«Konojel ri winaq xa jun kichʼabʼal kʼolik»

11:1-4, 6-9

Pa Babel, Jehová xujabʼuj kiwach ri winaq che keniman taj are chiʼ xukʼex ri kichʼabʼal. Are kʼu kimik tajin keʼumulij e kʼiʼalaj winaq re ronojel tinamit, chʼabʼal, xuqujeʼ tajin kukʼut jun chʼajchʼojalaj chʼabʼal chkiwach, rech konojel kkichʼobʼ ri ubʼiʼ ri Jehová xuqujeʼ junam kkiya uqʼij (Sof 3:9; Ap 7:9). Wajun chʼajchʼojalaj chʼabʼal riʼ, are ri qastzij chrij ri Jehová xuqujeʼ chrij ri kraj kubʼano junam rukʼ ri kubʼij ri Biblia.

Rech kqetaʼmaj jun kʼakʼ chʼabʼal xaq xiw ta keqakʼol tzij pa qajolom, xaneʼ rajawaxik kqakʼex ri kqachomaj. Junam rukʼ, are chiʼ kqetaʼmaj ri chʼajchʼojalaj chʼabʼal re ri qastzij, kkʼextaj ri qachomanik (Ro 12:2). Wariʼ kuya tobʼanik rech kkʼojiʼ jun utzalaj achilanik pa ri utinamit ri Dios (1Co 1:10).