15 Tsënö këkäyaptimpis israelïtakunata y täkunqan* templuta kuyarninmi, unë kastankunapa Diosnin Jehoväqa willakoqninkunawan kutin kutin willatsirqan. 16 Tsënö willëkätsiptimpis, pëkunaqa Teyta Diospa willakoqninkunata+ mana kaqpaq churarmi+ burlakuyarqan.+ Manam Teyta Diosta cäsuyarqantsu, tsëmi willakoqninkunatapis asipäyarqan y mana alli rurëkunataqa manam dejayarqantsu. Tsëmi Jehovä Diosqa cölerakur castigarqan.+

24 Peru pëkunaqa manam ninqäkunata cäsukuyarqantsu.+ Tsëpa rantinqa, kikinkuna munayanqannömi* imatapis rurayarqan, y kutin kutinmi mana alli shonqunkuna ninqanta rurayarqan.+ Y mas alli nuna kayänampa rantinmi mas peor tikrayarqan. 25 Unë kastëkikuna Egiptupita yarqayämunqampita kananyaqmi tsënö rurëkäyanki.+ Tsëmi sirwimaqnï willakoqkunata qamkunaman mandamurqä, tsëtaqa cada junaq y kutin kutinmi rurarqä.+ 26 Peru chukru shonqu karmi wiyamëta munayarqëkitsu y manam ninqäkunata cäsukuyarqëkitsu.+ Y unë kastëkikunapita mas peormi portakuyarqëki.

15 Y kutin kutinmi sirwimaqnï willakoqkunata,+ qamkunata kënö niyäshunëkipaq mandamurqä: ‘¡Roguëkuyashqëki, ama mana allikunata rurayënatsu,+ tsëpa rantinqa alli kaqtana rurayë! Ama imëkata rurar santukunata adorayënatsu. Tsëta rurarqa, qamkunata y unë kastëkikunata entreganqä markakunachömi, atska tiempupa kawayanki’.+ Peru qamkunaqa manam cäsukuyarqëkitsu ni ninqäkunata wiyakuyarqëkitsu.