Chakojoʼ kʼutbʼal pa ri atijonik

Mateo 13:34, 35

RESUMEN: Chabʼanaʼ jeʼlik che ri atijonik rukʼ e kʼutbʼal che kʼax ta uchʼobʼik chke ri kattatabʼenik xuqujeʼ che ktobʼan che ukʼutik pixabʼ nim kibʼanik.

JAS KBʼAN CHE UBʼANIK

• Chachaʼ e kʼutbʼal che kʼax ta uchʼobʼik. Chabʼanaʼ awe ri xubʼan ri Jesús: chakojoʼ jastaq che ketaʼm ri winaq che ukʼutik jastaq nim ubʼanik xuqujeʼ jastaq che kʼax ta uchʼobʼik rech kakʼut jastaq che kʼax uchʼobʼik. Kakoj ta jastaq che xa kubʼan kʼax che uchʼobʼik ri kaya ubʼixik. Rech keʼasach ta ri kattatabʼenik qas chawilaʼ che ri kʼutbʼal kakojo kʼo ubʼanik rukʼ ri kakʼutu.

• Chatchoman chkij ri kattatabʼenik. Chachaʼ e kʼutbʼal che kʼo ubʼanik rukʼ kichak ri e winaq o qas kkaj kketaʼmaj chrij. Chakojoʼ achuqʼabʼ che ri kabʼij keʼuya ta ri winaq pa kʼixbʼal o keʼuyoqʼ taj.

• Chaqʼalajisaj ri pixabʼ che nim ubʼanik. Chakojoʼ kʼutbʼal che kuqʼalajisaj ri pixabʼ nim kibʼanik are ta ri nim ta kipatan. Chakojoʼ achuqʼabʼ rech ri kkanaj pa kijolom ri kattatabʼenik are ri kʼutunem are ta ri kʼutbʼal.