Amos
6 “¡Allaw, kikinkunallaman confiakur Sion jirkachö kawaq nunakuna,
allaw, imapaqpis mana yarpachakur Samaria+ jirkachö kawaq nunakuna.
Allaw, kë nacionchö mandakoq nunakuna!
Israel nunakunaqa yanapayänëkipaqmi qamkunaman shayämoq.
2 Rikäyänëkipaq Calnë markaman ëwayë,
tsëpitana ëwayë Jatun Hamat+ markaman
y tsëpitana filisteukunapa Gat markankunaman.
¿Tsë markakunaqa këkäyanqëki nacionkunapita* mas alliku?
¿Markëkikunapita mas jatunku?
3 Qamkunaqa manam yarpachakuyankitsu sufrimientu chämunampaq kaqta+
y gobernanti kayänampaqpis mana alli nunakunatam churayanki.+
4 Qamkunaqa marfilpita*+ rurashqa alli cämakunachömi punuyanki+
y alli sïllakunaman jamëkurmi carnërukunata y wira* törukunata mikuyanki.+
6 Jatusaq tazonkunawanmi vïnuta upuyanki+
y cuestaq pukutaq o mushkoq aceitikunatam cuerpuykikunaman jichakuyanki.
Peru desgraciapa Josë pasëkaptimpis manam yarpachakuyankitsu.+
7 Tsëmi qamkunapis prësu ëwaqkunapa puntanta prësu ëwayanki,+
y fiesta rurëpis manam kanqanatsu.
8 ‘Llapanta Gobernaq Teyta Jehovä ninqanta wiyayë.+ Angelkunata mandaq Teyta Jehovämi, kikimpa jutinchö kënö nishqa:
Tsëmi markachö llapan kaqkunata ushakätsiyänampaq dejashaq.+
9 Juk wayichö chunkaq nunakuna quedayaptinqa pëkunatapis wanutsiyanqam o wañutsiyanqam. 10 Juk familian* ëwarmi ayakunata apakunqa y cada ünutam ninawan rupatsinqa. Tsëpitanam tullukunata wayi rurimpita waqtaman apanqa, tsënam wayi rurinchö këkaqta tapunqa: ‘¿Kanraqku pillapis wayi rurinchö?’ nir. Tsënam wayi rurinchö kaqqa, ‘mananam ni pï kannatsu’ nimunqa. Tsëmi juk kaqqa ninqa: ‘¡Upälla kë! Kananqa manam Jehovä Diospa jutinta parlanantsik höratsu’”.
11 Mandakoqqa Jehovä Diosmi,+
pëmi jatun wayita ushakätsin.
Y ichik wayitapis juchutsirmi* ushanqa.+
12 ¿Imëllapis rikäyarqunki cawallukuna qaqakunapa cörreqta?
¿Y pitan törukunawan qaqakunachö yapyan?*
Qamkuna justicia rurayanqëkiqa imëka venënuyoq plantanömi
y allita rurayanqëkipis ajenjunömi asqan o ayan.+
13 Qamkunaqa mana kaqpitam kushishqa këkäyanki
y “¿manaku kikintsikpa kallpantsikwan poderösu tikrarquntsik?” nirmi alabakuyanki.+
14 Tsëmi Israel nunakuna tsënö kayanqëkipita juk nacion nunakunata qamkunaman mandamushaq.
Pëkunam Lebö-Hamatpita*+ qallëkur Arabä mayuyaq* sufritsir poderninchö katsiyäshunki’+ ninmi angelkunata mandaq Teyta Jehovä”.