Referencias rech ri wuj Qachak xuqujeʼ Qakʼaslemal ri oj Cristianos
© 2025 Watch Tower Bible and Tract Society of Pennsylvania
6-12 RE ENERO
QʼINOMAL RE RI UTZIJ RI DIOS SALMOS 127-134
Nan tat, chichajij ri sipanik che uyaʼom ri Jehová chiwe
w21.08 5 párr. 9
Nim chqilaʼ wi ri qakʼolbʼal pa ri ufamilia ri Jehová
9 Ri Jehová xuya qakʼaslemal rech kojkunik kekʼojiʼ qalkʼwal, keqatijoj rech kkiloqʼoqʼej y kkipatanij areʼ. We e kʼo awalkʼwal, ¿la nim kawil wi wajun jeʼlikalaj sipanik? Paneʼ ri Jehová uyaʼom nimalaj chuqʼabʼ chke ri ángeles rech kkibʼan mayibʼalalaj taq jastaq, uyaʼom ta chke rech kekʼojiʼ kalkʼwal. Rukʼ wariʼ, ri e tat nan rajawaxik kkimaltyoxij wajun jeʼlikalaj eqeleʼn. Yaʼom jun jeʼlikalaj kichak rech kekitijoj ri e kalkʼwal «rukʼ pixbʼenik [...] che ri utzij ri Ajawaxel» (Efes. 6:4; Deut. 6:5-7; Sal. 127:3). Rech ri e tat nan kkiriq ta kʼax che kikʼiyisaxik ri e kalkʼwal, ri utinamit ri Dios uyaʼom kʼi tobʼanik chke; junam rukʼ ri jalajoj taq wuj che elesam pa ri uTzij ri Dios, ri videos, ri e bʼix y ri kʼutunem che e kʼo pa jw.org. Rukʼ wariʼ, kqʼalajinik che ri qaTat pa ri kaj y ri uKʼojol kekiloqʼoqʼej ri e qalkʼwal (Luc. 18:15-17). Sibʼalaj kkikot ri Jehová are chiʼ krilo che ri e tat nan kkikubʼsaj kikʼuʼx chrij areʼ y kkikoj ronojel kichuqʼabʼ che kichajixik ri e kalkʼwal. Ri e tat nan che jewaʼ kkibʼano, tajin kekitoʼ ri e kalkʼwal rech kekʼojiʼ pa ri ufamilia ri Jehová pa ronojel kikʼaslemal.
w19.12 26 párr. 20
Tat nan, cheʼitijoj ri e iwalkʼwal rech kkiloqʼoqʼej ri Jehová
20 Qas chiwetaʼmaj kiwach ri e iwalkʼwal. Ri Salmo 127 kubʼij che ri e akʼalabʼ e junam kukʼ flechas (chasikʼij uwach Salmo 127:4). Ri flechas jalajoj jastaq kojom che kibʼanik xuqujeʼ jalajoj ri kinimal, ri e akʼalabʼ jalajoj kibʼantajik. Rumal laʼ ri e tat nan rajawaxik kkilo jas kkibʼan che kitijoxik ri e akʼalabʼ pa kijujunal. Jun kʼulaj re Israel xkunik xkitoʼ ri e kebʼ kalkʼwal rech kkipatanij ri Jehová, kkiya ubʼixik ri xetoʼw che ubʼanik: «Pa kijujunal xqaya etaʼmanik re ri Biblia chke». Qastzij che, are ri tat kchomanik jas kubʼan che uyaʼik etaʼmanik chke ri e kalkʼwal.
Jeʼlalaj taq pixabʼ
it-1-S 543
Ri e cheʼ che kuya ubʼixik ri Biblia
Ri salmista xchʼaw chrij ri ubʼanik ri olivo o ri aceituna are chiʼ xubʼij wariʼ chke ri keniman che ri Jehová: «Ri awalkʼwal ri kakisutij rij ri a mexa e je ta ne kepe kitux aceituna» (Sl 128:1-3). Ri alaj taq uqʼabʼ ri olivo che keʼesax che jun nimalaj cheʼ ketuxanik are chiʼ ketikik. Are chiʼ ri uxeʼ raʼ ri olivo ktuxanik ri cheʼ más ko ktakʼik. Junam rukʼ ri utux ri cheʼ, ri akʼalabʼ che kʼo jun utz kachilanik kukʼ ri kitat kinan ktobʼanik che kʼo kikotemal pa ri familia.
13-19 RE ENERO
QʼINOMAL RE RI UTZIJ RI DIOS SALMOS 135-137
«Ri qa Dios, nim na chkiwach konojel ri dioses»
it-2-S 675 párrs. 4, 5
Ri nimalaj chuqʼabʼ puwiʼ ronojel
Xaq xiw ri Dios kʼo utaqanik puwiʼ ronojel ri ubʼanom. E kʼi winaq re ri qastzij taj kojonem y ri kkibʼan kʼax che ri utinamit ri Dios kkikoj taj che ri Jehová are ri qastzij Dios paneʼ kkil ronojel ri ubʼanom. Pero ri Dios yatalik che kbʼix Jehová che rumal ri nimalaj uchuqʼabʼ che kʼo puwiʼ ronojel ri ubʼanom (Sl 135:5, 6). Jachaʼ ri qʼij, ri ikʼ, ri planetas y ri e chʼumil e juntir yaʼom jun kibʼe rumal ri Dios; ri kaqiqʼ, ri jabʼ y nikʼaj chik kʼo jun kicholajil uyaʼom, y jujun chikop che kerapanik ketaʼm jawiʼ kebʼe wi.
Are kʼu ri Jehová kkunik kukoj ronojel ri ubʼanom rech kyaʼ uqʼij ri ubʼiʼ y jujun taq mul ukojom wariʼ rech ktzʼaqat jujun profecías (chajunamisaj rukʼ 1Re 17:1; 18:1, 2, 41-45). Pero kʼi chke wariʼ xekʼulmataj pa taq qʼij che eyeʼm taj che kebʼantajik (Éx 9:24; Éx 34:10; 1Sa 12:16-18).
w21.11 6 párr. 16
¿Jas kraj kubʼij che nim ri loqʼoqʼebʼal ukʼuʼx ri Jehová chqe?
16 Are chiʼ kqatzukuj ri utobʼanik ri Jehová, kqaxeʼj ta qibʼ. Are kʼu weneʼ kʼo jujun qʼij sibʼalaj kojbʼisonik. Are chiʼ je kqanaʼo, ¿jas kubʼan ri Jehová che qatoʼik? (Chasikʼij uwach Salmo 136:23). Kojutoʼ rukʼ ri junalik ukuʼinem o ri nimalaj uchuqʼabʼ y rukʼ loqʼoqʼebʼal kojuyak chi jumul (Sal. 28:9; 94:18). Ri utzilal kuya chqe: Retaʼmaxik che amaqʼel kojutoʼ ri Dios, kunaʼtajisaj chqe che uyaʼom kʼi tewchibʼal chqe, y kʼo kebʼ chke che nim kibʼanik. Nabʼe, apawijeʼ taneʼ ri oj kʼo wi, kʼo jun qakʼolbʼal ri kqatoʼ wi qibʼ. Y ri ukabʼ, are che ri loqʼalaj qaTat pa ri kaj sibʼalaj kel ukʼuʼx chqe.
Jeʼlalaj taq pixabʼ
w22.10 15 párr. 12
«Utz kech ri man kʼo ta makaj pa ri kikʼaslemal» chuwach ri Jehová
12 Ri Jehová qas ukʼutum che kʼo pa kiwiʼ konojel ri «qʼatal taq tzij». Chqilaʼ oxibʼ kʼutbʼal. Ri faraón re Egipto xukoj ri utinamit ri Jehová che ubʼanik kʼaxalaj taq chak, y kʼi mul xraj taj xeʼutzoqopij. Are kʼu ri Dios xeʼeresaj loq y xujiqʼisaj kan ri faraón pa ri mar Rojo (Éx. 14:26-28; Sal. 136:15). Ri qʼatal tzij Belsasar, re Babilonia, xubʼan jun nimalaj waʼim y xukʼulelaʼj «ri Ajawaxel aj kaj» y xeʼuqʼijilaj «dioses ri e re qʼan pwaq, saq pwaq» chuwach ri Jehová (Dan. 5:22, 23). Are kʼu xelesax ukʼixbʼal rumal ri Dios. Ri Belsasar xekamisax kan chaqʼabʼ, y ri uqʼatbʼal tzij xyaʼ kan pa kiqʼabʼ ri medos y ri persas (Dan. 5:28, 30, 31). Ri qʼatal tzij Herodes Agripa I, re Palestina, xukamisaj ri apóstol Santiago tekʼuriʼ xutzʼapij ri apóstol Pedro pa cárcel rumal che kraj kukamisaj xuqujeʼ. Are kʼu xyaʼ ta bʼe che rumal ri Dios che kubʼan ri uchomam. «Xsok [xyawajik] rumal jun taqoʼn aj kaj rech ri Ajawaxel», y xkamik (Hech. 12:1-5, 21-23).
20-26 RE ENERO
QʼINOMAL RE RI UTZIJ RI DIOS SALMOS 138, 139
¡Kaya taj che ri xibʼin ibʼ katuqʼatej che uyaʼik uqʼij ri Jehová pa ri e riqbʼal ibʼ!
w19.01-S 10 párr. 10
Chqayaʼ uqʼij ri Jehová pa ri congregación
10 ¿La kaxiʼj awibʼ are chiʼ kawaj kaya a comentario? Xaq xiw ta ri at kaxiʼj awibʼ. Qonojel kqaxiʼj qibʼ. Pero utz we kawetaʼmaj jasche kaxiʼj awibʼ kaya a comentarios. ¿La xa kachomaj che ksach pa ajolom ri kawaj kabʼij o kachomaj che utz ta ubʼixik kabʼano? ¿La xa kachomaj che más utz ri ki comentarios ri nikʼaj chik chuwach ri awech at? Wariʼ kukʼutu che kabʼan ta nim che awibʼ, rumal che kachomaj che ri nikʼaj chik más utz kkibʼan che ubʼixik chawach at. Ri Jehová sibʼalaj utz keril ri winaq che kkimachʼ kibʼ (Sal. 138:6; Filip. 2:3). Pero ri areʼ kraj che kaya uqʼij y kaya kichuqʼabʼ ri qachalal pa ri e riqbʼal ibʼ (1 Tes. 5:11). Rumal che katuloqʼoqʼej kuya ri chuqʼabʼ che kajwataj chawe rech kabʼan comentar.
w23.04 21 párr. 7
Chqayaʼ kichuqʼabʼ ri nikʼaj chik pa ri e riqbʼal ibʼ
7 Chatzukuj jujun tobʼanik pa Ri Chajinel che bʼanom kanoq. Jun chke ri tobʼanik are che rajawaxik katijoj awibʼ (Prov. 21:5). Rumal che we kabʼano kaxibʼij ta awibʼ. Jun chi pixabʼ are che kʼi ta tzij kabʼij (Prov. 15:23; 17:27). Rech kanaʼ ta xibʼin ibʼ y rech ri e qachalal más kkichʼobʼ ri kabʼij. Xuqujeʼ, we rukʼ ri atzij kabʼan ri acomentarios y kʼi ta tzij kakojo, kqʼalajinik che qas xatijoj awibʼ y kachʼobʼ ri kʼutunem.
Jeʼlalaj taq pixabʼ
it-2-S 635 párr. 7
Kuybʼal mak
Ri qastzij cristiano retaʼm che rajawaxik kukuy umak jun chik y are ta kchoman chrij jampaʼ mul ukuyum chi umak (Lu 17:3, 4; Ef 4:32; Col 3:13). Ri Dios kukuy ta kimak ri kkikuy ta kimak ri nikʼaj chik (Mt 6:14, 15) xuqujeʼ kukuy ta kimak ri ketaʼm che tajin kemakunik (Éx 34:6, 7). Y paneʼ jun winaq xubʼan jun nimalaj mak y kesax bʼi pa ri congregación, are kʼu we kubʼan arrepentir ribʼ y ktzalij loq ronojel ri congregación kukuy ri umak (1Co 5:13; 2Co 2:6-11). Pero ri cristianos rajawaxik taj kkikuy umak ri winaq che kmakunik rumal che kraj kubʼan kʼax che ri Dios y ri congregación y kraj taj kubʼan arrepentir ribʼ. Are kux ukʼulel ri Dios (Heb 10:26-31; Sl 139:21, 22).
27 RE ENERO KOPAN 2 RE FEBRERO
QʼINOMAL RE RI UTZIJ RI DIOS SALMOS 140-143
¿Jas kabʼano are chiʼ kbʼantaj orar awumal?
w22.02 12 párrs. 13, 14
Chatatabʼej «ri kitijonik ri ajnoʼjabʼ»
13 Chqilaʼ che ri e pixabʼ kyaʼ chqe are jun kʼutbʼal re ri uloqʼoqʼebʼal ri Dios. Ri Jehová kraj kqariq utzilal pa ri qakʼaslemal (Prov. 4:20-22). Ri areʼ kukʼutu che kojraj are chiʼ kuya pixabʼ chqe rukʼ ri uTzij, pa ri e qawuj o rumal jun qachalal che ko ri ukojonik. Y junam rukʼ ri kubʼij Hebreos 12:9, 10, ri Jehová kuya ri pixabʼ chqe «rech kʼo kqechbʼej che».
14 Are chqata ri kbʼix chqe, man are ta ri kbʼan che ubʼixik. Weneʼ jujun mul kqachomaj che ri xyaʼow ri pixabʼ chqe man utz ta xubʼan che ubʼixik. Qastzij che ri kyaʼow ri pixabʼ rajawaxik qas kchoman na chrij ri kubʼij rech kʼax ta kbʼan che ukʼamik ri pixabʼ che kuyaʼo (Gál. 6:1). Are kʼu we chqe oj kyaʼ wi ri pixabʼ, rajawaxik are kqatatabʼej ri kbʼixik. Paneʼ kqachomaj che utz ta xbʼan che ubʼixik chqe. Chojchoman chrij wariʼ: «Paneʼ utz ta xinta ri xubʼij ri winaq chwe, ¿la qastzij ri xubʼij? ¿La kinkoj nuchuqʼabʼ rech are ta kwil ri xubʼan che ubʼixik chwe y are kinta ri xubʼij?». Rajawaxik che are kojchoman chrij ri utzilal kqariqo are chiʼ kyaʼ jun pixabʼ chqe (Prov. 15:31).
w10-S 15/3 32 párr. 4
Amaqʼel chkʼol qukʼ «ri animaʼaj ri chʼajchʼoj» pa ri kʼaxalaj taq qʼij
Kʼi qachalal sibʼalaj e kosinaq rumal ri kkibʼij ri ki familias che e Testigos taj, kʼo ta kipwaq o rumal jun nimalaj yabʼil che kiriqom. Ri qʼatal tzij David je xukʼulmaj. Rumal laʼ xubʼij: «Qas in kʼo chupam ri latzʼ; kel chʼuʼj ri wanimaʼ» (Sal. 143:4). ¿Jas xtoʼw chuwach ri e kʼax riʼ? Are ri uchomaxik ri tobʼanik che uyaʼom ri Dios che y chke nikʼaj chi upatanelabʼ. Ri David are xchoman chrij ronojel ri ubʼanom ri Jehová rech kyaʼ uqʼij ri ubʼiʼ (Sal. 143:5). Junam rukʼ ri xubʼan ri David, rech kqachʼij ri kʼax che kqakʼulmaj pa ri qakʼaslemal, rajawaxik kojchoman chrij ri ubʼanom ri Jehová che qatoʼik.
w15-S 15/3 32 párr. 2
¿Jasche nim ubʼanik che kaweyej na jun winaq che kojonel che ri Jehová y ko ukojonik rech katkʼuliʼ rukʼ?
Weneʼ jujun taq mul kanaʼ ri xunaʼ ri David che xubʼij: «Ajawaxel, ¡tzelej la uloq uwach ri nutzij aninaq, ktajin kakʼis ri wuxlabʼ! Maqʼil la ri toʼbʼanik la chwe» (Sal. 143:5-7, 10). Makʼistaj akʼuʼx are chiʼ kanaʼ wariʼ. Chkʼol a paciencia y chawilaʼ ri tobʼanik che kuya ri Jehová chawe. Chasikʼij ri Biblia y chatchoman chrij ri kasikʼij chupam. Wariʼ katutoʼo rech amaqʼel kakubʼsaj akʼuʼx chrij ri Jehová y katkʼuliʼ ta rukʼ jun winaq che kupatanij ta ri Jehová o rukʼ jun che tajin ta kupatanij rukʼ ronojel ranimaʼ.
Jeʼlalaj taq pixabʼ
it-2-S 682
Veneno
Ri kraj kubʼij. Ri molom taq tzij che kkibʼij ri itzel taq winaq chkij nikʼaj chik, kubʼano che kchomaxik che e itzel taq winaq, wariʼ junam rukʼ ri u veneno jun kumatz che kkamisanik (Sl 58:3, 4). Ri Biblia kubʼij wariʼ chkij ri bʼanal taq tzij: «Ri kaqʼ bʼanal tzij ri upa kichiʼ ukʼuʼm uqʼinobʼ [veneno] kumatz». Junam rukʼ ri veneno che kel lo pa uchiʼ ri kumatz che kkamisanik are je kubʼan ri molom taq tzij che kel lo pa kichiʼ ri itzel taq winaq che kubʼan kʼax (Sl 140:3; Ro 3:13). Are chiʼ ri aqʼ kkoj che ubʼixik molom taq tzij o nikʼaj chik che kubʼan kʼax, qastzij che nojinaq che veneno (Snt 3:8).
3-9 RE FEBRERO
QʼINOMAL RE RI UTZIJ RI DIOS SALMOS 144-146
«¡Utz rech ri tinamit ri are uDios ri!» Jehová
w22.10 28 párrs. 16, 17
Chqanimarisaj ri qeyebʼal
16 Ri kʼaslemal kʼo ta ukʼisik are jun jeʼlikalaj sipanik re ri Dios che qeyem. Sibʼalaj kqaj che kopan ri qʼij riʼ y qas qetaʼm che je kkʼulmatajik. Ri qeyebʼal kjunamataj rukʼ ri ktakʼabʼan jun jukubʼ, rumal che kojutoʼo rech kqachʼij ri kʼax, kubʼan ta kebʼ qakʼuʼx are chiʼ kojtereneʼx rukʼ itzelal xuqujeʼ paneʼ kojkamisaxik. Xuqujeʼ kjunamataj rukʼ jun toʼbʼal jolomaj rumal che kuchajij ri qachomanik chuwach itzel taq jastaq y kojutoʼo rech kqaxutuj ri itzelal y are kqabʼan ri utzilal. Ri kubʼan ri Biblia che qatoʼik rech kqeyej ri kutzujuj ri Dios chqe are jun kʼutbʼal re ri nimalaj uloqʼoqʼebʼal ri Jehová. We kqanimarisaj ri qeyebʼal sibʼalaj kqariq utzilal.
17 Pa ri carta che xutaq bʼi ri apóstol Pablo chke ri cristianos re Roma, xubʼij: «Chixkikot pa ri kulbʼal ikʼuʼx [eyebʼal]» (Rom. 12:12). Ri Pablo kkunik kkikotik rumal che qas retaʼm che kyaʼ na kʼaslemal kʼo ta ukʼisik pa ri kaj che we kuya ta kan upatanexik ri Jehová. Oj xuqujeʼ kojkunik kojkikot rumal ri eyebʼal kʼo chqawach, rumal che qas qetaʼm che ri Jehová kubʼan ronojel ri tajin kutzujuj chqe. Junam rukʼ ri xubʼij jun salmista: «Sibʼalaj utz rech […] ri keyen che ri Ajawaxel ri uDios. […] Ri areʼ amaqʼel ujeqebʼam ri utzij» (Sal. 146:5, 6).
w18.01-S 26 párrs. 19, 20
¿Jas uwach loqʼoqʼebʼal ri qas kuya kikotemal chqe?
19 Más seis mil junabʼ chik che ri Satanás tajin kubʼan kʼax chke ri winaq. Kamik che oj kʼo pa ri kʼisbʼal taq qʼij, ri winaq xaq xiw kechomanik y bʼenaq kikʼuʼx chrij ri kkaj ri e areʼ, chrij ri pwaq y ri itzel taq kirayinik. Ri winaq riʼ kekikot taj. Pero ri Biblia kubʼij: «Sibʼalaj utz rech ri kukʼam ri utobʼanik ri u Dios ri Jacob, ri keyen che ri Ajawaxel ri u Dios» (Sal. 146:5).
20 Ri oj upatanelabʼ ri Jehová sibʼalaj kqaloqʼoqʼej. Y ronojel taq junabʼ kʼi winaq kketaʼmaj uwach y kkiloqʼoqʼej. Are jun kʼutbʼal, che ri Dios tajin chi kuqʼat tzij y xa jubʼiqʼ chi kraj che kukʼam lo kʼi tewchibʼal. Are chiʼ kqabʼan ri kqaj chuwach ri Jehová kqariq kikotemal kamik y pa ri petinaq.
Jeʼlalaj taq pixabʼ
it-1-S 142 párr. 8
Ri e chikop
Ri Biblia kubʼij che kqabʼan ta kʼax chke ri e chikop. Ri Jehová kubʼij che kuya ri kajwataj chke ri e chikop riʼ (Pr 12:10; Sl 145:15, 16). Ri taqanik che xyaʼ che ri Moisés kubʼij che kbʼan ta kʼax chke ri e chikop. We jun winaq kuriq ri rawaj rech jun chik, rajawaxik kutzalij che ri rajaw y kubʼan ta kʼax che; we qajinaq chuxeʼ ri reqaʼn, rajawaxik kresaj ri eqaʼn chrij (Éx 23:4, 5). Rajawaxik ktoqʼobʼisax kiwach are chiʼ kekoj pa chak o ri eqaʼn che kyaʼ chkij (Dt 22:10; 25:4). Xuqujeʼ rajawaxik kyaʼ uxlanem chke pa taq ri qʼij sábados (Éx 20:10; 23:12; Dt 5:14). Pero ri e chikop che kkibʼan kʼax we rajawaxik kekamisaxik (Gé 9:5; Éx 21:28, 29). Xuqujeʼ yaʼtal taj che kyaʼ jun amaʼ chikop rukʼ jun atiʼt che jalajoj kibʼanik rech ketzʼan rukʼ o kuchapo rech kekʼojiʼ kal (Le 19:19).
10-16 RE FEBRERO
QʼINOMAL RE RI UTZIJ RI DIOS SALMOS 147-150
Kʼo kʼi rumal che kqaya uqʼij ri Jehová
w17.07-S 18 párrs. 5, 6
¿Jas rumal che kqaya uqʼij ri Jehová?
5 Ri Jehová xukubʼsaj kikʼuʼx ri israelitas chkijujunal. Je kubʼan kamik. Ri xtzʼibʼan ri Salmo 147 kubʼij che ri Dios «keʼukunaj ri paqʼpobʼinaq kanimaʼ, keʼubʼotzʼ kʼu ri kisokotajik» (Sal. 147:3). Are chiʼ oj yawabʼ o kojbʼisonik, kqakubʼsaj qakʼuʼx che ri Jehová kraj kojutoʼo y kukubʼsaj qakʼuʼx rech kojbʼison ta chik (Sal. 34:18; Is. 57:15). Kuya qachuqʼabʼ y qanojibʼal rech kqachʼij ri kʼax che tajin kqariqo (Sant. 1:5).
6 Ri xtzʼibʼan ri salmo xkaʼy pa ri kaj y xubʼij, che ri Jehová «retaʼm ri kajilabʼal ri chʼumil», y «chkijujunal kʼut xukoj ri kibʼiʼ» (Sal. 147:4). ¿Jasche xchʼaw ri salmista chkij ri chʼumil? Chojchoman chrij wariʼ: ri areʼ kkunik keril ri chʼumil, pero retaʼm taj e jampaʼ e kʼolik. Kamik, ri científicos más e kʼi ri chʼumil che kekunik kkilo. Y kkibʼij che weneʼ miles de millones chʼumil e kʼo pa ri kaj. Pero kekun ta che kajilaxik. Xaq xiw ri Jehová kkun kerajilaj y konojel ukojom kibʼiʼ. Wariʼ kukʼutu che nim keril wi chkijujunal (1 Cor. 15:41). ¿Jas kukʼut wariʼ chqawach? Ri Dios retaʼm jawiʼ e kʼo wi ri chʼumil chkijujunal, xuqujeʼ retaʼm jawiʼ oj kʼo wi oj, jas kqanaʼo y ri kajwataj chqe chqajujunal.
w17.07-S 18 párr. 7
¿Jas rumal che kqaya uqʼij ri Jehová?
7 Ri Jehová retaʼm ri kʼax che kqariq chqajujunal y kkunik kojutoʼo (chasikʼij Salmo 147:5). Kʼo jujun taq mul kqanaʼo che kqachʼij ta chi ri kʼax tajin kqariqo. Pero ri Dios retaʼm ri kojkun che uchʼijik y «qas retaʼm chi oj pukʼukʼ ulew» (Sal. 103:14). Rumal che oj ajmakibʼ, amaqʼel kʼo kʼi kojsach wi. Weneʼ xqabʼan arrepentir qibʼ rukʼ ri xqabʼij, jun itzel rayinik y weneʼ jujun taq mul itzel keqil ri nikʼaj chik. Paneʼ ri Jehová kʼo ta jumul kubʼan wariʼ, pero retaʼm ri qas kqanaʼo (Is. 40:28).
w17.07-S 21 párr. 18
¿Jas rumal che kqaya uqʼij ri Jehová?
18 Ri salmista retaʼm che ri israelitas xyaʼ jun nim eqeleʼn chke, che xechaʼ rumal ri Dios y xuya «ri utzij, ri e upixabʼ xuqujeʼ ri e ukolomibʼal» chke (chasikʼij Salmo 147:19, 20). Xuqujeʼ ri oj uyaʼom jun nim eqeleʼn chqe, ri Jehová oj uchaʼom rech kqakoj ri ubʼiʼ. Qetaʼm uwach y kukʼam qabʼe rukʼ ri Biblia. Je wariʼ kojkunik kqabʼan ramigos. Rumal laʼ sibʼalaj kojmaltyoxin che. Junam rukʼ ri xtzʼibʼan ri Salmo 147, kʼo kʼi rumal che kqaya uqʼij ri Jehová y rumal laʼ keqatoʼ ri nikʼaj chik rech xuqujeʼ kkiya uqʼij.
Jeʼlalaj taq pixabʼ
w23.03 17 párr. 6
Chojchoman chrij ri jastaq ubʼanom ri Jehová rech kqetaʼmaj más uwach
6 Kʼo jun uhorario ri Jehová. Ojer kanoq, ronojel taq junabʼ, ri israelitas xkilo che ri cigüeñas kebʼe pa ri norte pa ri ukʼisbʼal febrero y pa unikʼajil mayo. Rumal laʼ, ri Jehová xubʼij wariʼ chke ri israelitas: «Ri cigüeña ri kbʼin cho ri kaj retaʼm kʼu ne jampaʼ rajawaxik ktzelejik» (Jer. 8:7). We kqilo ri Jehová xuya jun kihorario ri e chikop riʼ. Wariʼ kunaʼtasaj chqe che xuqujeʼ uchʼikom chi jun qʼij rech kresaj ri itzelal cho ri uwach Ulew. Rumal che ri Biblia kubʼij: «Kopan ri qʼijol ri chetzʼaqat we kʼutwachinik riʼ». Qas qetaʼm che kopan na wajun qʼij riʼ (Hab. 2:3).
17-23 RE FEBRERO
QʼINOMAL RE RI UTZIJ RI DIOS PROVERBIOS 1
Ala ali ¿jachin katatabʼej?
w17.11-S 29 párrs. 16, 17
Kqaya taj che kʼo kojqʼaten che uriqik ri tewchibʼal che kuya ri Dios
16 Weneʼ ri atat anan e testigos rech Jehová are chiʼ xatkʼojik y weneʼ kachomaj che kkichʼobʼ ta ri kanaʼo o kkiya ta bʼe chawe che kabʼan ri kawaj. Weneʼ rumal wariʼ kachomaj we qas nim ubʼanik ri upatanexik ri Jehová. Pero, we kaya kan upatanexik ri Jehová, qas kawil na riʼ che xaq xiw ri atat anan y ri e qachalal re ri congregación qas katkaj y nim katkil wi.
17 Ri pixabʼ che kkiya ri atat anan nim katutoʼ wi. We katkipixbʼej, kkikʼutu che nim katkil wi y katkiloqʼoqʼej (Heb. 12:8). Pero weneʼ ri itzel kawilo are ri kkibʼan che apixbʼexik. Are kʼu ri más utz are che chachomaj ri rumal che kkibʼano. Chakojoʼ achuqʼabʼ rech aninaq taj kpe awoyowal. Ri Biblia kubʼij che ri kʼo unoʼj y kʼo retaʼmabʼal kpe ta royowal are chiʼ kpixbʼexik (Prov. 17:27). Chakojoʼ achuqʼabʼ rech kakʼam ri pixabʼ che kyaʼ chawe y are ta katchoman chrij ri kbʼan che uyaʼik chawe (Prov. 1:8). We e Testigos ri atat anan kʼi utzilal riʼ kariqo. Ri e areʼ kkaj katkitoʼo rech kariq ri kʼaslemal kʼo ta ukʼisik.
w05-S 15/2 19, 20 párrs. 11, 12
Chqachajij ri qakojonik
11 Are chqabʼanaʼ ri kubʼij ri Dios y are ta ri kkibʼij ri winaq. Qonojel kqaj kekʼojiʼ qamigos y kqaj taj che kojkixutuj. Are chiʼ at ala o ali na —y xaq xiw taj chiʼ at ala o ali na—, weneʼ kkaj kabʼan awe ri kkibʼan ri e areʼ. Pero ri e winaq che keqachilaj amaqʼel taj are kkaj ri utzil chqe. Rumal che jujun taq mul xaq xiw kkaj che kʼo jun kachiʼl che ubʼanik ri utz taj (Proverbios 1:11-19). Are chiʼ jun cristiano are kubʼan ri kkibʼij ri nikʼaj chik che, kuxiʼj ribʼ kubʼij che testigo rech Jehová (Salmo 26:4). «Kibʼan ta iwe ri kkibʼan ri winaq re wajun uwach Ulew riʼ», xcha ri apóstol Pablo (Romanos 12:2, La Escritura Santa). Ri Jehová kojutoʼo rech are kqabʼan ri kraj areʼ y are ta ri kkibʼij ri winaq (Hebreos 13:6).
12 Ri itzel taq achilanik kubʼan kʼax che ri qakojonik chrij ri Jehová, chnaʼtaj chqe che ri más nim ubʼanik are upatanexik ri Jehová. Éxodo 23:2 kubʼij wariʼ chqe: «Mabʼan awech ri etzelal ri kakibʼan ri tinamit winaq». Are chiʼ ri israelitas xkikoj taj che ri Jehová kkun che ubʼanik ri utzujum chke, ri Caleb je ta xuchomaj. Rumal che qas retaʼm che ri Jehová kubʼan na ri utzujum, rumal wariʼ xuriq kʼi tewchibʼal (Números 13:30; Josué 14:6-11). ¿La kojkun oj xuqujeʼ kqaxutuj ri kkibʼij ri winaq y kqachajij ri qachilanik rukʼ ri Jehová?
Jeʼlalaj taq pixabʼ
w22.10 21 párr. 11
«Ri noʼj kubʼano chi ktataj ri uchʼabʼal xoʼl taq ri ja»
11 Ri urox jupuq winaq che kkixutuj uwach ri nojibʼal are «ri man kʼo ta [k]inoʼj». Kbʼix wariʼ chke rumal che kkaj taj kkibʼan pa kikʼaslemal ri utaqanik ri Dios. Are kkibʼan ri kkichomaj e areʼ che utz (Prov. 12:15). Kkixutuj ri Jehová, ri kpe wi ri nojibʼal (Sal. 53:1). Are chiʼ kojbʼe che utzijoxik ri utzij ri Dios, kʼi mul keqariq winaq che sibʼalaj kojkiyoqʼo rumal che nim kqil wi ri kubʼij ri Biblia. Ri uTzij ri Dios kubʼij: «Ri man kʼo ta unoʼj man retaʼm taj jas kubʼij [...] ri noʼj naj kʼo wi che» (Prov. 24:7). Ri kʼo ta kinoʼj kʼo ta jun jastaq che utz kkibʼij. Rumal laʼ, ri Jehová kubʼij chqe: «Chanajtajisaj awibʼ che ri man kʼo ta unoʼj» (Prov. 14:7).
24 RE FEBRERO KOPAN 2 RE MARZO
QʼINOMAL RE RI UTZIJ RI DIOS PROVERBIOS 2
¿Jasche rukʼ ronojel qanimaʼ kqasikʼij ri Biblia?
w22.08 19 párr. 16
Maqayaʼ kan ri qastzij
16 Qonojel taj utz kqanaʼo kqasikʼij uwach wuj, are kʼu ri Jehová kubʼij chqe che rajawaxik kqanimarisaj ri qetaʼmanik, rech jeriʼ qas kqachʼobʼ ri qastzij (chasikʼij uwach Proverbios 2:4-6). We kqabʼan wariʼ, kqariq utzilal riʼ. Jun qachalal ubʼiʼ Corey, kubʼij che are chiʼ kusikʼij uwach ri Biblia, xaq chrij jun versículo kchoman wi. Kubʼij: «Kinsikʼij ri notas re ri página, xuqujeʼ kintzukuj ri referencias y kinbʼan investigar. [...] Je wariʼ qas kinchʼobʼ ri kinsikʼij uwach». We kqabʼan qe junam rukʼ ri qachalal o kqabʼan taj, are kʼu ri más nim ubʼanik are che kqaya ri qatiempo y kqakoj qachuqʼabʼ rech kqasikʼij uwach ri Biblia. Y je wariʼ kqakʼutu che nim kqil wi ri qastzij (Sal. 1:1-3).
w22.10 19 párrs. 3, 4
«Ri noʼj kubʼano chi ktataj ri uchʼabʼal xoʼl taq ri ja»
3 Ri nojibʼal kraj kubʼij kqakoj ri qetaʼmam rech kqachaʼ utz jastaq pa qakʼaslemal. Are kʼu, kʼo más kraj kubʼij ri qastzij nojibʼal. Ri Biblia kubʼij: «Ri noʼj kchapletajik rumal ri uyaʼik uqʼij ri Ajawaxel» (Prov. 9:10). Rumal laʼ, are chiʼ kqachaʼ ubʼanik jun jastaq che nim ubʼanik rajawaxik kqakoj ri retaʼmanik «ri sibʼalaj tastalik», kraj kubʼij, ri kuchomaj ri Jehová. Kojkun che ukojik are chiʼ kqanikʼoj uwach ri Biblia y ri e qawuj. We kqabʼan wariʼ, kqakʼutu che qas kʼo qanojibʼal (Prov. 2:5-7).
4 Xaq xiw rukʼ ri Jehová kpe wi ri qastzij nojibʼal (Rom. 16:27). ¿Jasche jewaʼ kqabʼij? Nabʼe, rumal che are ri Bʼanol qe y retaʼm chrij ronojel ri jastaq ubʼanom (Sal. 104:24). Ukabʼ, rumal che kukʼut ri unojibʼal rukʼ ri kubʼano (Rom. 11:33). Y urox, rumal che ri utz taq upixabʼ amaqʼel kuya utzilal chke ri kkibʼan pa ri kikʼaslemal (Prov. 2:10-12). We kqaj che kkʼojiʼ qanojibʼal, rajawaxik kqabʼan ri oxibʼ jastaq riʼ y kqaya bʼe che kkikʼam qabʼe pa ri qakʼaslemal.
w16.09-S 23 párrs. 2, 3
Ala ali, chakowirisaj ri akojonik
2 ¿La tajin kapatanij chi ri Jehová o kʼateʼ tajin kawetaʼmaj chrij? ¿La kanaʼo che rajawaxik katkojon chrij ri kekojon ri winaq chrij, junam rukʼ ri evolución? We are laʼ ri kanaʼo, chakojoʼ ri utzalaj chomanik y ri etaʼmanik che kuya ri Dios chawe rech kanimarisaj ri akojonik. Wariʼ katuchajij chuwach ri kkikʼut ri winaq che kubʼan kʼax che ri akojonik (chasikʼij Proverbios 2:10-12).
3 Ri qastzij kojonik kqariqo are chi kqetaʼmaj chrij ri Dios (1 Tim. 2:4). Rumal laʼ xiw ta kasikʼij ri Biblia y ri qawuj, xaneʼ chatchoman chrij ri kasikʼij, je wariʼ qas kachʼobʼ ri tajin kawetaʼmaj (Mat. 13:23).
Jeʼlalaj taq pixabʼ
bhs 19 párr. 10
Kaya ta kan rachilaxik ri Jehová
10 ¿Jas xabʼano rech xatux rachiʼl ri Jehová? Are chiʼ xawetaʼmaj uwach ri Jehová xatux rachiʼl. Wajun achilanik riʼ junam rukʼ jun qʼaqʼ. Rech kchup ta ri qʼaqʼ rajawaxik kaya siʼ chupam. Wariʼ kraj kubʼij che at rajawaxik kaya ta kan retaʼmaxik chrij ri Jehová rech kkʼis ta ri awachilanik rukʼ (Proverbios 2:1-5).