Apocalipsis

10 Juk puëdeq angeltam pukutëwan wankushqa* ciëlupita urëkämoqta rikarqä, y peqan o uman jananchömi turmanyë karqan. Cäranqa intinömi o rupaynömi karqan,+ y chankankunaqa nina columnanömi karqan. 2 Makinchömi kicharëkaq ichikllan rölluta katsirqan. Derëcha kaq chakintam lamarman churarqan, y izquierda kaqtanam patsaman churarqan. 3 Tsëpitanam leon qapareqnö* fuertipa parlarqan.+ Y fuertipa parlëkuptinmi, qanchis räyukuna+ parlayanqan wiyakarqan.

4 Qanchis räyukuna parlar ushariyaptinmi, noqaqa tsëkunata qellqanäpaqna këkarqä,+ peru ciëlupita kënö neqtam wiyarqä: “Ama qanchis räyukuna parlayanqanta qellqëtsu, tsëqa qamllapaq katsun”. 5 Patsachö y lamarchö shëkaqta* rikanqä angelmi, derëcha makinta ciëluman pallarkurqan,* 6 y ciëluta y tsëchö kaqkunata, patsata y tsëchö kaqkunata y lamarta y tsëchö kaqkunata kamaq imëyaqpis kawaqpa+ jutinchö jurarmi kënö nirqan:+ “Manam masqa demoranqanatsu. 7 Sinöqa qanchis kaq angel+ trompëtanta tocanampaqna këkanqan+ junaqkunachömi, sirweqnin willakoqkunata Teyta Dios musyatsinqan+ pakarëkaq sagrädu alli noticiakuna cumplikanqa”.+

8 Ciëlupita yapë parlapämar kënö nimanqantam wiyarqä:+ “Ëwar lamarchö y patsachö shëkaq* angelpa makinchö këkaq rölluta tsarë”.+ 9 Tsënam angel kaqman ëwar ichikllan rölluta entregamänampaq nirqä. Pënam kënö nimarqan: “Aptarkur mikukurkuy.+ Pachëkitam asqätsinqa o ayätsinqa, peru shimikichöqa mielnömi mishki kanqa”. 10 Tsënö nimaptinmi, angelpa makinchö këkaq ichikllan rölluta aptarkur mikukurkurqä.+ Shimïchöqa mielnömi mishki karqan,+ peru mikurkuptïqa pachätam asqäratsimurqan o ayätsimurqan. 11 Y kënömi niyämarqan: “Yapëmi markakunata, nacionkunata, idiömakunata y mëtsika gobernaqkunata ima pasanampaq Teyta Dios puntallapitana musyatsikunqanta willakunëki”.