• Deuteronomiu 4:34
    Mushoq Patsachö Kawaqkunapaq Biblia

    • 34 ¿Më marka nunakunatataq Teyta Diosqa, señalkunata y milagrukunata rurar,+ pëkunarëkur pelyar,+ puëdeq kanqanta rikätsikur,+ espantëpaqkunata rurar y castïguta apamur+ juk nacionpita jipimushqa? Teyta Jehoväqa kastëkikunallatam tsënöqa Egiptupita jipimurqan.

  • Nehemïas 9:10
    Mushoq Patsachö Kawaqkunapaq Biblia

    • 10 Egiptuchö gobernaqta, sirweqninkunata y llapan marka mayinkunata+ castiganëkipaq señalkunata y milagrukunata rurarqëki. Tsëtaqa rurarqëki mana alli tratarnin sirwishoqnikikunata sufritsishqa kayaptinmi.+ Tsëta ruranqëkipitam kananyaqpis reqishqa kanki.+

  • Salmus 105:27-36
    Mushoq Patsachö Kawaqkunapaq Biblia

    • 27 Ishkankunam Campa nacionninchö,

      pëkuna* rikëkäyaptin milagrukunata y señalkunata rurayarqan.+

      28 Teyta Diosmi tsë nacionta ampiman o tsakëman* tikratsirqan.+

      Llapan mandanqankunatam cäsukuyarqan.*

      29 Yakutam yawarman tikratsirqan,

      tsëmi llapan pescädukuna wanuyarqan.+

      30 Entëru Egiptu nacionmanmi rachakkuna* juntarqan+

      y gobernantipa wayinmampis mëtsikam juntarqan.

      31 Teyta Dios mandaptinmi kanikoq jatusaq chuspikuna

      y ichisaq chuspikunapis entëru Egiptuman juntayarqan.+

      32 Tamyatam runtuman tikratsirqan,

      Egiptu nunakunapa markankunamanmi räyutsimurqan.*+

      33 Tsë runtum üvas plantankunata,

      hïgus plantankunata y llapan montikunata ushakätsirqan.

      34 Teyta Dios mandaptinmi chukllushkunaqa* entëruman juntariyarqan,

      älankunapis manaraq yureq chukllushkuna.+

      35 Tsëkunam entëru nacionchö llapan plantakunata ushayarqan,

      chakrachö muruyanqantapis pasëpam* ushayarqan.

      36 Teyta Diosqa, entëru nacionchö nunakunapa mayor tsurinkunatam wanutsirqan,+

      nunakunapa mayor tsurinkunata y animalkunapa punta yureq wawankunatam ushakätsirqan.