Isaïas
Awmi, lamarchö kawaq mantsëpaq animaltam wanutsinqa.
Cocodrïluqa wakman këman kuyukurmi culebranö purin.
2 Tsë junaq pëpaq* kënö cantayë:
“¡Alli wayoq üvas planta!+
3 Tsë plantataqa kikï Jehovämi imëkapita cuidä.+
4 Tsë plantawanqa manam cölerashqanatsu këkä.+
Pï nunapis, kashakunata y mana alli qorakunata* puntäman churamuptimpis,
tsëkunata jarurmi ninawan ushakätsishaq,
tsë nunawanmi pelyashaq.
5 Mana tsënö kanampaqmi, tsë nunaqa noqaman shamunan
y noqawan yamë këta ashinan.
Awmi, noqawanmi amishtanan”.
6 Tsë witsanqa, Jacobpa kastankunam
alli watsishqa o matsushqa* plantanö kayanqa.
7 ¿Maqaqninta maqayanqannöku pëtapis feyupa maqayänan?
¿Mana llakipashpaku* pëtapis wanutsiyänan?
8 Pëta qarqurqa, fuertipa büllarmi pëwan pleytuyanqa.
Fuertipa pükarmi qarqunqa, tsë pükanqanqa inti o rupay yarqamunan
lädupita shamoq fuerti vientunömi kanqa.+
9 Tsënöpam Jacobpa kastankunaqa,
jutsata* rurayanqampita+ perdonashqa kayanqa,
tsënö perdonashqa kayaptinmi kënö pasakunqa:
santunkunata adorayänan rumipita altarninkunam cali ruminö ushakanqa.
Tsënöllam sagrädu postinkuna y inciensu rupatsiyänan altarninkunapis ushakanqa.+
10 Alli murallashqa markachöqa manam ni pï kanqanatsu.
Qewa kanqan chakrakunachöpis, tsunyaq sitiuchönömi ni ima kanqatsu.+
Tsëchömi mallwa törupis mikur päranqa.
Awmi, tsëchö plantakunapa rämantam mikunqa.+
11 Tsëpitanam rämankuna tsakiriyaptin,
warmikuna shamuykur juntayanqa y ninachö ushakätsiyanqa.
Kë markachö nunakunaqa manam ni imata entiendiyantsu,+
12 Israel nunakuna,+ imanömi planta wayunqanta jukllëllapa jukllëllapa juntayan, tsënömi mëtsëman apashqa kayanqëkipita Teyta Jehovä juntayämushunki. Tsëtaqa ruranqa, Eufratis mayupa* kuchun kinrëpita Egiptu pampa+ kuchun kinrëyaqmi. 13 Tsë witsanqa waqratam tocayanqa,+ tsëta wiyarmi Asiriachö+ sufrikaqkuna y Egiptuman+ apashqa kaqkuna, Jerusalenchö sagrädu jirkaman shayämunqa y Teyta Jehoväpa puntanman qonqurikuyanqa.+