31 Puka lamarpita filisteukunapa lamarninyaq, y tsunyaq sitiupita Eufratis mayuyaqmi*+ qamkunapaq kanqa. Y tsë markakunachö kawaqkunata venciyänëkipaqmi yanapayashqëki, y tsënöpam pëkunata qarqur markankunapa duëñun tikrayanki.+ 32 Peru manam pëkunawan ima acuerdutapis rurayänëkitsu ni santunkunata adorayänëkipaq änikuyänëkitsu.+ 33 Y manam qamkunawan juntu kawayänantsu, tsënöpa jutsaman* mana ishkitsiyäshunëkipaq. Santunkunata adorarninqa, imëka mana alli rurëkunamanmi chäyanki”.+

3 Manam warmi tsurikikunata ollqu tsurinkunawan casatsiyänëkitsu, ni ollqu tsurikikunata warmi tsurinkunawan casatsiyänëkitsu.+ 4 Tsë warmikunawan ollqu tsurikikunata casatsiyaptikiqa, santukunata adorëmanmi chätsiyanqa.+ Tsëqa Teyta Jehovämi qamkunawan cölerakur ushakätsiyäshunki.+

12 Peru Teyta Diosnintsikta dejarir tsë markakunachö nunakunawan juntakäyaptikiqa,+ y ollqu o warmi wamrankunawan casakuyaptikiqa,+ 13 manam Jehovä Diosnintsik yanapayäshunkinatsu ni tsë markakunachö nunakunata qarqunqanatsu.*+ Y pëkunam trampa cuenta, chikuti cuenta y nawikikunachö kasha cuenta qamkunapaq kayanqa.+ Tsëmi Teytantsik Jehovä entregayäshunqëki alli wayoq patsachöqa ni jukllëllapis quedayankitsu.

2 Y qamkunaqa, manam kë markakunachö nunakunawan ni ima acuerduta rurayänëkitsu,+ y altarninkunatam ushakätsiyänëki’.+ Peru qamkunaqa tsënö nikaptïpis, manam wiyakuyarqunkitsu.+ ¿Imanirtaq cäsuyamarqunkitsu? 3 Tsëmi nirqä: ‘Manam kë markakunachö kawaq nunakunata qarqushaqtsu.+ Pëkunaqa trampa cuentam qamkunapaq kayanqa,+ y santunkunata adorayänëkipaqmi inkitayäshunki’”.+