Ri täq urachiʼl ri Ajawaxel kkebʼan ri utz

Jachiʼ kʼo jun qachiʼl che nim kqilo xuqujeʼ kqayaʼ nim uqʼij, kqatzukuj ubʼanik junam rukʼ areʼ. «Ri Ajawaxel utz xuqujeʼ sukʼ», kubʼij ri Loqʼalaj Pixabʼ (Salmo 25:8). Rajawaxik oj utz xuqujeʼ oj sukʼ täq winaq rech kqabʼan urachiʼl ri Ajawaxel. Ri Loqʼalaj Pixabʼ kubʼij: Chibʼanabʼaʼ iwe ri kubʼan ri Dios, jelaʼ che ixalkʼualaxelabʼ che ixloqʼoqʼem (Efesios 5:1). Arewaʼ nikʼaj kʼutbʼäl rech kojkunik kqabʼan qe jas kubʼan ri Jehová:

Kqatoʼ nikʼaj chik. Ri Loqʼalaj Pixabʼ kubʼij che kojkun che: «ubʼanik utzil, chqabʼanabʼa chike konojel.» (Gálatas 6:10.)

Kqabʼan utz täq ajchakibʼ. «Ri kelaqʼanik, melaqʼan chik, xaneʼ chukojoʼ uchoqʼabʼ che kebʼanik utzalaj täq chak rukʼ ri uqʼabʼ.» (Efesios 4:28.)

Kqabʼan saq (chʼajchʼoj) pa qakʼaslemal xuqujeʼ saq ri qij. «Rumal riʼ chqesaj bʼaʼ pa ri qakʼaslemal konojel ri jastaq e tzʼil ri e kʼo pa ri qa[bʼaqil] xuqujeʼ pa qanimaʼ, chqaxeʼj qibʼ chuwäch ri Dios.» (2 Corintios 7:1.)

Nim chqila wi konojel täq qachilal e kʼo pa qachoch xuqujeʼ chqaloqʼoqʼej. «Chijujunal [. . .] chiloqʼoqʼej ri iwixoqil jas ri uloqʼoqʼexik iwibʼ; xuqujeʼ ri ixoq rajawaxik nim kril wi ri rachajil. Alkʼualaxelabʼ chenimaj ri itat inan.» (Efesios 5:33-6:1.)

Kqaloqʼoqʼej nikʼaj chik winaq. «Chqaloqʼoqʼej qibʼ, rumal che ri loqʼoqʼebʼal kʼuʼx rukʼ ri Dios kpe wi.» (1 Juan 4:7.)

Kqanimaj utaqanik ri unimaqil tinamit. «Konojel winaq rajawaxik che kekiyaʼ kibʼ pa taqik chike ri täq qʼatbʼal tzij [. . .]. Chitojoʼ re ikʼas kukʼ konojel.» (Romanos 13:1, 7.)