Daniel
10 Kima watapa Persia+ nacionchö Cïru gobernëkaptinmi, Beltsasar+ nir reqiyanqan Danielta Teyta Dios revelarqan. Tsë revelanqanqa alläpa pelya kanampaqmi karqan, y rasumpam pasanan karqan. Tsë rikanqantaqa Daniel allim entiendirqan y imapaq kanqantapis musyarqanmi.
2 Tsë witsampaqqa, noqa Danielqa kima semänapam llakishqa kakurqä.+ 3 Tsënö karmi ni alli mikuykunata ni ëtsatapis mikurqätsu ni vïnutapis upurqätsu. Kima semänapam aceititapis jichakurqätsu. 4 Watapa qallanan killachömi, veinticuatru junaqchö, Tigris*+ niyanqan jatun mayu* kuchunchö këkarqä. 5 Tsëchö këkarmi juk nunata rikarqä. Röpanmi lïnupita+ y wachakannam Ufaz niyanqan örupita karqan. 6 Cuerpunnam crisölitu ruminöraq+ chipaparqan, cärannam räyunöraq chipaparqan, nawimpis chiwchinöraqmi atsikyarqan, rikrankunawan chakinkunapis chipapäkuykaq+ cobrinömi karqan y parlanqampis mëtsika nuna parlëkaqnömi wiyakarqan. 7 Tsë revelaciontaqa noqallam rikarqä. Noqawan këkaq nunakunaqa manam rikäyarqantsu,+ peru mana rikëkarpis alläpa mantsakarmi ratakoq o tsinkakoq* ëwakuyarqan.
8 Tsënam japallä këkar tsë revelacionta rikarqä y alläpa mantsakaptïmi kallpäpis karqannatsu.+ 9 Tsë nunata parlaqta wiyarmi patsaman lätakar punukärirqä.+ 10 Tsënam juk maki sutarkamaptin,+ sharkuyta mana puëdir qonqurikurqä. 11 Tsëpitanam nimarqan:
“Daniel, Teyta Diosqa kuyashurnikim+ qamwan parlanäpaq mandamashqa. Kananqa sharkamuy* parlapanqaqta shumaq wiyamänëkipaq”.
Tsënö nimaptinmi karkaryëkar sharkurqä.
12 Tsënam kënö nimarqan: “Ama mantsakëtsu+ Daniel. Rikanqëki revelacionta entiendita munar mañakamuptiki y humildi kaptikim Teyta Dios wiyashurqëki. Tsëmi entienditsinaqpaq mandëkäman.+ 13 Peru Persia nacionchö mandakoqmi+ pasamunäta munashqatsu. Tsëmi Persia nacionchö gobernaqkunapa lädunchö veintiünu junaqpa karqö. Angelkunapa mandaqninkunapa mas mandaqnin Miguelraqmi*+ pasamunäpaq yanapamashqa. 14 Revelacionchö rikanqëkiqa ushanan tiempukunachöraqmi+ nacionnikichö täkoq* nunakunata pasanqa. Tsëta entienditsinaqpaqmi shamurqö”.
15 Tsënö nimaptinmi ima nitapis mana puëdir patsallaman rikaräkurqä. 16 Tsënö këkaptïmi juk nuna niraq shimïta yatëkamurqan,+ tsënam puntächö këkaqta kënö nirqä: “Revelacionchö rikanqäkunapitam mantsakar karkaryëkä y manam kallpä kantsu.+ 17 Teytallë, kanan höraqa manam shütëtapis puëdillätsu y manam kallpäpis kantsu, tsëmi parlakamuytapis puëdillätsu”.+
18 Tsënö niptïmi, tsë nuna niraq yatëkamarqan y kallpämi yapë yurirqan.+ 19 Tsëpitanam, “qamtaqa Teyta Diosmi kuyashunki,+ ama mantsakëtsu.+ Tranquïlu+ y valienti kë” nimarqan. Tsënö nimaptinmi mas kallpayoqna tikrar, “teyta, yanapamarqunkim. Kananqa wiyashqëki, parlapämë” nirqä.
20 Tsënam nimarqan: “¿Musyankiku imanir shamunqäta? Kanan kutikurqa Persia nacionchö mandakoqwanmi+ pelyashaq. Këpita yarquriptïllam Grecia nacionchö mandakoqpis shamunqa. 21 Tsë asuntuchö mandaqnikikuna+ Miguel-llam yanapamëta puëdin.+ Peru manaraq ëwakurmi rasumpa kaqllata willakoq libruchö llapan qellqarëkaqta willashqëki.