¿Jas kqabʼano rech ksach ta ri textos pa qajolom?

¿Jas texto ri más utz kawilo? Weneʼ kʼi textos awetaʼm. Weneʼ are jun texto che kukubʼsaj akʼuʼx, jun che katutoʼ chuwach ri itzel taq chomanik o jun chik texto che awetaʼm che katkunik kakojo rech katoʼ jun chik (Sal. 119:11, 111). Pero weneʼ knaʼtaj ta chawe ri kubʼij o jawchiʼ kariq wi. Chqilampeʼ jujun taq tobʼanik.

• Chakojoʼ ri etiquetas re JW Library^®. Are chiʼ tajin kasikʼij ri Biblia chupam ri aplicación y kariq jun texto che kawaj knaʼtaj chawe, chakojoʼ jun etiqueta che rech kʼax ta kabʼan che uriqik.

• Chayaʼ ri texto pa jun lugar jawiʼ kawil wi. Jujun qachalal kkitzʼibʼaj ri texto chuwach jun wuj y kkinakʼ chuwach ri espejo o chuwach ri ki refri. Nikʼaj chik kkesaj jun u foto ri texto y kkikoj che ri u fondo ri u pantalla ri ki teléfono o ri computadora.

• Chatzʼibʼaj ri textos chuwach jujun tarjetas rech knaʼtaj chawe. Che ri jun lado rech tarjeta chatzʼibʼaj ri texto y pa ri jun chi lado chatzʼibʼaj ri kubʼij ri texto. Tekʼuriʼ, chawilaʼ ri jun lado re ri tarjeta jawiʼ kʼo wi ri capítulo y versículo y chatchoman chrij jas kubʼij wajun texto riʼ che kʼo pa ri jun chi lado re ri tarjeta.