Amos
9 Altar jananchö këkaqtam Teyta Jehoväta rikarqä+ y kënömi nimarqan: “Llapan umbralkuna kuyunampaq, columnakunapa puntanta takëkuy, tsëpitana columnakunapa puntankunata pakiri. Noqanam quedaq nunakunata espädawan wanutsishaq. Qeshpir ëwakoqpis y qeshpita munaqpis manam salvakunqatsu.+
2 Patsa rurinman* yëkuyaptimpis makïwanmi jipimushaq,
ciëluman witsäyämuptimpis urätsimushaqmi.
3 Carmëlu jirka puntanman ëwayaptimpis
ashi ashïkurmi kutitsimushaq,
lamar rurinman yëkuyaptimpis,+
culebratam kaninampaq mandashaq.
4 Chikeqninkuna prësu apakuyaptimpis,
espädawan wanutsiyänampaqmi o wañutsiyänampaqmi mandakushaq.+
Mëchö kayaptimpis yanapanäpa rantinmi castigashaq.+
5 Noqa, Llapanta Gobernaq y angelkunata mandaq Jehovämi, entëru nacionta yatëkushaq,
tsëmi tsullunqa+ y tsëchö llapan kawaq nunakunam llakishqa waqayanqa.+
Egiptuchö Nïlu mayu* miraqnömi imëka mana allikuna miranqa,+
y Nïlu mayu miraqnö y wallkayaqnömi imëkapis puntatanönatsu kanqa.
6 ‘Noqam ciëluyaq chaq escalërata rurarqö,
patsa jananchö azulyarëkaqtapis* tëchutanömi kamarqö.
7 Teyta Jehovämi nin: ‘Israel nunakuna, ¿manaku qamkunataqa cusïta nunakunapa kastankunatanö qamkunata rikä?*
¿Manaku qamkunataqa Egiptupita pushamurqä,*+ Crëtapitana filisteukunata+
y Quirpitana Siria nunakunata?’.+
8 ‘Noqa Llapanta Gobernaq Jehovämi, kë nacion jutsata* ruranqanta rikëkä,
y llapantam ushakätsishaq.+
Tsënö kaptimpis Jacobpa kastankunataqa manam llapantatsu ushakätsishaq’+ ninmi Teyta Jehovä.
9 ‘Mëtsë nacionkunamanmi israelïtakunata qarqushaq,+
tsëtaqa rurashaq imëka cerninawan cerneqnömi
y manam ni juk aqullapis cerninapita shikwanqatsu.
10 Mana cäsumaq nunakunataqa llapantam espädawan ushakätsiyanqa.
“Manam ima sufrimientupapis pasashuntsu” nikarpis llapanmi wanuyanqa’.
11 ‘Tsë junaqmi Davidpa+ ishkishqa wayinta yapë rurashaq.
Juchushqa* perqankunatam altsatsishaq
y ishkishqa këkaq wayikunatam yapë rurashaq.
Unënömi yapë rurashaq.+
12 Tsënöpam Edomchö+ quedaq nunakunata sirwimaqnïkuna gobernayanqa
y llapan nacionchö jutïpa reqishqa kaqkunapis’ ninmi llapanta ruraq Teyta Jehovä.
13 Teyta Jehovämi kënö nin: ‘Chëkämunnam tiempu,
y chämuptinqa cosëchata manaraq ushayaptinmi murukuy tiempuna kanqa,
y üvasta jarur manaraq ushayaptinmi plantapakuy tiempuna kanqa.
14 Prësu apakuyanqan sirwimaqnï israelïtakunatam kutitsimushaq,+
pëkunam ushakashqa markakunata yapë sharkatsir tsëchö kawakuyanqa.+
Üvas plantakunatam plantayanqa, y vïnuta rurarmi upuyanqa.+
Imëka plantakunatam plantapakuyanqa y llapan wayunqantam mikuyanqa’.+
15 Diosnikikuna Jehovämi kënö nin:
‘Markankunaman kutiratsiptïqa manam ni pitapis prësu apayanqanatsu,
markankunachömi imëyaqpis kawakuyanqa’”.+