¿La qas tajin kakoj ri tijonik kuya ri Jehová?
1. ¿Jas tijonik tajin kyaʼ cho ronojel ri uwach Ulew kimik?
1 Chuwach ri Nimalaj Ajtij, Jehová, sibʼalaj rajawaxik che ketijox ri rajpatanelabʼ (Is. 30:20). Kimik, tajin kqil ri kbʼan che kitijoxik ri rajtijoxelabʼ che bʼanom ta nabʼe. Junam che xubʼij ri Isaías, sibʼalaj e kʼi winaq rech ronojel ri uwach Ulew kebʼe pa «ri juyubʼ ri kariqtaj wi ri rachoch» ri Jehová, che xa jun etal (Is. 2:2). ¿Jasche? Rech ketijox pa ubʼe ri Dios, jeʼ, are ri Jehová ri kyaʼow ri tijonik chke (Is. 2:3).
2. ¿Jas at utoʼm wi ri tijonik uyaʼom ri Jehová?
2 Qas oj tijom. ¡Sibʼalaj uyaʼom kʼi tobʼanik ri upixabʼ ri Dios! Rumal wariʼ qetaʼm che ri Dios kʼo ubʼiʼ xuqujeʼ che kʼo qapatan chuwach (Sal. 83:18, TNM; 1 Ped. 5:6, 7). Xuqujeʼ ukʼutum chqawach chrij preguntas che sibʼalaj kojchoman chrij: ¿Jasche kqariq kʼax xuqujeʼ kojkamik? ¿Jas kqabʼan che uriqik ri qastzij kikotemal? ¿Jasche xojbʼanik? Are kʼu xaq xiw ta wariʼ, Jehová ukʼutum chqawach che rajawaxik kqabʼan ri utz rech utz kojel pa ri qakʼaslemal (Jos. 1:8).
3. ¿Jas tobʼanik kyaʼ chke ri ketaʼm taj kkisikʼij uwach xuqujeʼ kkitzʼibʼaj wuj, xuqujeʼ jas kqabʼano rech kojutoʼ?
3 Jehová xuqujeʼ kraj che ketoʼ ri winaq che kekun taj kkisikʼij uwach xuqujeʼ kkitzʼibʼaj wuj. Ri tijonik che kyaʼ pa ri congregación chke ri winaq che ketaʼm taj ketzʼibʼanik xuqujeʼ kkisikʼij uwach wuj e utoʼm e kʼi qachalal xuqujeʼ winaq che kkaj kketaʼmaj chrij ri Biblia. We kajwatajik, ri e ajkʼamal bʼe kekunik kkil ri kbʼan che uyaʼik ri e tijonik riʼ. Ri rumal che kyaʼ wajun tijonik riʼ are che «ri keʼopanik kketaʼmaj usikʼixik uwach xuqujeʼ utzʼibʼaxik wuj rech kekunik kketaʼmaj chrij ri Biblia xuqujeʼ kkikʼut ri kubʼij chkiwach nikʼaj chik» (km-S 10/11 pág. 4; be-S págs. 21-23). We qas kqaya che ri Dios kojutijoj kubʼano che kqariq kikotemal kimik xuqujeʼ pa ri jeʼlalaj uwach Ulew che petinaq (Sal. 119:105; Juan 17:3).