Ezequiel
27 Teyta Jehoväqa yapëmi parlapämarqan y kënömi nimarqan: 2 “Nunapa tsurin, Tïru markata llakishqa* cantapë.+ 3 Kënö nï:
‘Lamar kuchunchö këkaq marka,
mëtsë islakunachö nunakunawan negociuta ruraq marka,
këtam Llapanta Gobernaq Teyta Jehovä nishunki:
“Tïru marka, kikikim ‘alläpa shumaq markam kä’ nirqunki.+
4 Lindëruykikunaqa lamar chowpimpam* këkan.
Imëkata rurëta yachaq nunakunam shumaqyätsiyäshurqunki.
5 Senirpita apayämunqan enebru qerupita tablonkunawanmi barcutanö rurayäshurqëki+
y barcupa chowpichö* shäraq* qerupis Lïbanupita apayämunqan cedru qerum karqan.
6 Basanpita apayämunqan robli qerupitam pälëkikunata rurayämurqan.
Y puntannikikunatanam cipres qerupita y Kitim islakunapita apayämunqan marfilwan adornashqata rurayämurqan.+
7 Vientu pükanampaq telëkitanam, Egiptupita apayämunqan lïnupita shumaq colorkunata rurayämurqan.
Y tolduykitanam, Elisä islakunapita apayämunqan azul hïlupita y puka millwapita rurayämurqan.+
8 Palëkita kuyutsimoqkunaqa kayarqan Sidonpita y Arvadpita nunakunam.+
Tïru marka, imëkatapis alli musyaq nunakunam barcuykikunata manejayaq.+
9 Guebal markapita alli yachaq nunakunam+ barcupa rachishqankunatapis tsapayaq.+
Negociantikunapis mëtsëpitam barcukunawan chäyämoq. Mëtsika negociutam apayämoq, tsënöllam negociukunata kutitsiyaq.
10 Guërrachö pelyaq soldäduykikunapis Persiapita, Ludpita y Putpitam kayarqan.+
Pëkunam, perqëkikunaman escüdunkunata y cascunkunata warkuyaq. Tsëmi puëdeq rikakurqëki.
11 Arvadpita nunakunam soldäduykikuna kayaq. Pëkunam entëru murällëkikunachö cuidakur kayaq.
Y valienti nunakunam törrikikunachöpis kayaq.
Pëkunam murällëkikunaman redondu escüdukunata entëru läduman warkuyaq.
Tsëmi mas shumaqraq rikakoq kanki.
12 Rïcu kaptikim Tarsispita+ negociantikuna shayämoq.+ Imëkëkikunawan trokayänampaqmi pläta metalta, fiërruta, estäñuta y plömuta apayämoq.+ 13 Javan, Tubal+ y Mesec+ nunakunapis, qammanmi ranteq shayämoq. Y imata rantirpis, pagayäshoq kayäshunki esclävukunawan+ y cobrikunawanmi. 14 Togarmä+ nunakunapis ranteq shamurqa cawallukunawan y mulakunawanmi pagayäshoq kayäshunki. 15 Dedan nunakunawampis+ negociutam rurarqëki y mëtsë islakunachömi qampaq trabajaq negociantikuna karqan. Pëkunam impuestukuna pagayäshoq kayäshunki marfilwan+ y ëbanu niyanqan qeruwan. 16 Imëkayoq kayaptikim edomïta nunakunapis imëkëkikunata ranteq shayämoq. Y pagayäshunëkipaqmi turquësa rumikunata, puka millwakunata, bordashqa shumaq color tëlakunata, alli kaq tëlakunata, lamar rurinchö tariyanqan shumaq rumikunata* y rubï rumikunata apayämoq.
17 Judä markakunapita y Israel markakunapitapis, imëkëkikunata ranteqmi shayämoq y pagayäshunëkipaqmi+ Minit markachö muruyanqan trïguta,+ mas allin kaq mikuykunata, mielta,+ aceitita y balsamuta+ apayämoq.
18 Y imëkayoq kaptikim Damascu+ markapitapis imëkëkikunata ranteq shayämoq. Y pagayäshunëkipaqmi apayämoq HeIbon sitiuchö rurayanqan vïnuta y Puka* millwata. 19 Uzal sitiupitapis Vedan y Javan nunakunam imëkëkikunata ranteq shayämoq, y pagayäshunëkipaqmi apayämoq fiërrupita rurashqa imëka cösaskunata, casia qeruta* y shumaq pukutaq o mushkoq cäñata. 20 Dedan+ nunakunanam sillaman churayänan awashqa rakta tëlakunata apayämoq. 21 Ärabe nunakunata y Quedarchö mandakoq negocianti nunakunatanam nirqëki mallwa üshakunata,+ carnërukunata y cabrakunata apayämunampaq.+ 22 Säba* y Raamä nunakunapis imëkëkikunata ranteqmi shayämoq+ y pagayäshunëkipaqmi apayämoq imëka cläsi mas alli kaq perfümikunata, shumaq rumikunata y öruta.+ 23 Haran nunakuna,+ Canë nunakuna, Eden nunakuna,+ Säba negociantikuna,+ Asur nunakuna+ y Kilmad nunakunapis qammanmi negociuta ruraq shayämoq. 24 Rantikuyänëki sitiumanmi negociunkunata waskawan alli watashqata chätsiyämoq. Tsëchömi rantikuyaq shumaq röpakunata, tukuy colorwan bordashqa azul mantakunata y tukuy color alfombrakunata.
25 Tarsispita barcukunanam+ negociuykita aparnin qatinakur-raq ëwayaq.
Tsëmi mëtsika cargayoq* lamar chowpimpa* ëwaq kanki.
26 Barcupa pälanta manejaqkunam mas peligrösu kaq lamarpa apayäshurqëki.
Tsëmi inti o rupay yarqamunan lädupita shamoq vientuqa, lamar chowpinchö* ushakätsishurqëki.
27 Llapan riquëcëki, imëka kapushunqëki, negociuyki, barcuwan pureq nunëkikuna, marinëruykikuna,
barcupa rachishqankunata altsapaqkuna, qamwan imëka negociukunata ruraqkuna,+
llapan soldäduykikuna+ y qamchö këkaq llapan nunakunam,
ushakanqëki junaq llapankuna lamar chowpinchö* hundikäyanqa.+
28 Marinërukuna waqar qayëkachäyaptinmi, lamar kuchun markakunachö täkoq* nunakunaqa alläpa mantsakäyanqa.
29 Barcupa pälanta manejaqkuna, barcuchö trabajaqkuna
y wakin nunakunapis barcunkunata dejarirmi, qeshpir ëwakuyanqa y tsaki patsachömi quedakuyanqa.
30 Qampaq llakikur y alläpa waqarmi+ peqankunamampis o umankunamampis allpata jichayanqa
y uchpachömi wakman këman qarimpäyanqa o qoshpayanqa.*
31 Peqankunata o umankunata afeitarir
y chukru tëlata churakurkurmi qampaq alläpa llakikur waqayanqa.
32 Llakikurmi kutin kutin kënö nir cantapäyäshunki:
‘Allaw Tïru marka, pëtanöqa, ¿pitaraq pasanman? Lamarchömi ushakärishqa’.+
33 Karu markakunapita negociuta lamarpa chätsiyämuptinmi, mëtsë markakunapita nunakuna alläpa kushikuyaq.+
Rïcu kaptiki y imëkayoq kaptikim, mëtsë nacionchö gobernantikunapis rïcuyäyarqan.+
34 Peru kananqa lamarpa chowpinchömi,* mëtsika yaku chowpinchö hundikarqunki.+
Negociuykiwan y yanapayäshoqniki nunakunawan juntum hundikarqunki.+
35 Mëtsë islakunachö täkoq* nunakunam mantsakashqa rikaräyäshunki+ y gobernantinkunapis pasëpa* mantsakashqam karkaryäyanqa.+
Mantsakashqa kayanqanqa cärankunachömi cläru rikakunqa.
36 Mëtsë nacionkunapita negociantikunapis, pasashunqëkita rikarmi mantsakashqa wichyayanqa.
Qamqa, mana pensanqëki höram mantsakëpaq juklla ushakärinki
y mananam ni imëpis rikäyäshunkinatsu’”’”.+