbʼal ri kichakubʼal che amaqʼel kkikojo, are ri qas kekun che ukojik. Ri Utzij ri Dios kubʼij chqe che kqakoj qachuqʼabʼ che utzijoxik ri utzalaj taq tzij. Rumal che, rajawaxik che konojel ri Testigos e are «jun ajchak ri man kʼo ta kakʼix wi» (2 Tim. 2:15). ¿Jas riʼ ri qachakubʼal che más nim upatan? Qastzij wi, are ri Biblia, ri kqakojo rech ri e winaq keʼux ajtijoxelabʼ (Mat. 28:19, 20). Rumal laʼ, rajawaxik kqakoj ronojel qachuqʼabʼ rech qas kojkun che ukojik ri Utzij ri Dios. Are kʼu, konojel ri cristianos rajawaxik kketaʼmaj ukojik nikʼaj chik chakubʼal che qas kqakoj che ukʼutik ri qastzij chke ri winaq (Prov. 22:29).
2. ¿Jas e chakubʼal qas kqakoj che uyaʼik etaʼmanik?
2 Ri e qachakubʼal che qas kqakoj che uyaʼik etaʼmanik. Jun chakubʼal are ri Biblia, ¿jas nikʼaj chik chakubʼal kʼolik? Ri wuj ubʼiʼ ¿Su qas kukʼut ri Loqʼalaj Pixabʼ? are ri más kqakoj che uyaʼik etaʼmanik chrij ri Biblia. Are chiʼ kqakʼis rilik wajun wuj riʼ kqakoj ri wuj ubʼiʼ «Chichajij iwibʼ pa ri loqʼoqʼebʼal ukʼuʼx ri Dios» rech kketaʼmaj ubʼanik ri upixabʼ ri Biblia pa kikʼaslemal. Rumla laʼ, rajawaxik kqetaʼmaj ri ubʼanik xuqujeʼ ukojik ri kebʼ wuj riʼ. Pa ri ukʼolbʼal ri qachakubʼal xuqujeʼ rajawaxik che kʼo jujun folletos. Jun kʼutbʼal, ri wuj Kbʼix utz jastaq rech ri Ajawaxel che kqakoj che umajixik jun etaʼmanik chrij ri Biblia. We pa ri qaterritorio keqariq winaq che qas ta kekun che usikʼixik uwach wuj o kechʼaw pa jun chʼabʼal che kʼo ta wuj o kʼi taj kʼolik, kojkunik kqakoj ri folletos Chanimaj ri Ajawaxel xuqujeʼ Chanimaj ri Ajawaxel rech kʼo akʼaslemal che kʼot ukʼisik. Jun chi chakubʼal che qas kqakojo are ¿E jachin tijan kkibʼan ri kraj ri Jehová kimik?, che keʼutoʼ ri ajtijoxelabʼ rech kketaʼmaj más chrij ri utinamit ri Dios. Xuqujeʼ sibʼalaj utz che kqakoj ri videos rech ri winaq keʼux ajtijoxelabʼ xuqujeʼ utz kqetaʼmaj kikojik. Jun chke are ¿Jasche kqetaʼmaj chrij ri Biblia? xuqujeʼ ¿Jas kibʼanik ri qariqbʼal ibʼ?
3. ¿Jas kqetaʼmaj pa nikʼaj chik wuj Ri Qachak che ri Dios?
3 Pa nikʼaj chik wuj Ri Qachak che ri Dios kqetaʼmaj ukojik ri wuj che kʼo pa ri ukʼolbʼal chakubʼal che kqakoj che uyaʼik etaʼmanik chke ri winaq. We kqakoj qachuqʼabʼ rech utz ukojik kqabʼano, tajin kqabʼan wajun pixabʼ riʼ rech ri Biblia che kubʼij: «Chawilaʼ awibʼ, xuqujeʼ chawilij ri atijonik, mayaʼ kanoq. We kabʼan kʼu waʼ, kakol na awibʼ, xuqujeʼ kebʼakol ri katkitatabʼej» (1 Tim. 4:16).