2 Y chëkurmi kënö niyarqan: “Teytallë, Teyta Jehovämi nishurqëki israelïta mayintsikkunata sorteupa markankuna entreganëkipaq.+ Tsënöllam Teyta Jehoväqa kastäkuna Zelofehadpa warmi tsurinkunata chakrankuna entreganëkipaqpis nishurqëki.+

3 Peru Zelofehadpaqa+ warmillam wamrankuna karqan, y jutinkunam karqan Mahlä, Noä, Hoglä, Milcä y Tirzä. Zelofehadqa Hëferpa tsurinmi karqan, Hëfernam Galaadpa tsurin karqan, Galaadnam Makirpa tsurin karqan y Makirnam Manasespa tsurin karqan. 4 Zelofehadpa wamrankunam sacerdöti Eleazarman,+ Nunpa tsurin Josuëman y dirigeqkunaman ëwar niyarqan: “Teytantsik Jehovämi Moisesta mandarqan familiäkunata tocanqan herenciata entregayämänampaq”.+ Tsënö niyaptinmi Jehovä Dios mandakunqannölla papänimpa wawqinkunata tocanqanchö, herenciankuna entreguëkuyarqan.+