Chqabʼanaʼ sibʼalaj utz che ri qachak: Utz ukojik ri e preguntas chabʼanaʼ

JASCHE NIM UBʼANIK. We ri uchomanik jun winaq kjunamataj rukʼ ri joron che sibʼalaj naj kʼo wi, ri e preguntas kojkitoʼ rech kqachʼobʼ ri kʼo pa ranimaʼ (Pr 20:5). Ri e preguntas che qas utz uchomaxik kubʼano che ri winaq qas kojkitatabʼej xuqujeʼ kkibʼij ri kkichomaj. Jesús qas utz xubʼan che ukojik ri e preguntas. ¿Jas kqabʼan che resaxik uwach?

¿JAS KQABAN CHE UBANIK?

• Chabʼanaʼ e preguntas re chomanik. Jesús xubʼan jun jupuq preguntas che nim kibʼanik che xutoʼ che retaʼmaxik ri kkichomaj ri e rajtijoxelabʼ (Mt 16:13-16; be-S pág. 238 párrs. 3-5). ¿Jas e preguntas re chomanik katkunik kabʼano?

• Chabʼanaʼ e preguntas che ktobʼanik. Rech ksukʼumax ri uchomanik ri Pedro che utz taj, Jesús xubʼan preguntas xuqujeʼ xuya tobʼanik rech qas xuchʼobʼ ri xbʼix che (Mt 17:24-26). ¿Jas preguntas katkunik kabʼano rech katoʼ jun winaq rech qas kuchʼobʼ ri qastzij chrij ri tajin kretaʼmaj?

• Chabʼij utz taq tzij chi kutzalij uwach ri e preguntas. Jesús xubʼij utz taq tzij che jun ajtij re pixabʼ «che xutzalij uwach ri pregunta rukʼ nojibʼal» (Mr 12:34). ¿Jas katkunik kabʼij che jun winaq che kutzalij uwach jun pregunta?

CHAWILAʼ RI NABʼE UCHʼAQAPIL RI VIDEO MAQAYA KAN UBʼANIK RI CHAK CHE XUMAJIJ KAN RI JESÚS: UKʼUTIK XUQUJEʼ CHATZALIJ UWACH RI E PREGUNTAS RIʼ:

• Pa neʼ ri etaʼmanik che xuya ri ajtij are tzʼaqat, ¿jasche utz ta xubʼan che ukʼutik?

• ¿Jasche utz taj che xaq xiw oj kojchʼawik?

CHAWILAʼ RI UKABʼ UCHʼAQAPIL RI VIDEO XUQUJE CHATZALIJ UWACH RI E PREGUNTAS RIʼ:

• ¿Jasche kojkunik kqabʼij che ri qachalal utz xubʼan che ukojik ri e preguntas?

• ¿Jas chi jun ubʼanik kqabʼan che resaxik uwach ri kubʼan che ukʼutik?