¿La utz kril ri Dios konojel ri nimaqʼij?

Ri Jehová kraj che kojkikot pa ri qakʼaslemal y kraj che jujun taq mul kqabʼan nimaqʼij. Are kʼu, ¿la ronojel ri nimaqʼij utz kril ri Dios? ¿Jas kqabʼan che ukʼutik che kqaloqʼoqʼej y che kojchoman chrij ri kunaʼo?

1. ¿Jasche kʼi nimaqʼij utz ta kril ri Dios?

Weneʼ kamayo are chiʼ kawetaʼmaj che kʼo jujun nimaqʼij che ri Biblia kubʼij che utz taj kbʼanik. Weneʼ ri nimaqʼij riʼ kʼo ubʼanik rukʼ ri qastzij taj kojonem, y rukʼ ri kichak ajqʼijabʼ y ri chomanik che kʼo kkʼasiʼ kan chqe chiʼ kojkamik. Xuqujeʼ kʼo jujun costumbres che petinaq che ri supersticiones o ri suerte (Isaías 65:11). Rumal laʼ kqamay taj che ri Jehová kubʼij chke ri upatanelabʼ: «Chixel chkixoʼl [...] minaq jun jasach tzʼil» (2 Corintios 6:17).a

2. ¿Jas kuchomaj ri Jehová chrij ri nimaqʼij che kuya kiqʼij ri winaq?

Ri Jehová kubʼij che kqabʼan ta qe junam kukʼ ri nikʼaj chik che kkijikibʼaʼ kikʼuʼx chkij ri winaq rumal che wariʼ xa kojusubʼu (chasikʼij Jeremías 17:5). Jujun taq nimaqʼij kebʼanik rech kyaʼ kiqʼij ri qʼatal taq tzij o ri winaq che kbʼix héroes chke. Pa nikʼaj chik tinamit kabʼan nimaqʼij rech kyaʼ kiqʼij ri símbolos patrios o kkibʼan ri independencia (1 Juan 5:21). Y e kʼo winaq che kkibʼan nimaqʼij xa rumal ri política o jun organización che kuya jalajoj taq tobʼanik chke ri winaq. ¿Jas kunaʼ riʼ ri Dios kachomaj at, we más kqaya uqʼij jun winaq o jun organización más na we kkibʼan jastaq che utz ta krilo?

3. ¿Jas kbʼanowik che jun nimaqʼij utz ta kril ri Dios?

Ri Biblia kubʼij che utz taj che ri winaq kkibʼan nimaʼq taq nimaqʼij rech kkiya uwiʼ ri kkitijo, keqʼabʼarik y kkibʼan nimaʼq taq makaj (1 Pedro 4:3). Pa jujun taq nimaqʼij, ri winaq kasach ri kichomanik y kkibʼan kʼixbʼal taq jastaq. We kqaj che kojux rachiʼl ri Jehová, rajawaxik kqaxutuj ronojel wariʼ.

CHANIMARISAJ RI AWETAʼMANIK

4. Katbʼe ta pa nimaqʼij che utz ta kril ri Jehová

Chisikʼij Efesios 5:10 y chixtzijon chrij wariʼ:

• ¿Jas chrij rajawaxik kojchoman wi we kqaj kqabʼan jun nimaqʼij?

• ¿Jas taq nimaqʼij kbʼan pa ri lugar che katel wi?

• ¿La utz kril ri Jehová ri e nimaqʼij riʼ?

Jun kʼutbʼal, ¿la achomam, jas kubʼij ri Dios chrij ri cumpleaños? Ri Biblia kubʼij taj che ri upatanelabʼ ri Dios xkibʼan cumpleaños. Are kʼu kchʼaw chrij kebʼ cumpleaños che xkibʼan ri winaq che keqʼijilan ta che ri Dios. Chisikʼij Génesis 40:20-22 y Mateo 14:6-10. Tekʼuriʼ chixtzijon chrij wariʼ:

• ¿Jas kejunamataj wi ri kebʼ cumpleaños riʼ?

• Junam rukʼ ri xqasikʼij, ¿la utz kril ri Jehová ri cumpleaños? ¿Jasche?

Y weneʼ kachomaj chi wariʼ «¿La kʼo kubʼan che ri Jehová we kinbʼan ri cumpleaños o kinbʼe pa jun nimaqʼij che utz ta krilo?». Chisikʼij Éxodo 32:1-8. Tekʼuriʼ chiwilaʼ ri VIDEO y chixtzijon chrij wariʼ:

VIDEO: Ri e nimaqʼij che utz ta kril ri Dios (5:07)

• ¿Jasche rajawaxik kqetaʼmaj ri utz kril ri Jehová?

• ¿Jas kqabʼan che retaʼmaxik?

¿La utz kril ri Dios ri nimaqʼij che kinbʼano o kinbʼe wi?

• ¿La kukʼut ri Biblia che utz kbʼanik? Rech kawetaʼmaj jawchiʼ petinaq wi, chatzukuj más información.

• ¿La más kuya kiqʼij ri winaq, organizaciones o ri símbolos patrios? Ri oj are más kqaya uqʼij ri Jehová chkiwach nikʼaj chi jastaq, y qas qetaʼm che kusachisaj na ronojel ri kʼax che kqariqo.

• ¿La kbʼan jastaq pa ri nimaqʼij che ri Biblia kubʼij che utz taj? Rajawaxik kqakoj qachuqʼabʼ rech oj chʼajchʼoj pa ri qakʼaslemal.

5. Chakojoʼ achuqʼabʼ rech ri nikʼaj chik nim kkil ri akojonik

VIDEO: Chojtzijon rukʼ utz taq tzij kukʼ ri winaq chrij ri qakojonik (2:01)

Chisikʼij Mateo 7:12 y chixtzijon chrij wariʼ:

• Junam rukʼ ri kubʼij wajun versículo riʼ, ¿la kabʼij che jun afamiliar che junam ta ukojonik awukʼ che kubʼan ta jun nimaqʼij?

• ¿Jas kabʼan che ukʼutik chkiwach ri afamiliares che nim keʼawilo y che keʼawaj paneʼ kabʼan ta ri nimaqʼij kukʼ?

6. Ri Jehová kraj che kojkikotik

Ri Jehová kraj che kojkikot kukʼ ri qafamilia y ri qachiʼl. Chisikʼij Eclesiastés 8:15 y chixtzijon chrij wariʼ:

• ¿Jas kubʼan wajun versículo che ukʼutik che ri Jehová kraj kojkikotik?

Ri Jehová kraj che ri upatanelabʼ kojkʼojiʼ junam y kojkikotik. Chiwilaʼ ri VIDEO rech kiwilo che kkʼulmataj wariʼ pa ri asambleas internacionales.

VIDEO: Ri xbʼan che kikʼulaxik ri qachalal pa ri asambleas internacionales (5:40)

Chisikʼij Gálatas 6:10 y chixtzijon chrij wariʼ:

• ¿La rajawaxik na kqabʼan nimaqʼij rech kqaya sipanik chke nikʼaj chik?

• ¿Jas más utz kawilo: che kyaʼ jun sipanik chawe xa rumal jun nimaqʼij o che kyaʼ chawe rumal che katajwaxik?

• E kʼi Testigos kkibʼan jujun taq nimaqʼij kukʼ ri kalkʼwal, xuqujeʼ kkiya jujun taq sipanik chke. We e kʼo awalkʼwal, ¿jas sipanik katkunik kaya chke?

RI XQETAʼMAJ

Ri Jehová kraj che kojkʼojiʼ kukʼ ri qafamilias y e ri qachiʼl, are kʼu kraj taj che kqabʼan nimaqʼij che utz ta krilo.

¿La knaʼtaj chawe?

• ¿Jas preguntas rajawaxik kojchoman chrij rech kqilo jas taq nimaqʼij utz kril ri Jehová?

• ¿Jas kqabʼan che kitoʼik ri qafamilias y ri qachiʼl rech kkichʼobʼo jasche kojbʼe ta pa taq nimaqʼij?

• ¿Jas kqabʼan che retaʼmaxik che ri Jehová kraj che kojkikotik?

CHAWILAʼ CHI NIKʼAJ

Chawilaʼ jas taq nimaqʼij kkibʼan ta ri cristianos.

«¿Jasche ri testigos rech Jehová kkibʼan ta jujun taq nimaqʼij?» (Kʼutunem re jw.org)

Chawilaʼ kajibʼ jastaq che kukʼutu che ri Dios utz ta kril ri cumpleaños.

«¿Jasche ri testigos rech Jehová kkibʼan ta ri cumpleaños?» (Kʼutunem re jw.org)

¿Jas kkibʼan ri akʼalabʼ che unimaxik ri Jehová are chiʼ kʼo jun nimaqʼij che utz taj?

Nim abʼanik chuwach ri Jehová (11:35)

Ri cristianos kkibʼan ta ri Navidad. ¿La kekikot rukʼ ri kichaʼom ubʼanik?

«Ri xkichaʼ ubʼanik are ri más utz» (La Atalaya, 1 re diciembre 2012)