1 Crönicas

9 Israelchö Gobernaqkunapaq Willakoq Libruchömi, llapan israelïtakunapa jutinkuna y ima familiapita kayanqampis qellqarëkan. Judäpa kastankunataqa mana cäsukoq kayanqampitam prësurir Babiloniaman apayarqan.+ 2 Tsëpita atska tiempu pasariptin markankunaman puntata kutimoqkunam kayarqan wakin israelïtakuna, sacerdötikuna, levïtakuna y Diospa templunchö yanapakoqkuna.*+ 3 Judäpa,+ Benjaminpa,+ Manasespa y Efrainpa kastankunam wakinqa Jerusalen markachö quedakuyarqan. 4 Judäpa tsurin Përezpa kastankunam+ kayarqan Utäi, Utäipa papäninmi Amihud karqan, Amihudpa papäninmi Omrï karqan, Omrïpa papäninmi Imrï karqan y Imrïpa papäninmi Banï karqan. 5 Seläpa kastankunanam kayarqan mayor tsurin Asäya y tsurinkuna. 6 Zërahpa tsurinkuna,+ Jeuel y seiscientus noventa nunakuna.

7 Benjaminpa kastanmi Salü karqan. Salüpa papäninmi Mesulam karqan, Mesulampa papäninmi Hodavïas karqan y Hodavïaspa papäninmi Hasenuä karqan. 8 Tsënöllam Benjaminpa kastankuna kayarqan Jerohampa tsurin Ibneyä, Uzïpa tsurin y Micrïpa willkan Elä, y Mesulam. Ibnïyapa kastankunam kayarqan Reuel, Sefatïas y Mesulam. 9 Y tsë kasta nunakunaqa kayarqan novecientus cincuenta y seismi. Llapampis familiankunachö dirigentim kayarqan.

10 Sacerdöti kastapitanam kayarqan Jedayä, Jehoiarib, Jakin+ 11 y Azarïas. Azarïaspa papäninmi Hilquïas karqan, Hilquïaspa papäninmi Mesulam karqan, Mesulampa papäninmi Sadoc karqan, Sadocpa papäninmi Merayot karqan, Merayotpa papäninmi Ahitub karqan. Ahitubqa karqan Teyta Diospa templunchö mandakoqmi. 12 Tsë kuteqkunachömi këkäyarqan Adayawan Maasäipis. Adayapa papäninmi Jeroham karqan, Jerohampa papäninmi Pasjur karqan, Pasjurpa papäninmi Malkïya karqan. Maasäipa papäninnam Adiel karqan, Adielpa papäninmi Jahzerä karqan, Jahzeräpa papäninmi Mesulam karqan, Mesulampa papäninmi Mesilemit karqan, Mesilemitpa papäninmi Imer karqan. 13 Y tsë kastapitam kayarqan familiankunachö dirigeq mil setecientus sesenta valienti nunakuna. Pëkunaqa Teyta Diospa templunchö alli yanapakoqkunam kayarqan.

14 Levïpa kastampita wakin kaqkunanam kayarqan Merarïpa kastankuna. Tsëchömi këkarqan Semäya.+ Semäyapa papäninmi Hasub karqan, Hasubpa papäninmi Azricam karqan, Azricampa papäninmi Hasabïas karqan. 15 Y tsëchömi këkäyarqan Bacbacar, Hëresh, Galal y Matanïas. Matanïaspa papäninmi Micä karqan, Micäpa papäninmi Zicrï karqan, Zicrïpa papäninmi Asaf karqan. 16 Abdïaswan Berekïaspis tsëchömi këkäyarqan. Abdïaspa papäninmi Semäya karqan, Semäyapa papäninmi Galal karqan, Galalpa papäninmi Jedutun karqan. Berekïaspa papäninnam Asä karqan, Asäpa papäninmi Elcanä karqan. Pëqa kawakurqan netofatïta nunakuna+ kawakuyanqan markakunachömi.

17 Templupa punkunchö täpakoqkunanam+ kayarqan Acub, Talmon y Ahiman. Y wawqinkuna Salummi dirigeqninkuna karqan. 18 Tsë witsanyaqmi Salumqa palaciupa juk kaq lädu*+ punkuchö täpakushqa karqan. Tsë llapankunam kayarqan levïtakunapa carpa* wayinkunachö täpakoqkuna. 19 Corëpa kastan Salumwan wawqinkunam templu punkuchö täpakoqkunapa mandaqninkuna kayaq. Salumpa papäninmi Corë karqan, Corëpa papäninmi Ebiasaf karqan, Ebiasafpa papäninmi Corë karqan.* Salumpa y wawqinkunapa unë kastankunam Jehovä Diospa carpa* wayinman yëkuna punkuchö täpaqkuna kashqa kayarqan. 20 Unë witsanqa Eleazarpa+ tsurin Finehasmi+ mandaqninkuna karqan. Pëtaqa Teyta Jehovämi llapanchöpis yanapaq. 21 Y Diospa carpa* wayinman yëkunachöqa Meselemïaspa tsurin Zacarïasmi+ täpakoq.

22 Tsë llapan täpakoqkunaqa doscientus döcim kayarqan. Pëkunataqa Dios munanqanta entiendeq Samuelwan+ Davidmi tsënö yanapakuyänampaq churashqa kayarqan. Y rikätsiyanqan markankunachömi unë apuntayanqannö+ cada familiapa täkuyarqan.* 23 Pëkunam tsurinkunawan Jehovä Diospa carpa* wayinman+ yëkuna punkukunachö täpakuyaq. 24 Pëkunam Diospa carpa* wayinta täparnin chuskun lädunchö kayaq; puntanchö, qepanchö y ishkan lädunchö.*+ 25 Cambianakuypam täpayaq, tsëmi kastankunaqa qanchis junaqpa täpakur yanapayänampaq markankunapita ëwayaq. 26 Täpakoqkunapa mandaqninkunaqa confiakuypaq chuskoq levïta nunakunam kayarqan. Pëkunam Diospa carpa* wayinchö+ cuartukunata y väleq cösaskuna churaränan cuartukunatapis täpayaq. 27 Teyta Diospa carpa* wayinta täpayänampaq churashqa kayaptinmi, pëkunaqa chuskun lädumpa täpëkar waräyaq. Y llävita katsirmi cada junaq tempränulla punkuta kichayaq.

28 Wakinkunatanam churayarqan utilizäyanqan cösaskunata+ täpayänampaq, tsëmi pëkunaqa cada apayaptin y kutitsiyaptin yupayaq. 29 Wakintanam churayarqan wakin cösaskunata, sagrädu cösaskunata,+ alli aqashqa harinata,+ vïnuta,+ aceitita,+ yuraq inciensuta+ y balsamu aceitita+ rikäyänampaq. 30 Sacerdötikunapa wakin tsurinkunanam balsamu aceitita rurayaq. 31 Levïta Corëpa kastan Salumpa mayor tsurin Matitïastanam churayarqan sartenwan ankayanqankunata rikänampaq.+ 32 Cohatpa wakin kastankunatam churayarqan cada säbadu+ tantata rurayänampaq.+ Tsë tantaqa Teyta Diospaq* churayänampaqmi karqan.

33 Familiankunachö dirigeq wakin levïtakunatam cantayänampaq churayarqan. Pëkunaqa paqaspapis y junaqpapis cantarllam kayaq y manam imatapis juktaqa rurayaqtsu. 34 Pëkunaqa Levï kasta familiankunachö dirigentikunam kayarqan y Jerusalen markachömi kawakuyaq.

35 Gabaon markachö täkoq*+ Jeielmi Gabaon markata shäritsirqan. Warmimpa jutinmi karqan Maacä. 36 Y Abdonmi mayor tsurin karqan, qepanmannam yurikuyarqan Zur, Quis, Baal, Ner, Nadab, 37 Guedor, Ahiö, Zacarïas y Miclot. 38 Miclotmi karqan Simeäpa papänin. Pëkunaqa llapanmi kastankunawan Jerusalenchö kawakuyarqan. 39 Nermi+ karqan Quispa papänin, Quismi karqan Saulpa+ papänin. Saulpa tsurinkunam kayarqan Jonatan,+ Malki-Süa,+ Abinadab+ y Esbaal. 40 Jonatanmi karqan Merib-Baalpa+ papänin, Merib-Baalmi karqan Miquëaspa+ papänin. 41 Miquëaspa tsurinkunam kayarqan Piton, Mëlec, Tahrëa y Acaz. 42 Acazmi karqan Jaräpa papänin. Jaräpa tsurinkunam kayarqan Alëmet, Azmävet y Zimrï. Zimrïmi karqan Mozäpa papänin. 43 Mozämi karqan Bineäpa papänin. Y pëpa kastankunam kayarqan Refayä, Eleasä y Azel. 44 Azelpa joqta tsurinkunam kayarqan Azricam, Bocrü, Ismael, Searïas, Abdïas y Hanan. Pëkunam Azelpa tsurinkuna kayarqan.