• Isaïas 1:23
    Mushoq Patsachö Kawaqkunapaq Biblia

    • 23 Dirigeqnikikunapis chukru shonqum kayan,

      y suwakoqkunatam yanapayan.+

      Imatapis chaskipakuytam gustayan,

      y imatapis qarayänantam shuyarëkäyan.+

      Manam papäninnaq kaqkunapaq justiciata rurayantsu

      ni viudakunapa problëmankunata atiendir yanapayantsu.+

  • Jeremïas 5:26-28
    Mushoq Patsachö Kawaqkunapaq Biblia

    • 26 Atskaq sirwimaqnïkunam mana allikunata rurayan.

      Pishquta tsareqkuna* rurayanqannömi

      mana rikäyänanman churakëkur pitapis shuyaräyan.

      Y nunakunata mana alliman chätsiyänampaqmi imëka trampakunata churayan.

      27 Juk jaula mëtsika pishqukunawan junta këkanqannömi

      wayinkunapis nunakunata engañar tariyanqanwan junta këkan,+

      tsëkunawanmi rïcu y puëdeq tikrayashqa.

      28 Wira wira* kayaptinmi qarankunapis luchoq* këkan,

      y alläpa mana allim kayan.

      Manam papäninnaq kaqkunata defendiyantsu,+

      y kikinkunapa bienninkunata ashirmi

      waktsakunapaqpis justiciata rurayantsu’”.+

  • Miquëas 2:1, 2
    Mushoq Patsachö Kawaqkunapaq Biblia

    • 2 “Allaw mana allita rurëman yarpëkaqkuna,

      y punukurpis mana allita rurëllaman pensëkaqkuna.

      Rurëta puëdirmi,

      patsa waräriptinqa pensëkäyanqanta rurayan.+

       2 Nunakunapa chakrankunatam duëñutsakuyan,+

      y nunakunapa wayinkunawanmi quedakuyan.+

      Engañarmi nuna mayinkunapa wayinkunawan

      y herenciankunawan quedakuyan.