1 Crönicas

25 Tsënöllam Davidwan cada grüpuchö dirigeqkunaqa Asafpa, Hemanpa y Jedutunpa+ tsurinkunata rakiyarqan. Pëkunataqa churayarqan arpakunata, cuerdayoq instrumentukunata+ y platïllukunata+ tocarnin Teyta Dios willakunqankunata musyatsikuyänampaqmi. Tsëta rurayänampaqmi jutipa jutipa akrayarqan. 2 Asafpa tsurinkuna Zacur, Josë, Netanïas y Asarelämi akrashqa kayarqan. Pëkunapa dirigeqninkunaqa papäninkuna Asafmi karqan. Asafqa gobernanti ninqannöllam Teyta Dios willakunqanta musyatsikoq. 3 Tsënöllam Jedutunpa+ joqta tsurinkunapis akrashqa kayarqan: Guedalïas, Zerï, Jesayä, Simeï, Hasabïas y Matitïas.+ Pëkunapa dirigeqninkunaqa papäninkuna Jedutunmi karqan. Jedutunqa arpata tocar tocarmi Jehoväta agradecikoq y alabaq,+ tsënömi Teyta Dios willakunqankunata musyatsikoq. 4 Hemanpa+ tsurinkunapis akrashqam kayarqan: Buquïas, Matanïas, Uziel, Sebuel, Jerimot, Hananïas, Hananï, Eliatä, Guidaltï, Romamti-Ëzer, Josbecäsa, Malotï, Hotir y Mahaziot. 5 Pëkunam Hemanpa tsurinkuna kayarqan. Hemanqa Teyta Dios willakunqankunatam gobernantita musyatseq, tsënöpa Diosta alabayänampaq. Teyta Diosmi Hemanpa catorci ollqu tsurin y kima warmi tsurin kananta permitirqan. 6 Pëkunam papänin dirigiptin, platïllukunata, cuerdayoq instrumentukunata y arpakunata+ tocar tocarmi Jehoväta sirwirnin templunchö cantayaq.

Asaf, Jedutun y Hemanqa gobernantipa mandädunchömi kayarqan.

7 Pëkuna y yanapaqninkunaqa doscientus ochenta y öchum kayarqan. Llapanmi Jehovä Diospaq cantëta alli yachakushqa kayarqan. 8 Tsëpitanam ima rurëchöpis cada ünu yanapakuyänampaq sortiayarqan.+ Mayorta y menorta karpis o yachaqta o tsëraq yachakuykaqta karpis llapantam igualpa sortiayarqan.

9 Sortiariyaptinqa Asafpa tsurin Josëtam+ puntata tocarqan, tsëpitanam Guedalïasta.+ Guedalïasqa familiankunawan y tsurinkunawanmi döci kayarqan. 10 Tsëpita sortiariyaptinam tocarqan Zacurta,+ pëqa familiankunawan y tsurinkunawan döcim kayarqan. 11 Tsëpitanam tocarqan Izrïta, pëqa familiankunawan y tsurinkunawan döcim kayarqan. 12 Tsëpitanam tocarqan Netanïasta,+ pëqa familiankunawan y tsurinkunawan döcim kayarqan. 13 Tsëpitanam tocarqan Buquïasta, pëqa familiankunawan y tsurinkunawan döcim kayarqan. 14 Tsëpitanam tocarqan Jesarëlata, pëqa familiankunawan y tsurinkunawan döcim kayarqan. 15 Tsëpitanam tocarqan Jesayäta, pëqa familiankunawan y tsurinkunawan döcim kayarqan. 16 Tsëpitanam tocarqan Matanïasta, pëqa familiankunawan y tsurinkunawan döcim kayarqan. 17 Tsëpitanam tocarqan Simeïta, pëqa familiankunawan y tsurinkunawan döcim kayarqan. 18 Tsëpitanam tocarqan Azarelta, pëqa familiankunawan y tsurinkunawan döcim kayarqan. 19 Tsëpitanam tocarqan Hasabïasta, pëqa familiankunawan y tsurinkunawan döcim kayarqan. 20 Tsëpitanam tocarqan Subaelta,+ pëqa familiankunawan y tsurinkunawan döcim kayarqan. 21 Tsëpitanam tocarqan Matitïasta, pëqa familiankunawan y tsurinkunawan döcim kayarqan. 22 Tsëpitanam tocarqan Jeremot-ta, pëqa familiankunawan y tsurinkunawan döcim kayarqan. 23 Tsëpitanam tocarqan Hananïasta, pëqa familiankunawan y tsurinkunawan döcim kayarqan. 24 Tsëpitanam tocarqan Josbecäsata, pëqa familiankunawan y tsurinkunawan döcim kayarqan. 25 Tsëpitanam tocarqan Hananïta, pëqa familiankunawan y tsurinkunawan döcim kayarqan. 26 Tsëpitanam tocarqan Malotïta, pëqa familiankunawan y tsurinkunawan döcim kayarqan. 27 Tsëpitanam tocarqan Eliatäta, pëqa familiankunawan y tsurinkunawan döcim kayarqan. 28 Tsëpitanam tocarqan Hotirta, pëqa familiankunawan y tsurinkunawan döcim kayarqan. 29 Tsëpitanam tocarqan Guidaltïta,+ pëqa familiankunawan y tsurinkunawan döcim kayarqan. 30 Tsëpitanam tocarqan Mahaziot-ta,+ pëqa familiankunawan y tsurinkunawan döcim kayarqan. 31 Y tsëpitanam tocarqan Romamti-Ëzerta,+ pëpis familiankunawan y tsurinkunawan döcim kayarqan.