KʼUTUNEM 45
¿Jas kraj kubʼij che xaq xiw kqatoʼ uwiʼ ri uQʼatbʼal tzij ri Dios?
Ri Jesús xubʼij che ri utijoxelabʼ «aj uwach ulew taj» (Juan 15:19). Wariʼ kraj kubʼij che kkinim ta kibʼ pa política ni pa taq chʼoj. Jujun taq mul xaq ta ubʼanik wariʼ. Rumal che, weneʼ ri winaq ketzeʼn chqij o kojkiyoqʼo. ¿Jas kqabʼano rech xaq xiw kqatoʼ uwiʼ ri uQʼatbʼal tzij ri Dios y kojux sukʼ che ri Jehová?
1. ¿Jas kqabʼan ri oj cristianos che kilik ri qʼatal taq tzij?
Ri oj cristianos nim keqil wi ri qʼatal taq tzij. Ri Jesús xubʼij: «Chiyaʼ che ri César ri rech ri César». Y are waʼ ri kqabʼano: kqanimaj ri taqanik che kyaʼ pa ri tinamit, xuqujeʼ kqatoj ri impuestos (Marcos 12:17). Ri Biblia kubʼij che ri qʼatal taq tzij e kʼolik rumal che ri Jehová uyoʼm bʼe chke (Romanos 13:1). Rumal laʼ kqachʼobʼo che ri utaqanik ri Jehová más nim na chuwach ri kitaqanik ri e areʼ. Qas qetaʼm che xaq xiw ri uQʼatbʼal tzij ri Dios che kʼo pa ri kaj kkunik kusachisaj ronojel ri kʼax che kkiriq ri winaq.
2. ¿Jas kqabʼan che ukʼutik che xaq xiw kqato uwiʼ ri uQʼatbʼal tzij ri Dios?
Junam rukʼ ri Jesús, ri oj kqanim ta qibʼ pa política. Are chiʼ ri winaq xkil ri milagros che xubʼan ri Jesús xkaj xkibʼan qʼatal tzij che cho ri uwach Ulew are kʼu ri areʼ xraj taj (Juan 6:15). ¿Jasche? Areʼ xubʼij: «Ri wAjawibʼal man aj uwach ulew taj» (Juan 18:36). Ri oj utijoxelabʼ ri Jesús kʼi kqabʼan che ukʼutik che xaq xiw kqatoʼ uwiʼ ri uQʼatbʼal tzij ri Dios. Jun kʼutbʼal, kojbʼe ta pa taq chʼoj (chasikʼij Miqueas 4:3). Paneʼ nim kqil ri símbolos patrios—junam rukʼ ri bandera—, are kʼu kqabʼan ta saludar y kqabʼan ta nimaqʼij chke, rumal che xa tajin kqaya kiqʼij riʼ (1 Juan 5:21). Y kqatoʼ ta nijun partido político ni itzel ta kqilo. Rukʼ wariʼ kqakʼut chkiwach nikʼaj chik che oj sukʼ che ri uQʼatbʼal tzij ri Dios.
CHANIMARISAJ RI AWETAʼMANIK
Chqilaʼ jujun taq jastaq che kuya pa kʼax ri qasukʼilal che ri uQʼatbʼal tzij ri Dios y chqilaʼ ri rajawaxik kqabʼano rech kqaya kikotemal che ri Jehová.
3. Ri oj qastzij cristianos xaq xiw kqatoʼ uwiʼ ri uQʼatbʼal tzij ri Dios
Jesús y ri utijoxelabʼ xkiya kan jun utzalaj kʼutbʼal chqawach. Chisikʼij Romanos 13:1, 5-7 y 1 Pedro 2:13, 14. Tekʼuriʼ chiwilaʼ ri VIDEO y chixtzijon chrij wariʼ:
¿Jasche rajawaxik nim keqil wi ri qʼatal taq tzij?
¿Jas kqabʼan che ukʼutik che kojniman chke?
Are chiʼ kʼo chʼoj, e kʼi taq tinamit kkibʼij che kkiya ta tobʼanik pa ri chʼoj, are kʼu kekitoʼ ri winaq o ri e tinamit che tajin kechʼojinik. ¿La qastzij riʼ kkibʼij che kkiya ta tobʼanik pa ri chʼoj? Chisikʼij Juan 17:16. Tekʼuriʼ chiwilaʼ ri VIDEO y chixtzijon chrij wariʼ:
¿Jas kraj kubʼij che xaq xiw kqaya tobʼanik che ri uQʼatbʼal tzij ri Dios?
Jujun taq mul ri qʼatal taq tzij kkibʼij jujun taq jastaq chqe che kubʼano che kqanimaj ta ri utaqanik ri Dios. ¿Jas kqabʼan chuwach wariʼ? Chisikʼij Hechos 5:28, 29. Tekʼuriʼ chiwilaʼ ri VIDEO y chixtzijon chrij wariʼ:
¿Jas kqabʼan riʼ we ri qʼatal taq tzij kkiya jun taqanik chqe che utz ta kril ri Dios?
¿Jampaʼ keqanimaj ta ri qʼatal taq tzij?
4. Chatoʼ uwiʼ ri uQʼatbʼal tzij ri Dios rukʼ ri kachomaj y ri kabʼano
Chisikʼij 1 Juan 5:21. Tekʼuriʼ chiwilaʼ ri VIDEO y chixtzijon chrij wariʼ:
¿Jasche Ayenge xunim ta ribʼ pa política y xubʼan ta saludar ri bandera?
¿Jas kachomaj at, la utz ri xuchaʼ ubʼanik?
¿Jas nikʼaj chi jastaq kuya pa kʼax ri qasukʼilal che ri uQʼatbʼal tzij ri Dios? Chiwilaʼ ri VIDEO y chixtzijon chrij wariʼ:
¿Jas kqabʼan che ukʼutik che xaq xiw ri uQʼatbʼal tzij ri Dios kqatoʼ uwiʼ are chiʼ kbʼan etzʼanem internacionales?
¿Jas kqabʼan che ukʼutik che xaq xiw ri uQʼatbʼal tzij ri Dios kqato uwiʼ are chiʼ jujun taq qʼatbʼal tzij kkichaʼ ri kkaj kkibʼano?
¿Jas kʼax kkibʼan ri radio, ri televisión, ri Internet o ri winaq che ri qasukʼilal che ri uQʼatbʼal tzij ri Dios?
¿Jas kubʼan jun cristiano che ukʼutik sukʼilal che ri uQʼatbʼal tzij ri Dios rukʼ ri kuchomaj y ri kubʼano?
RI KKIBʼIJ JUJUN WINAQ: «¿Jasche kabʼan ta saludar ri bandera y kabʼixoj ta ri himno nacional?».
¿Jas kabʼij riʼ che?
RI XQETAʼMAJ
Ri cristianos kkikoj kichuqʼabʼ rech xaq xiw kkitoʼ uwiʼ ri uQʼatbʼal tzij ri Dios are chiʼ kkinim ta kibʼ pa política, y kkikʼut rukʼ ri kkichomaj, ri kkibʼij y ri kkibʼano.
¿La knaʼtaj chawe?
¿Jas kqabʼan che ukʼutik che keqanimaj ri qʼatal taq tzij?
¿Jasche kqanim ta qibʼ pa política?
¿Jas jastaq kubʼano che kqatoʼ ta chi uwiʼ ri uQʼatbʼal tzij ri Dios?
CHAWILAʼ CHI NIKʼAJ
¿Jas jastaq rajawaxik kabʼano rech xaq xiw katoʼ uwiʼ ri uQʼatbʼal tzij ri Dios?
¿Jas rajawaxik kkibʼan ri familias rech kechoman chrij ri kkibʼij chiʼ kyaʼ pa kʼax ri kisukʼilal che ri Dios?
E kʼi winaq kkichomaj che rajawaxik kkitoʼ uwiʼ ri kitinamit rumal che nim ubʼanik, ¿la qastzij wariʼ?
¿Jas kqabʼan che ukʼutik che oj rech ta wajun uwach Ulew riʼ chiʼ kqachaʼ jun jastaq che kʼo ubʼanik rukʼ ri chak?
«Are chiʼ pa qajujunal kqachaʼ ri kqaj kqabʼano» (La Atalaya, 15 re marzo 2006)