32 Remalïaspa tsurin Pëcah ishkë watapa Israelchö gobernëkaptinmi, Uzïaspa+ tsurin Jotan+ Judächö gobernar qallëkurqan. 33 Veinticincu watayoq këkarmi gobernar qallarqan. Jerusalen markachömi dieciseis watapa gobernarqan. Mamäninqa Sadocpa+ tsurin Jerusä jutiyoq warmim karqan. 34 Jotanqa papänin Uzïas+ ruranqannömi, Jehovä Diosta cäsukur allikunata rurarqan.

27 Veinticincu watayoq këkarmi Jotanqa+ gobernar qallarqan, y Jerusalen markachömi dieciseis watapa gobernarqan. Mamäninqa Sadocpa+ tsurin Jerusä jutiyoq warmim karqan. 2 Jotanqa papänin Uzïas+ ruranqannömi, Jehovä Diosta cäsukur allikunata rurarqan. Peru manam papäninnötsu Jehovä Diospa templunman yëkurqan.+ Jotan allikunata ruraptimpis, nunakunaqa mana allikunallatam rurëkäyarqan.