Isaïas
7 Jotanpa tsurin y Uzïaspa willkan Acaz+ Judächö gobernëkaptinmi, Siriachö gobernaq Rezin y Israelchö gobernaq Remalïaspa tsurin Pëcah,+ Jerusalenchö nunakunawan pelyaq ëwayarqan, peru manam vencita puëdiyarqantsu.+ 2 Y gobernaq Davidpa kastankunatam kënö willayarqan: “Siriapita soldädukuna y Efrainpita soldädukunam juntakäyashqa”.
Tsënam Acaz y gobernanqan nunakunaqa, montikuna vientuwan kuyoqnöraq mantsakar karkaryäyarqan.
3 Tsëmi Teyta Jehoväqa Isaïasta nirqan: “Tsuriki Sear-Jasubta* pusharkur, jana kaq jatun pözupita+ yarqamoq sekyachö Acazwan+ tinkoq ëwë. Tsëqa këkan taqshapakoq nuna trabajanqan sitiuman ëwaq nänipa lädunchömi. 4 Pëwan tinkuskir kënö ninki: ‘Imata ruranëkipaq kaqta alli pensë, y ama yarpachakuytsu. Ama mantsakuytsu y Siriachö gobernaq Rezin y Remalïaspa+ tsurin cölerashqa kayaptimpis ama pëkunata mantsëtsu. Pëkunaqa nina ushanqan yantanöllam kayan. 5 Siriapita nunakuna, Efrainpita nunakuna y Remalïaspa tsurinmi, qamwan pelyaq shayämunampaq kënö parlayashqa: 6 “Judäpita nunakunawan pelyaq ëwashun, imëkata ushakätsir* markankunaman yëkushun* y tsëchö gobernaq kanampaq Tabeelpa tsurinta churashun”.+
7 Llapanta Gobernaq Teyta Jehovämi nin:
“Tsë pensëkäyanqanqa manam pensayanqannötsu yarqunqa ni pasanqa.
8 Damascum Siriachö mas reqishqa markaqa,*
y Damascuchöqa Rezinmi gobernan.
Sesenta y cincu watallachömi Efrainpita nunakunaqa
llapan ushakäyanqa, manam nacionnatsu kayanqa.+
Llapan shonquykikunawan noqaman mana confiakurqa,
qamkunapis manam tsarakuyankitsu”’”.
10 Acaztapis Teyta Jehoväqa kënömi nirqan: 11 “Noqa Jehovä Diosnikita ima señaltapis mañamë.+ Tsë señaltaqa nimanqëki sitiuchömi rikätsishqëki, Sepultüranö* hondu sitiuchö o ciëlunö altu sitiuchö kaptimpis”. 12 Peru Acazqa, “manam imatapis mañakushaqtsu ni Teyta Jehoväta pruëbaman churashaqtsu” nirqanmi.
13 Tsënam Isaïas nirqan: “Davidpa kastankuna shumaq wiyarayämë. ¿Manaku nunakunapa paciencianta ushakätsiyanqëkiwan conformakuyanki? ¿Kananqa Teyta Diospa pacienciantanaku ushakätsita munayanki?+ 14 Tsëmi Teyta Jehoväqa juk señalta rikäyänëkita permitinqa. ¡Rikäyë! Juk shipashmi* qeshyaq tikranqa, y wamran yuriptinmi+ Emmanuel*+ nir jutin churanqa. 15 Ima alli kanqanta y ima mana alli kanqanta manaraq musyarmi, pëqa mantequïllata y mielta mikunqa. 16 Y ima alli y ima mana alli kanqanta tsë wamra manaraq musyaptinmi, tsë mantsanqëki nunakuna gobernayanqan markakunaqa ushakäyanqa.+ 17 Tsënöllam Teyta Jehoväqa qamkunawan, gobernayanqëki nunakunawan y papänikikunapa familianwan pelyanampaq Asiriachö gobernaqta mandamunqa.+ Efrain nunakuna Judäpita rakikäyanqan witsampitaqa,+ manam imëpis tsënöqa pasakushqatsu.
18 Tsë tiempum Teyta Jehoväqa, Egiptuchö Nïlu mayupita* yarqoq mayukunapita chuspikunata y Asiriachö abëjakunata wichyar qayanqa, 19 y tsëkuna shamurmi zanjakunaman, qaqakunachö uchkukunaman, mëtsika kasha rurinman y animalkuna yakuta upuyänan sitiukunaman juntariyanqa.
20 Tsë tiempuqa, Asiriachö+ gobernaqmi Eufratis mayu* kinrëpita alquilashqa cuchillunö kanqa, y tsëwanmi Teyta Jehoväqa Judäpita nunakunapa aqtsanta, chankankunachö shaprata* y cärankunachö shaprata rututsinqa.
21 Tsë tiempum juk nunaqa ternëranta y ishkë üshakunata imëkapita cuidanqa. 22 Mëtsika lichi kaptinmi pëqa mantequïllata mikunqa y tsë nacionchö kawëkar quedaqkunapis mantequïlla y mieltam mikuyanqa.
23 Tsë tiempuqa, mil yuraq pläta qellë cuestaq mil plantayoq üvas chakrachöpis kashallana y mana alli qorakunallanam* kanqa, 24 y entëru nacionchö kashallana y mana alli qorakunallana* kaptinmi, tsëman ëwaq nunakunaqa flechakuyänanta y flëchankunata aparkur ëwayanqa. 25 Y kashakunata y mana alli qorakunata* mantsarmi, unë limpiapäyanqëki jirkakunamampis witiyankitsu. Tsëmi tsë sitiukunachöqa, törukuna y üshakunallana mikuyanqa”.