Osëas
Kutin kutinmi Baal santukunapaq+ qarëkunata apayarqan,
y nunakuna rurayanqan santukunapaqmi qarëkunata rupatsiyarqan.+
3 Noqam Efrainta+ purita yachatsirqä, y rikrächö aparqä.+
Peru pëkunaqa manam alliyätsinqäta* yarpäyarqantsu.
4 Pëkunata llakipar* y kuyarmi noqaman witiyämunampaq yanaparqä,+
y matankankunapitam yüguta paskarqä.
Cada ünutam kuyëllapa mikuyninkuna qararqä.
5 Pëkunaqa manam noqaman kutimuyta munayashqatsu, tsëmi Asiriana pëkunata gobernanqa.+
Tsënö kaptimpis, manam Egiptumanqa kutiyanqanatsu.+
6 Juk espädam llapan markankunaman chanqa,+
y imëka mana allikunata rurayanqampitam markankunapa punkunchö fiërrukunata ushakätsinqa.+
7 Sirwimaqnïkunaqa traicionamëtam imëpis ashiyan.+
Sharkuyänampaq nikäyaptimpis manam ni mëqan sharkuyashqatsu.*
8 ¿Imanöparaq dejëkoqman Efrain?+
¿Imanöparaq jukkunaman entreguëkoqman Israel?
¿Imanöparaq Admätanö tratëkoqman?
¿Imanöparaq Zeboyimtanö dejareqman?+
9 Noqaqa qamkunawan këkaq limpiu Diosmi kä,
y manam nunatsu kä.
Tsëmi cölerakurpis ushakätsiyashqëkitsu.
Efraintaqa manam yapë ushakätsishaqtsu,+
y manam cölerashqaqa castigayashqëkitsu.
10 Noqa Jehoväpa qepätam shayämunqa, y noqaqa leonnömi waqashaq o qaparishaq.+
Tsënö qayaraptïmi inti o rupay jeqanan lädupita tsurinkunaqa karkaryar-raq shayämunqa.+
11 Egiptupita yarqamurqa pishqunömi mantsakar karkaryäyanqa,
Asiriapita yarqamurnam palumanö karkaryäyanqa,+
y wayinkunaman kutiyänampaqmi yanapashaq” ninmi Teyta Jehovä.+
12 “Efrainqa manam rasumpa kaqtatsu niman,
y Israel nunakunaqa tukuynöpam engañayäman.+
Peru Judäqa noqa munaqänöran kawëkan,
y manam alläpa limpiu Diosninkunata dejayämashqatsu”.+