KʼUTUNEM 12

Ukʼutik utzilal xuqujeʼ unaʼik ri kkinaʼ ri e nikʼaj chik

1 Tesalonicenses 2:7, 8

RESUMEN: Chatchʼaw rukʼ ri awanimaʼ xuqujeʼ chakʼutuʼ che katok il chke ri kattatabʼenik.

Chatchoman chkij ri kattatabʼenik. Are chiʼ katijoj awibʼ, chatchoman chrij ri kʼax che tajin kkiqʼaxej xuqujeʼ chanaʼ ri tajin kkinaʼo.
Utz chabʼanaʼ che uchaʼik ri e atzij. Chabʼanaʼ che kkiriq kubʼsal kikʼuʼx, kkiriq kichuqʼabʼ xuqujeʼ ukowil kikʼuʼx ri kattatabʼenik. Kakoj ta e tzij che kubʼan kʼax. Keʼayoqʼ ta ri winaq che kkipatanij ta ri Jehová xuqujeʼ ri kikojonik.
Chatok il. Katkunik kabʼan wariʼ we utz kabʼan che ukojik ri uchuqʼabʼ ri achʼabʼal xuqujeʼ ri ukojik ri aqʼabʼ. Chatchoman chrij ri kakʼut rukʼ ri kabʼan che ri apalaj. Kʼi mul chattzeʼnoq.

Chabʼanaʼ che kaya ta uwiʼ ri atzij are chiʼ katchʼawik ko ta karaq achiʼ. Are chiʼ kasikʼij uwach jun bʼantajik, chakʼutuʼ ri xunaʼ ri winaq che xtzʼibʼanik, are kʼu kabʼan taj che xaq chawij kechoman wi. Chattzijon rukʼ utz taq tzij rech ri kattatabʼenik kkilo che katok il che kitoʼik.