Ezequiel

40 Babiloniaman apayämanqampita veinticincu wata pasarinqanchömi,+ punta killapa chunka junaqninchö, Teyta Jehovä poderninwan yanapamar Jerusalen markaman apamarqan.+ Tsë junaqpaqqa, Jerusalenta ushakätsiyanqampita catorci watanam pasashqa karqan.+ 2 Teyta Diosmi suëñuychönölla, Israel markaman apamarqan y jatun jirkapa+ jananmanmi sur kaq lädunman churamarqan y tsëchömi rikarqä juk marka niraqta.

3 Tsëman chäratsimaptinmi juk nunata rikarqä. Tsë nunaqa cobrinöran chipaparqan.+ Lïnupita rurashqa cordeltawan medikuna bärratam* aptarëkarqan.+ Y yëkunachömi shëkarqan.* 4 Tsë nunam kënö nimarqan: “Nunapa tsurin, rikätsinqaqta alli rikanki y parlapanqaqta alli wiyanki. Tsëpaqmi këman pushamurqoq, y llapan rikanqëkita Israel nunakunata willanki”.+

5 Templupa* entëru lädumpam murälla karqan. Tsë nuna katsinqan bärraqa,* kima mëtrunömi medirqan.* Tsë bärrawanmi, tsë murällata medir qallëkurqan. Tsë murällapa altunqa, juk bärram karqan y anchumpis juk bärram karqan.

6 Tsëpitanam escalompa witsar, inti o rupay yarqamunan lädumampa këkaq punkuman* charqan.+ Y punkupa umbralnintam medir qallëkurqan. Tsë umbralpa anchunqa, juk bärram karqan. Tsënöllam juk kaq umbralpa anchumpis, juk bärra karqan. 7 Y täpakoqkunapa cuartunkunapaqa, largumpis y anchumpis juk bärram karqan. Tsë cuartukunaqa manam juntutsu qaqararqan, sinöqa, qateqnin kaq cuartuqa ishkë metru mediu* mas washachöran karqan.+ Ruri kaq pasadïzuman yëkoq punkupa umbralninnam juk bärra medirqan.

8 Tsëpitanam pëqa, ruri kaq punkupa lädunchö këkaq pasadïzuta medirqan. Tsë pasadïzuqa juk bärram medirqan. 9 Tsëpitanam ruri punkupa, pasadïzuta medirqan y chusku metrum* medirqan. Tsëpitanam, ishkan läduchö ëwaq columnakunatapis medirqan y juk mëtrum* medirqan. Punku läduchö këkaq pasadïzuqa rurichömi këkarqan.

10 Inti o rupay yarqamunan lädumampa këkaq punku lädunkunachöqa, täpakoqkunapaqmi kima cuartukuna karqan. Tsë kiman cuartukunaqa, tsë tamäñullam karqan. Ishkan lädunchö tsaraq columnankunapis tsë tamäñullam karqan.

11 Tsëpitanam yëkuna punkupa anchunta medirqan y pitsqa metrum* karqan, largunnam cäsi qanchis metrunö* karqan.

12 Täpakoqkunapa cuartunkunapa puntanchö këkaq takshalla perqapa altunqa, mediu metrum* karqan. Y ishkan läduchö këkaq täpakoqkunapa cuartunkunaqa cada ünum kima metru* medirqan.

13 Tsëpitanam täpakoqkunapa cuartunkunapa tëchumpita* qallëkur, hasta frentinchö cuartupa tëchunyaq medirqan y trëci metrusmi* medirqan. Cuartukunapa punkunkunaqa frentinchö këkaq cuartupa punkunmampis rikakaqmi.+ 14 Tsëpitanam ishkan läduchö ëwaq columnakunata medirqan. Altunqa treinta y un metrusmi* karqan. Tsënöllam patiuman yëkuna wakin punkukunapa columnantapis medirqan. 15 Punta kaq punkupita qallëkur ushananyaq mediptinmi, pasadïzuqa veintiseis metrus* medirqan.

16 Ruri kaq punkuchönam, columnakuna lädunchö y täpakoqkunapa cuartunkunachö, cada läduchöpis ventänakuna karqan.+ Tsë ventänakunapa marcunkunaqa waqtamanmi ichiklla rikakaq, peru rurimanqa jatunmi rikakaq. Tsënöllam ruri kaq pasadïzuchöpis, ishkan läduchö ventänakuna karqan y columnakunachönam palmërakuna dibujararqan.+

17 Tsëpitanam apamarqan waqta kaq patiuman.+ Tsëchömi rikarqä comedorkunata.* Tsë patiuqa entëru kuchumpam pavimentashqa karqan. Tsë pavimentuchönam treinta comedorkuna karqan. 18 Tsë pavimentupa anchunqa templuman yëkuna pasadïzupa largunwan igualmi karqan. Tsë pavimentuqa ichik bäjuchömi karqan.

19 Tsëpitanam, templuman yëkuna mas bäjuchö këkaq punkupita, mas ruri kaq punkuman medirqan. Tsëyaqqa medirqan cincuenta y dos metrusmi.* Inti o rupay yarqamunan kaq läduchö y norti kaq läduchö kaqpis tsënöllam medirqan.

20 Waqta kaq patiupapis, norti kaq lädupam punkun karqan. Tsë punkutapis, largunta y anchuntam medirqan. 21 Tsëchöpis täpakoqkunapaqmi, cada läduchö kima cuartukuna karqan. Columnakunapa tamäñun y pasadïzupa tamäñunqa punta kaq yëkunapanöllam karqan. Largunmi veintiseis metrus* karqan y anchunnam trëci metrus* karqan. 22 Inti o rupay yarqamunan läduchö këkaq yëkunapanöllam, tsëchöpis ventänankunapa, pasadïzumpa y palmërankunapa+ tamäñun karqan. Tsë pasadïzuman chäyänampaqqa, nunakunaqa qanchis grädakunataran witsäyaq.

23 Norti läduchö këkaq waqta kaq punkupita ruri patiuman yëkuriyaptinqa, tsëchömi juk punku mas karqan. Tsëmi waqta kaq punkupita ruri kaq punkuman mediptinqa cincuenta y dos metrus* karqan. Tsënöllam inti o rupay yarqamunan läduchö kaqpis medirqan.

24 Tsëpitanam, sur kaq lädupa yëkuyänan punkuman apamarqan.+ Tsëchöpis columnankunata y pasadïzutam medirqan. Tamäñunqa wakin yëkunapanöllam karqan. 25 Tsëchöpis wakin yëkunakunachönöllam, punkupa ishkan lädunchö y pasadïzupa ishkan lädunchö ventänankuna karqan. Pasadïzupa largunqa, veintiseis metrusmi* karqan y anchunnam trëci metrus* karqan. 26 Tsë pasadïzuman chäyänampaqqa, qanchis grädataran witsäyaq.+ Y cada läduchö këkaq columnakunachöqa palmërakunam dibujaraq.

27 Ruri kaq patiuman chäriyaptinqa, frentinchömi juk punku karqan. Tsë punkuqa sur lädumanmi rikaraq. Tsëmi juk kaq punkupita juk kaq punkunman mediriptinqa, cincuenta y dos metrus* medirqan. 28 Tsëpitanam sur kaq punkupa pushamar ruri kaq patiuman yëkatsimarqan. Y tsëchö punkutam medirqan. Tamäñunqa wakin kaq punkukunapanöllam medirqan. 29 Täpakoqkunapa cuartunkunapa tamäñun, columnakunapa tamäñun y pasadïzupa tamäñunqa wakin kaq cuartukunanöllam medirqan. Punkupa cada lädunchö y pasadïzupa cada lädunchömi ventänakunapis karqan. Punkumpa largunqa veintiseis metrusmi* medirqan y anchunnam trëci metrus* medirqan.+ 30 Entëru läduchömi pasadïzukuna karqan. Tsë pasadïzukunapa largunqa trëci metrusmi* karqan y anchunnam ishkë metru mediu* karqan. 31 Tsë pasadïzuqa waqtamanmi, patiu kaqman rikarämoq y columnankunachöqa palmërakunam dibujaraq.+ Tsë patiuman chäyänampaqqa puwaq grädataran witsäyaq.+

32 Tsëpitanam, inti o rupay yarqamunan lädumampa këkaq punkupa yëkatsimar ruri kaq patiuman chätsimarqan. Y tsëchö punkutam medirqan. Tsë punkupa tamäñunqa wakin punkukunapa tamäñunnöllam karqan. 33 Täpakoqkunapa cuartunkunapa tamäñun, columnapa tamäñun y pasadïzupa tamäñunqa wakin kaq cuartukunanöllam medirqan. Punkupa cada lädunchö y pasadïzupa cada lädunchömi ventänakunapis karqan. Punkupa largunqa, veintiseis metrusmi* medirqan y anchunnam trëci metrus* medirqan. 34 Tsë pasadïzuqa, waqta patiumanmi rikarämoq. Columnankunachöqa palmërakunam dibujaraq. Tsë patiuman chäyänampaqqa puwaq grädataran witsäyaq.

35 Tsëpitanam norti kaq läduchö punkuman apamarqan.+ Y tsëta mediptimpis wakin kaq punkukunanöllam medirqan. 36 Täpakoqkunapa cuartunkunapa tamäñun, columnakunapa tamäñun y pasadïzupa tamäñunqa wakin kaq cuartukunanöllam medirqan. Punkupa cada lädunchö y pasadïzupa cada lädunchömi ventänakunapis karqan. Punkupa largunqa veintiseis metrusmi* medirqan y anchunnam trëci metrus* medirqan. 37 Columnankunaqa waqta patiumanmi rikarämoq y cada columnachömi palmërakuna dibujararqan. Tsëman chäyänampaqqa puwaq grädataran witsäyaq.

38 Y punkukunapa lädunchö këkaq columnakunapa lädunmampanam, punkuyoq juk comedor karqan. Tsëchömi apayanqan qarëkunata yakuwan awiyaq.*+

39 Cada yëkunachömi, pasadïzupa ishkan lädunchö, punku lädumampa ishkë mësakuna karqan. Tsëchömi rupatsiyänampaq animalkunata,+ jutsankunapita* perdonashqa kayänampaq apayanqan animalkunata+ y culpayoq kayanqampita apayanqan animalkunata+ pishtayaq. 40 Tsënöllam waqtachöpis, norti läduman rikaraq punkuchö, grädakunata witsarkushqa cada läduchö ishkë mësakuna karqan. 41 Punkupa cada lädunchömi chusku mësakuna karqan. Llapanqa puwaq mësakunam karqan. Tsëchömi rupatsiyänampaq apayanqan animalkunata pishtayaq. 42 Rupatsiyänampaq animalkunata pishtayänan chusku mësakunaqa, llaqllashqa palta rumikunam karqan. Largumpis y anchumpis setenta y siëti centïmetrusmi* karqan y altunnam mediu metru* karqan. Tsëmanmi churayaq rupatsiyänampaq animalkunata pishtarnin utilizäyanqan cuchillukunata y wakin cösaskunatapis. 43 Rurichönam, churakuyänampaq entëru perqachö repïsakunanö laqaraq. Tsë repïsakunapa anchunqa qanchis centïmetru masmi* karqan. Y rupatsiyänampaq ëtsataqa mësakunamanmi churayaq.

44 Ruri kaq punku lädumampam cantaqkuna mikuyänampaq comedorkuna karqan.+ Tsë comedorkunaqa këkarqan ruri kaq patiuchömi, norti läduchö këkaq punku lädunmampa, y sur lädumanmi rikaraq. Y inti o rupay yarqamunan lädumampa këkaq punku lädunchöpis, juk comedor masmi karqan. Tsëqa norti lädumanmi rikaraq.

45 Tsëpitanam pëqa nimarqan: “Kë sur kaq läduchö këkaq comedorqa templuchö trabajaq sacerdötikunapaqmi.+ 46 Y norti läduchö këkaq comedornam altarchö trabajaq sacerdötikunapaq.+ Pëkunaqa levïta kastapita Sadocpa+ tsurinkunam kayan. Pëkunatam churayashqa Teyta Jehoväpa puntanman shamur sirwiyänampaq”.+

47 Tsëpitanam, ruri kaq patiuta medirqan. Tsë patiuqa cuadrädum karqan. Anchumpis y largumpis cincuenta y un metrusmi* karqan. Y altarqa templu puntanchömi këkarqan.

48 Tsëpitanam templuman yëkuna punkuman pushamarqan,+ y pasadïzuman yëkuna punku kaqchö columnakunatam medirqan. Tsë columnakunaqa, juk kaq lädumpam ishkë metru mediu* medirqan y juk kaq lädumpanam juk metru mediu* medirqan. Tsë columnakunaqa, juk kaqmi izquierda kaq läduchö këkarqan y juk kaqnam derëcha kaq läduchö këkarqan.

49 Pasadïzupa largunqa chunka metrum* karqan y anchunnam cäsi joqta metru* karqan. Y cada läduchömi, principal columnakunapa lädunchö juk columna mas karqan. Pasadïzuman chäyänampaqqa grädakunataran witsäyaq.+