9 Soldädukunata mandaq Nebuzaradanqa,+ markachö quedaqkunata, pëkunaman qaqaqkunata y wakin quedaq nunakunatam, Babiloniaman aparqan.

12 Nabucodonosor Babiloniachö diecinuëvi watapana gobernëkaptinmi, pitsqa killapa chunka kaq junaqchö, soldädukunata mandaq Nebuzaradan Jerusalenman yëkurqan. Pëqa Babiloniachö gobernaqpa yanapaqninmi karqan.+ 13 Nebuzaradanqa Teyta Jehoväpa wayinta,+ gobernaqpa wayinta,* Jerusalenchö llapan wayikunata y llapan jatusaq wayikunatam ninawan ushakätsirqan.