Isaïas

20 Asiriachö gobernaq Sargon, soldädukunata mandaqta* Asdod+ markaman mandanqan watam, pëqa Asdod nunakunata venciskir tsë markawan quedakurqan.+ 2 Tsë witsanmi Amozpa tsurin Isaïasta+ Teyta Jehovä kënö nirqan: “Tseqllëkiman churakunqëki chukru tëlata y llanqikita jipikuy”. Isaïasqa Teyta Dios ninqannöllam, qala chaki y rurin kaq röpanllawan purirqan.

3 Tsëpitanam Teyta Jehoväqa nirqan: “Imanömi sirwimaqnï Isaïaspis kima watapa+ qala chakilla y rurin kaq röpanllawan purishqa, tsënömi Egiptupita+ y Etiopïapita+ nunakunatapis pasanqa. 4 Awmi, Asiriachö gobernaqmi Egiptupita+ y Etiopïapita nunakunata prësu apakunqa. Jövin kayaptin o awkinna kayaptimpis qala chakita, rurin kaq röpanllawan y chankankuna rikakuykaqtam apakunqa. Tsënömi Egiptupita nunakunaqa penqakushqa ushayanqa. 5 Tsëta rikarmi qamkunaqa alläpa mantsakäyanki, y Etiopïapita nunakunaman confiakuyanqëkipita y Egiptu nunakunapita alabakuyanqëkipitam penqakuychö ushayanki. 6 Tsë witsanmi lamar kuchunchö kawaqkuna kënö niyanqa: ‘¡Rikäyë! Confiakunqantsik nunakunata ima pasanqanta. Asiriachö gobernaqpita salvamänapaq ashinqantsik nunakunata ima pasanqanta. Kananqa, ¿imataraq rurashun?’”.