8 Sacerdötikunaqa noqapaq apayämunqëki mikuy qarëkunatam altarchö rupatsiyanqa,+ tsëmi pëkunata respetayänëki. Noqa Jehoväqa limpiu Diosmi kä,+ y limpiu sirwimaqnïkuna kayänëkipaqmi akrarqö,* tsëmi qamkunaqa sacerdötikunata respetayänëki.

5 Corëta y pëman qaqaqkunata kënö nirqan: “Warë tempränum Teyta Jehovä rikätsimäshun pikuna pëpa kayanqanta,+ rikënimpaq limpiu kayanqanta y pikunalla pëman witita puëdiyanqanta.+ Y Teyta Diosnintsik akranqan kaqllam+ pëmanqa witinqa. 6 Tsëmi këta rurayänëki: Corë y pëman qaqaqkuna,+ carbonta puritsinaman+ 7 carbonta winayë, y Teyta Jehoväpa rikëninchö inciensuta winayë. Tsëta rurayaptikim Teyta Jehovä akranqan nuna+ rikënimpaq limpiu kanqa. ¡Qamkunaqa alläpa mana allitam rurayarqunki Levïpa kastankuna!”.+