23 “Kë alläpa shumaq pukutaqkunatam o mushkoqkunatam juntayänëki: joqta kïlu mïrra plantapa weqinta, kima kïlu canëlata, kima kïlu mishkeq cäñata* 24 y seis kïlus juk cläsi canëlata.* Tsëkunataqa sagrädu sitiuchö këkaq pësakunata churëkurmi pesayänëki.+ Tsënöllam chusku litru* aceiti de olïvutapis juntayänëki. 25 Tsë llapanta shumaq pichurmi* sagrädu aceitita rurayänëki.+ Tsë sagrädu aceitiqa pitapis akrayänëkipaqmi kanqa.