KʼUTUNEM 36
Chojux utz taq winaq pa ronojel
Konojel ri winaq kkaj che ri e kachiʼl e utz (honrado), y ri Jehová kraj che ri e rachiʼl je kkibʼano. Are kʼu kʼax kbʼan che ubʼanik rumal che oj kʼo pa jun uwach Ulew che kʼo itzel taq winaq chuwach. ¿Jas utzilal kqariqo we oj utz winaq?
1. ¿Jasche kqaj kojux utz taq winaq?
Are chiʼ oj utz kukʼ nikʼaj chik, kqakʼut chuwach ri Jehová che kqaj y nim kqil wi. Chnaʼtaj chqe che ri Jehová retaʼm ronojel ri kqachomaj y ri kqabʼano (Hebreos 4:13). Ri areʼ nim krilo are chiʼ kqabʼan ri utzilal. Ri uTzij kubʼij: Ri Jehová «kretzelaj kʼu kiwach ri e bʼanal taq etzelal, kpe kʼu che jeqelem kukʼ ri e sukʼ» (Proverbios 3:32).
2. ¿Jas kqabʼan che ukʼutik utzilal ronojel taq qʼij?
Ubʼanik ri kraj ri Jehová kraj kubʼij che «kqabʼij ri qastzij chbʼil taq qibʼ» (Zacarías 8:16, 17). ¿Jas kraj kubʼij wariʼ? Kraj kubʼij che kqabʼij ri qastzij y kqamol ta tzij chke ri qafamilia, ri e qachiʼl pa ri chak, ri e qachalal pa ri congregación y ri e qʼatal taq tzij. Ri utz taq winaq man kelaqʼ taj (chasikʼij Proverbios 24:28 y Efesios 4:28). Y kkitoj ri impuestos (Romanos 13:5-7). Kqaj che pa ronojel ri qakʼaslemal kqakʼut utzilal (Hebreos 13:18).
3. ¿Jas tewchibʼal kqariqo we kqakʼut utzilal?
Konojel ri winaq kkikubʼsaj kikʼuʼx chqij are chiʼ kqakoj qachuqʼabʼ che ukʼutik utzilal. Xuqujeʼ kubʼano che kkʼojiʼ jun utz achilanik y kubʼsal kʼuʼx pa ri congregación, junam rukʼ jun familia. Y kubʼano che kkʼojiʼ jun utzalaj retaʼmabʼal qakʼuʼx. Ukʼutik utzilal, kubʼano che «sibʼalaj jeʼlik ri utijonik ri Dios ri qaKolonel», y weneʼ kubʼano che jun winaq kraj kretaʼmaj chrij ri Jehová (Tito 2:10).
CHANIMARISAJ RI AWETAʼMANIK
Chqilaʼ ri kubʼan ri utzilal che ri qachilanik rukʼ ri Jehová y ri rajawaxik kqabʼano rech kojux utz taq winaq pa ronojel ri kqabʼan pa ri qakʼaslemal.
4. Ri Jehová utz keril ri utz taq winaq
Chisikʼij Salmo 44:21 y Malaquías 3:16, y chixtzijon chrij wariʼ:
¿La utz riʼ we kqabʼij ta ri qastzij? ¿Jasche kachomaj wariʼ?
¿Jas kunaʼ riʼ ri Jehová are chiʼ kqabʼij ri qastzij paneʼ oj kʼo pa kʼax?
Are chiʼ ri alkʼwalaxelabʼ kkibʼij ri qastzij ri e tat nan kekikotik. Are chiʼ kqabʼij ri qastzij ri Jehová kkikotik.
5. Amaqʼel chojux utz taq winaq
E kʼi winaq kkichomaj che jujun taq mul utz taj kkʼut utzilal, are kʼu ri oj, kʼo rumal che kqaj kojux utz taq winaq pa ronojel ri kqabʼano. Chqilampeʼ jas riʼ. Chiwilaʼ ri VIDEO.
Chisikʼij Hebreos 13:18 y chixtzijon chrij ri kbʼan che ukʼutik utzilal...
... pa ri familia.
... pa ri chak o tijobʼal.
... pa nikʼaj chi jastaq.
6. Ubʼanik ri utz kuya utzilal chqe
Weneʼ ukʼutik utzilal kubʼano che kqariq jujun taq kʼax, are kʼu are ri más utz. Chisikʼij Salmo 34: 12-16 y chixtzijon chrij wariʼ:
¿Jas kqariq pa qakʼaslemal are chiʼ oj utz taq winaq?
Are chiʼ jun achi y jun ixoq e utz taq winaq, kubʼan más ko ri kikʼulanem.
Are chiʼ ri ajchakibʼ e utz taq winaq, ri kipatrón kkikubʼsaj más kikʼuʼx chkij.
Are chiʼ ri winaq e utz nim keʼil kumal ri kechakun pa taq ri qʼatbʼal tzij.
RI KKICHOMAJ JUJUN WINAQ: «Jun alaj molom tzij kubʼan ta kʼax».
¿Jas kabʼij at, la utz kril ri Jehová ri molom taq tzij? ¿Jasche kachomaj wariʼ?
RI XQETAʼMAJ
Jehová kraj che ri rachiʼl kkikʼut rukʼ ri kkibʼano y ri kkibʼij che e utz taq winaq.
¿La knaʼtaj chawe?
¿Jawchiʼ rajawaxik kqakʼut wi che oj utz taq winaq?
¿Jasche utz taj kqachomaj che utz kqabʼan molom tzij?
¿Jasche kawaj at katux jun utz winaq?
CHAWILAʼ CHI NIKʼAJ
¿Jas kkibʼan ri tat nan che ukʼutik chkiwach ri kalkʼwal che utz taj kbʼan molom tzij?
¿Jas utzilal kariqo we kabʼan ri kabʼij?
Chawilampeʼ we rajawaxik kqatoj ri impuestos paneʼ utz ta ukojik kbʼanik.
«¿La rajawaxik katoj ri impuestos?» (La Atalaya, 1 re septiembre 2011)
¿Jas xtoʼw jun elaqʼom che ukʼexik ri ukʼaslemal y xux jun utz winaq?
«Xwetaʼmaj che ri Jehová sibʼalaj utz y kukuy qamak» (La Atalaya, 1 re mayo 2015)