• Ezequiel 35:10, 11
    Mushoq Patsachö Kawaqkunapaq Biblia

    • 10 Qammi kënö nirqunki: ‘Kë ishkan nacionkunaqa, kë ishkan markakunaqa noqapam kanqa. ¡Aku duëñun tikrashun!’.+ Tsë markakunachö noqa Jehovä këkaptïmi, tsënö nirqunki. 11 ‘Tsëmi Llapanta Gobernaq Teyta Jehovä kënö nin: “Noqa kawëkaq Diosmi nï: ‘Imanömi alläpa cölerar imëka mana allita rurarqunki y alläpa chikiparqunki, tsënöllam qamtapis rurashqëki+ y juzgapteqmi musyanki pï kanqäta.

  • Sofonïas 2:8, 9
    Mushoq Patsachö Kawaqkunapaq Biblia

    •  8 “Moabpita+ nunakuna imanö burlakuyanqanta, Ammonpita+ nunakuna imanö insultayanqantam rikarqö.

      Pëkunaqa sirwimaqnïkunapitam burlakuyashqa, y puëdeq tukurmi markankunawan quedakuyta munayashqa.+

       9 Tsëmi noqa Israel nunakunapa Diosnin y angelkunata mandaq Jehovä nï,

      ‘noqa rasumpa kawanqänöllam,

      Moabqa Sodöma+ markanö ushakanqa, y Ammonpis Gomörra+ markanö ushakanqa.

      Tsë sitiukunaqa tsunyaqmi quedayanqa,+ y shinwa o ishanka y mëtsika kachillam kanqa.

      Sirwimaqnïkunapita quedaqkunam imëkankunata apakuyanqa,

      y markankunapis akranqä nacionpita quedaqkunapaqmi kanqa’.